Zẹfanaya 1:8 - FỊAFỊA BAỊBỤLỤ

⁸ KỊNỊNYANAḄỌ ḅe ḅẹẹarị, “Anị ḅaa ene mẹ ḅụ à fịrịmẹnjị opu ama ma fomu ḅa, amadaḅọ ḅe owiapụ-awọmẹ ma na, inimgba tẹ jen sịẹ ḅẹ mịẹ-mịẹye mịẹarị apụ ma sọ.”

Zẹfanaya 1:8 Iomraidhean Croise

2 Amadapụ 10:22

Ọ̀ nwẹnị ịn sunsin Balị pịrịarị sakị ịn sụa-sụa akapa ma koko igbe mẹ ḍikiḍikiarị ḅọ ḅe ḅẹẹ, “Kapa ma pakama-ḅo sunsin Balị pịrị ḅẹ ḅo apụ mamgba pịrị ịn sụa.” Anieḅụ ọ̀ nwẹnị kapa ma pakama-ḅo ịn pịrị.

Ayịzaya 10:12

Kụma KỊNỊNYANAḄỌ ḅe ḅẹẹm, “À Zayọnị tụndụ ọgọnọ ḅụ na Jeruselemu ḅụ na à mịẹarị ye mịẹ fama sakị arị Asiriya tomikiri mẹ daarịḅọ ḅe fomu ḅa, ò bomarị ḅụụ mamgba na ori opu-amịẹaị mamgba na gotẹ.”

Ayịzaya 2:6

Yei Tamụnọ, ị́ ị́ atomi sịkị tịya, Jekọbụ furo-ḅẹ-apụ ma Amakiri mẹ ḅụ majịkị amịẹaị mie ịn mịẹarị, anie ịrụa saakị paka-ḅoarị yọ mẹ na Filisiteni na ḅụ ḅo aị ma. Tomi ma jen asịẹ ḅẹ ama-anganga-ḅara kẹ amịna aị sọma tẹ mịẹarị.

Ayịzaya 24:21

Anị ene mẹ ḅụ, KỊNỊNYANAḄỌ ḅe fomu-ḅara kẹ ọgọnọ ḅẹ akụrọ ma na tomikiri ḅẹ ḅẹrẹtọn apụ na pịrị ḅa.

Ayịzaya 39:7

Da-da í furo-ḅẹ-apụ ḅẹ jen-apụ ịn nwẹn kẹ poo tẹ apụ mịẹ tẹ ịn Babịlonịya daarịḅọ ḅe ama-da warị mẹ ḅẹ fịrịmẹnjịapụ sọ ḅa.”

Habakọkụ 1:10

Ini amadapụ ḍiki-iderima ḅara kẹ ini na mịẹarị tẹ fịrịmẹnjị-opuapụ ḍẹrịarị. Gbọrụ kụrọnị-anga sọ in kiki-kiki-a; ini aḅaịn soku kpolima anị bịan si tẹ anị ọkịarị.

Ditẹrọnọmị 22:5

Ḅẹ kapa kapa, tẹ owiḅọ gbolomaye gbolomaye, ẹrẹḅọ sụa ma; anịanịa ẹrẹḅọ gbolomaye gbolomaye, owiḅọ sụa ma; kẹ gotẹ ọkọ ḅẹẹarị, mịna aị ma mịẹḅọ mịẹḅọ KỊNỊNYANAḄỌ ọmịna Tamụnọ ḅe ḅụụ tọn-tọnye mịẹm.