Zẹfanaya 1:7 - FỊAFỊA BAỊBỤLỤ

⁷ KỊNỊNYANAḄỌ ḅe ene mẹ ḅoarị, Tamụnọ ye mịẹ ḅarị ene mẹ; mie ḅụ ọ́ yaụ-sime ọ̀ tọrọkọ ḅụ. KỊNỊNYANAḄỌ ḅe tẹlẹmarị agbamịẹ anama ḅaa ḅara kẹ ori atomi ḅaa ḅa, tẹ ini na fịya-a apụ sịn tẹẹ in ḅo in gulugulumaa.

Zẹfanaya 1:7 Iomraidhean Croise

Jobu 24:1

“Kụrọmamgba Nyanaḅọ ḅe tiegotẹ sakị pẹlẹ ḅẹrẹkọn pịrị-a? Anịsakị tiegotẹ ò nimi apụ ma gbala-gbala ori ene ma ẹrị-a?

Devidi-Anume 46:10

Ọ̀ ḅẹẹarị, “Ọ́ ḅarị ọmụ gbin ma, tẹ nimi mịnẹ yẹrị Tamụnọ; sịẹ-sịẹ ma ogboku yẹrị tẹịnḅọ, tomikiri mẹ kana-koro ḅụ yẹrị tẹịnḅọ.”

Ayịzaya 13:3

KỊNỊNYANAḄỌ ḅe ori ọmụapụ sịn pakama-ḅo tẹ, ḅụụ-tọn-arị tẹ ḅiokpọ nyana wararị apụ ma, mịnẹ in mu fịafịa ọmụ mẹ gbin, tẹ fomu-ḅara kẹ ori ịganị nyana pịrị wararị apụ ma pịrịị.

Ayịzaya 13:6

Akụye ḅụ olokuu! KỊNỊNYANAḄỌ ḅe eneḅaka ḅo kpeki tẹ, KỊNỊNYANAḄỌ ḅe ye guluguluma ḅẹ ene mẹ.

Ayịzaya 2:12

Anị ene mẹ ḅụ, Kụrọmamgba nyana KỊNỊNYANAḄỌ ḅe kụrọ nyana tẹ ḅụụ-gelema tẹ “ị̀ ḅụụ ngẹrị ḅụ” kẹ amịna ḅụụ ḅẹẹarị apụ mamgba iderima ḅa.

Ayịzaya 29:2

Anịsọ, Tamụnọ opu ḅụụ-fụka ọkị-ḅo ḅa ama mẹ ọgọnọ, anie ịn kẹ “Tamụnọ ḅe Agbamịẹ-anga” sịn anga mẹ. Anị anga tomi lee-leema owu ḅa, tẹ ama mẹ agbamịẹ-anga kịka ḅa, anga mamgba ọmbie-ọmbie-ọmbie.

Ayịzaya 34:5

KỊNỊNYANAḄỌ ḅe So-ḅio sime tẹ amịna okologie tẹlẹma tẹẹ, mịọkụ anị Idọmụ pẹlẹ ḅa, ini ma tẹ ọ̀ tọn-pẹlẹ ḅaa guluguluma pịrị tẹ apụ ma.

Ayịzaya 34:6

Ọmbie na ḅẹlẹkị na ori okologie mẹ ọmbịma fama ḅa, anie anana na oḅori na ọmbie na ḅẹlẹkị na mịẹ-mịẹ ḅara kịka ḅa ini ịn kẹ agbamịẹ-anga ḅụ. Bozara opu ama mẹ ḅio mie KỊNỊNYANAḄỌ ḅe mie mị agba mẹ mịẹ ḅarị ye; ò miemẹ kẹ gburo-gburoma Idọmụ amakiri ḅụ tọnwa-apụ kẹ gbọrụ kiri ḅa mịẹ ḅa.

Ayịzaya 6:5

À ḅẹẹm, “Gbọrụ ḅiokpọ sọ ị̀ ḅụụ ofori! À fa tẹẹ. Àrị ẹkwẹn pakama-ḅoarị ẹkwẹn mamgba si-aị famam, tẹ si-aị si-aị ẹkwẹn-arị atomi ogboku mie à pịkị angarị ye. Tẹ anịsọ, à ḅarana ị̀ atọrụngbọ kẹ Amadaḅọ ḅe ẹrị tẹẹ, Kụrọmamgba nyana KỊNỊNYANAḄỌ ḅe!”

Jerimaya 46:10

Mịmgba mẹ mie Tẹịn-Ḅẹrẹtọn-Kụrọ-Nyana Kụrọmamgba nyana KỊNỊNYANAḄỌ ḅe eneḅaka mẹ, mịmgba ọ̀ gbẹẹfị ḅii ḅa; mịmgba ò fomu-ḅara kẹ si kẹ ọ̀ tọn apụ ma pịrị ḅa. Ori okologie ḅuru fị nwenii anị furo ḅin ḅa, tẹ ịna ọmbie ḅuu nwenii anị anị pọkọ-ta ḅa. Mịmgba Kụrọmamgba Nyanaḅọ ḅe amịna anama kẹ agba mịẹarị ọgọnọ-jụ mẹ ḅụ, Yuferetisi tọrụ akaka ḅụ.

Izikẹlị 7:10

Opu ḅụụ-fụka ene ḅaka ḅara kẹ ḅo Izirẹlị pịrịarị. Kụrọ-kụrọ amịẹaị ḅakarị. Ḅụụ-gelema ḅo opu ḅara la tẹ.

Izikẹlị 7:7

Ọmịnị amakiri mẹ ḅụ angarị apụ kunoma mẹ ḅo ọ́ la ḅẹ-yearị. Ọ́ ḅarị jen kẹ tụndụ ọgọnọ ḅẹ oru-awarị ma ḅio oru-alalị fị ḅịa sakị mẹ ḅo kpekitẹ, pikiri-pikiri kịngẹ mie sime ḅarịye.”

Jowẹlị 1:15

Yei, anị ḅalafama ene mẹ! Anị Kụrọmamgba-nyana KỊNỊNYANAḄỌ ḅe amakiri mẹ guluguluma ḅarị ene mẹ ḅo kpeki tẹẹ.

Jowẹlị 2:11

KỊNỊNYANAḄỌ ḅe tọn ori ọmụ-ogbo pịrịarị tẹ ịn so-alagba fie ḅara fiearị. Ọ̀ ḅịḅị pokiarị ọmụapụ ma tọnwa-apụ, tẹ ịn pịkị opu kụrọ nyanam. KỊNỊNYANAḄỌ ḅe ene mẹ ḅalafama la ḅara ḍikii! Tụḅọ fịị-a so ḅẹ anị ḅụ?

Jowẹlị 2:31

Ịrụa mẹ kanakana ḅa, tẹ akalụ mẹ ọmbie ḅịya ḅara kẹ awụ ḅịya ḅa, tẹrẹmẹ KỊNỊNYANAḄỌ ḅe ori atomi kọn ḅarị ḅalafama ene mẹ ḅo ḅa.

Emọsị 6:10

Fịtẹ tomḅọ ḅe mịnaḅọ, sịḅịda tẹ ḍụẹịn mẹ ḍiḅi ḅẹ ḅọ ḅe, ḍụẹịn mẹ dogi paka ḅa warị mẹ ḅio. Mịnaḅọ ḅe nwẹnị warị mẹ ḅio paa emi ḅọ sịn tẹ gbela ḅa, “Paa ị́nịna emi ḅọ emi anịanga?” Gbọrụ pọkọ nwẹnị pakịrị ḅa, “Ẹn-ẹn!” Anịtẹso mịnaḅọ ḅe ḅẹẹ ḅa, “Yaụ-simee! Wa ẹbị nyana na-iḅim, KỊNỊNYANAḄỌ ḅe ẹrẹ gotẹ ḅụ.”

Emọsị 8:3

Anị ene mẹ ḅụ, Amada-Opu-warị mẹ ḅẹ anume ma ḅo ḍụẹịn ḍu nume sọ ḅa. Fịtẹ oju akpakpa anịanga mamgba sara ḅa. Ịn ḅịḅị-fie-a ḅara kẹ arị kẹ wakị pakama ḅa.”

Habakọkụ 2:20

KỊNỊNYANAḄỌ ḅe ọ̀ fịafịa Warị ḅio emi; yee tomikiri sime-ḅọ sime-ḅọ yaụ-sime ọ̀ tọrọkọ ḅụ.

Zẹfanaya 1:14

KỊNỊNYANAḄỌ ḅe opu ene mẹ ḅo kpeki tẹẹ; kpeki lama tẹẹ, anị fọnya ḅoarị! Anị akụ ene sọ ḅa, kẹ gotẹ ọkọ ḍukoarị, ḅiokpọ tẹịn ọmụḅọ ḅe sọ ḅioḅẹngbọ ḅịkị ḅụ oloku pakama ḅa!

Zẹkaraya 14:1

KỊNỊNYANAḄỌ ḅe lẹgị tẹ ḅẹrẹkọn ḅarị eneḅaka mẹ kpeki tẹẹ. Anịtẹso ịn Jeruselemu fọịn ḅa, tẹ ịn fọịn aị ọmịna tọrọkọ mie in ḍie ḅarịye.

Zẹkaraya 2:13

Ọrụḅọ-ọrụḅọ yaụ-simee, KỊNỊNYANAḄỌ ḅe tọrọkọ, gbala ori ọ̀ fịafịa sime-yọ ḅụ sime tẹ ḅoarị.

Malakayị 4:1

Kụrọmamgba nyana KỊNỊNYANAḄỌ ḅe ḅẹẹarị, “Gbọrụ ene ḅụ, ḅụụ-gelemarị apụ ma na si-mịẹapụ ma na asịra dọkị ḅara kẹ dọkị ḅa. Anị ene mẹ ḅụ, ịn dọkị faa ḅa, tẹ gberie-sọ ịna ḅụ kọọn ḅịa.

Matiyo 22:4

Mie ḅụ ọ̀ pịkị ja fịrịmẹnjịapụ fịrịma tẹ, in mị oku mẹ kẹ ịn sịn tẹ apụ ma dama-mum: ‘Ị̀ alalị mẹ tẹlẹma tẹ mịọkụ; nambulo ma na tim-tim tẹ opu anama ma na ịn ḅaa tẹ kẹ fịye mẹ mịẹ tẹ, ye goyegoye tẹlẹma fama tẹ. Ọmịnị alalị mẹ ḅoo.’

Romu 3:19

Mịọkụ wa nimi tẹ mịnẹ Oloko mẹ ḅio kẹẹ koro wararị aị ma sime Oloko mẹ suku-ḅio sime apụ pịrịm. Miemẹ anie gbọrụḅọ sọ ḅarị kẹ gotẹ so aị nyana ḅịa ye Tamụnọ tomi mamgba kọn ḅarị sakị.

Romu 9:20

Kụma, ì ikiaḅọ, tụḅọ tẹ Tamụnọ ḅịḅị pakịrị ḅẹ? Aram-ḅẹlẹ anị tẹmẹḅọ gbela, gbela-a, “Í tiegotẹ mị-ḅara kẹ ị̀ tẹmẹ?”

Filipayị 4:5

Ó gbene ḅara kẹ ḅẹḅọ-ḅẹḅọ na mịẹ. KỊNỊNYANAḄỌ ḅe ḅo kpeki tẹ.

Kọlọsị 1:12

kẹ ịmịẹtẹ kẹ Ḍaḅọ ḅe ḅẹẹ, anie mịẹtẹ wa Tamụnọ atomi ma ḅụ sọ tẹ ò bele ama mẹ la ḅẹ apụ sọ ḅọ ḅe.

1 Samụẹlị 16:5

Tẹ ọ̀ nwẹnị pakịrị, “À dein ḅara ḅụ ḅom; arị agba mịẹ KỊNỊNYANAḄỌ ḅe pịrị ḅẹ ḅom; ọmịnị ọmịna aḅụụ mịẹ fịafịama tẹ ị̀ ḅụ sọ tẹ agbamịẹ mẹ ḅoo.” Tẹ ori nwẹnị Jese na, ori owiapụ-awọmẹ na mịẹ fịafịama tẹ in sịn agbamịẹ mẹ ḅo.

1 Samụẹlị 20:26

Anịsọ Sọlụ anị ene mẹ ḅụ gberie-sọ ḍuko-a; gbala ò ḅiotọnm, “Gberie ọ̀ la tẹẹ, tẹ amụ ori ọ̀ ḅụụ mịẹ fịafịama-a, tụkụma ḅara ḅụ ọ̀ fịafịa-a.”