Zẹfanaya 2:1 - FỊAFỊA BAỊBỤLỤ

¹ Ḅụụ-jịrị nyana-a sịẹ, ó kuroma nyana ọmịna ḅụụ pịrị

Zẹfanaya 2:1 Iomraidhean Croise

2 Paka-aị 20:4

Juda nwẹnị KỊNỊNYANAḄỌ ḅe ḅụụ ḅụ ḅarasụa ḍọkị gotẹ kobiri; Juda ḅẹ opu ama mamgba ḅụ ịn KỊNỊNYANAḄỌ ḅe ḍọkị gotẹ ḅom.

Nehimaya 8:1

Tomi mamgba nwẹnị gbọrụ tomḅọ ḅara kẹ Minji Ogigo-ḅọkọ mẹ tọrọkọ finjima wararị anga mẹ ḅụ sọ-mu kobiri, tẹ nwẹnị ḍuko Ẹzịra ḍiri-kẹẹḅọ ḅe pịrị ò Mozizi Oloko Ḍiri mẹ tẹ KỊNỊNYANAḄỌ ḅe kẹ Izirẹlị pịrị ye mẹ ọkị-ḅo.

Nehimaya 9:1

Mịọkụ mị akalụ mẹ ḅẹ si ini aḍin finji karama ene ḅụ Izirẹlịapụ ma nwẹnị ḅuru-ịmọ kẹ kobiri tẹ akpa sụa tẹ ịnwaịn, tẹ fọọn kẹ ịna asịḅị sara.

Ẹsịta 4:16

“Mu tẹ suza ḅụ ị́ ḍọkị-ẹrị Juu-ḅẹ-apụ mamgba kobiri tẹ ọmịnị ị̀ sịḅị gotẹ ḅuru-ịmọ, tẹ ḍin na, eneḅaka na ḅụ tẹra aḍin kẹ fịye fị ma, pịkị minji ḅuu ma. Yẹrị na, ị̀ fịrịmẹnjị-eremịna-awọmẹ ma na sọ ọ̀ mịẹ ḅara mịẹ ḅa. Anịtẹrẹmẹ àrị amadaḅọ ḅe ḍọkụma-mu ḅa, anị oloko mẹ na tụḅụrụ wararị ḅẹsọ; tẹ à fịị-faa fa, yee à fịị-faa.”

Jerimaya 3:3

Anie mịẹ tẹ eene ḅarị koro-a, tẹ fẹngụ aya-ḅịḅị ḅẹ nwẹịn-nwẹịn eene mẹ sọ ḅo-a. Ḍiki-tọrụ ḅụ kịngẹ sọ ị́ ama-mẹnjị-ẹrẹḅọ kịkarị; ị́ ḅụụ sọ jịrị-a.”

Jerimaya 6:15

Ịn nwẹn kẹ ḅụụ ḅụ si ḅụra tẹ aị ma mị ye mẹ ịna ḅụụ-jịrị-a aro? Ẹn-ẹn, gbala-gbala ịna ḅụụ-jịrị-a; ịna aḅụụ kịngẹ sọ ḅa. Tẹ mie ḅụ ini sọ osi-apụ ḅịkị tẹ ḅara ḅịkị ḅa; à fomu-ḅara kẹ ịn pịrị sakị, anie ịna kunoma sọ ḅa. Yẹrị, KỊNỊNYANAḄỌ ḅe ọkọ ḅẹẹm.”

Jowẹlị 1:14

Ó ḅuru-ịmọ tọn pakamaa, kobiri sịịn! Amakiri mẹ ḅẹ sịḅịdapụ ma na tomi ma na kobiri ḅoo, KỊNỊNYANAḄỌ ọmịna Tamụnọ ḅẹ Warị mẹ ḅio, tẹ owu pakama ọ̀ pịrịị.

Zẹfanaya 3:5

Kụma KỊNỊNYANAḄỌ ḅe paa opu ama mẹ ḅio emi; kuraye, anie ọ̀ mịẹarị tẹ gbala-gbala iri-ye mịẹ-mịẹ-a. Dede goyegoye gbarị-a ḅara ḅụ, ori inoma ofori ye ọkị-ḅo ori atomi pịrịarị. Tẹ anịsọ anịanga ḅụ karakara mịẹ-a apụ ma paa iri-ye mịẹ tọrọkọ-tọrọkọ muarị tẹ ḅụụ-jịrị-a.

Zẹkaraya 11:8

À ḅarị inetẹ tẹra Anana-ḍikiḍikiapụ tẹ ì ḍiki-ḅioḅuarị apụ inema-a tẹ gbọrụ akalụ kịngẹ ḅụ fịrị ḅụ in siinm.

Matiyo 18:20

Kẹ gotẹ ọkọ ḅẹẹarị, maa apụ, anịanịa tẹra apụ, ị̀ ẹrẹ ḅụ kobiri anga, kobiri anga, arị ini na emi.”