Zẹfanaya 1:6 - FỊAFỊA BAỊBỤLỤ

⁶ Ini tẹ ọḅụ pịkị ì gbin tẹ ḅarị ì ḍukamẹnjị-a apụ ma àrị ịn ḅaa guluguluma ḅa, ini tẹ ị̀ dama-ḅo anịanịa ì gbela tẹ arị ịn datụkụma-a apụ ma.”

Zẹfanaya 1:6 Iomraidhean Croise

2 Samụẹlị 22:22

Kẹ gotẹ ọkọ ḅẹẹarị, à KỊNỊNYANAḄỌ etela ma kokom tẹ si-sịḅịḅio-sụa ḅara ḅụ ị̀ Tamụnọ ḅụ ḅele-a.

2 Paka-aị 15:13

Anieḅụ ḅẹḅọ-ḅẹḅọ tẹ KỊNỊNYANAḄỌ Izirẹlịapụ tẹkẹarị Tamụnọ ḅe ḍọkị ḅịa ḅọ goḅọ-goḅọ ini mḅọ ḅaa, mḅọ ḅọrọ asambịrịma ḅọ-o anịanịa omongi tẹ ḅọ-o; owiḅọ-o anịanịa ẹrẹḅọ sọ.

Devidi-Anume 10:4

Si-sịḅịḅio-sụa tomḅọ ḅe ọ̀ KỊNỊNYANAḄỌ ḅe bala-a: ori opu amịẹaị ḅụ ò kuromarị ọ̀ Tamụnọ kẹ mịẹ ḅẹ ye ofori.

Devidi-Anume 125:5

Kụma í fomu-ḅara kẹ si-sịḅịḅio-sụapụ ma pịrị ḅa sakị, pịkị í etela ma kuroma so apụ ma sọ fomu. Dein Izirẹlị na simee!

Devidi-Anume 36:3

Si sịḅịḅio ẹkwẹn mie ori ẹkwẹn-arị, anị ḅio pịkị iruo aị, iruo-aị iruo-aị famam; gbọrụ sakị sọ ọ̀ ḅarị iḅiye na nimi nyana ye na mịẹ-a.

Ayịzaya 1:4

Yei, si amịẹaị mịẹarị sịẹ, ọ́ fa tẹẹ! Ọmịnị anie ḅụrụ-kọsịtẹ si-mịẹapụ. Ọmịna asi ma ọ́ jịjịma tẹ iku ọ́ ḅaa ḅẹ-yearị! Ọ́ KỊNỊNYANAḄỌ, Izirẹlịapụ tẹkẹarị Fịafịa Tamụnọ ḅe sịkị tẹ ọḅụ kẹ ò gbin tẹ.

Ayịzaya 43:22

KỊNỊNYANAḄỌ ḅe mẹẹ: Izirẹlị, àrị ịnyọ kẹ ọ́ tama tẹ; ó sunsin ị̀ pịrị-a.

Ayịzaya 9:12

Siriya ịrụa mẹ saakịarị anga mẹ ḅụ, tẹ Filisiteni ịrụa mẹ tuuideriarị pakịrị ḅụ, ịna ḅịḅị finjitẹ Izirẹlị sịẹ mẹnị ḅẹ tẹ. Anị sọ KỊNỊNYANAḄỌ ḅe ịganị paa kunoma-a; ọ̀ ḅara paa sụụn-paka wararị kẹ in fomu.

Ayịzaya 9:13

Izirẹlịapụ amụ in si ḅụ pịkị-a, KỊNỊNYANAḄỌ ḅe in fomu tẹ sọ, ịn paa pịkịma ọ̀ dama-ḅoa,

Jerimaya 10:25

Ị́ ịganị pịkị siin sunsin ị́ pịrị-pịrị-a apụ ma ọgọnọ gbana pịkị ị́ sịkịarị apụ ma ọgọnọ sọ. Ini ị́ atomi ḅaa tẹẹ; Ịn gbọrsịḅị wa ḅaa-guluguluma tẹ wamịna ama kaan-sara tẹ yọ sọ tẹẹ.

Jerimaya 15:6

Ọmịnị ma ị̀ sịkị tẹẹ, Ọmịnị ọḅụ pịkị ì gbin tẹẹ. Anie ḅụ àrị ị̀ ḅara sụn-pakama tẹ kẹ ọ́ kọsịma tẹẹ ị̀ ịganị ọlọ-sịẹma ịnyọ kẹ ị̀ tama tẹẹ ẹrẹsị.

Jerimaya 2:13

kẹ gotẹ ọkọ ḍukoarị ì atomi maa asi mịẹ tẹẹ: ini ị̀ ḅụ pịkị so tẹẹ, ḍumo-pịrịarị ngụngụḅa minji ḅe, tẹ minji koko olulu soku tẹ, paịn-paịn-sararị olulu ma tẹ gbala-gbala inetẹ minji ọlọ wẹrị-a aị ma.

Jerimaya 2:17

Izirẹlị, ị́ ḅarana miemẹ dogi-ḅo ị́ ḅụụ pịrịm! Ị́ yẹrị KỊNỊNYANAḄỌ, ị́ Tamụnọ ḅe ḅụ mangị-som, yẹrị tọrọkọ tarị ị́ pịrị ma muarị ogbo.

Jerimaya 3:10

Tẹ ma-mamgba ḅọrọ tẹso, Juda, Izirẹlị si ịyịmbara ma, oḅori kẹ ị̀ sịn ḅara kẹ pịkị ị̀ dama-ḅom; anị á tẹmẹ-la-a. Yẹrị, KỊNỊNYANAḄỌ ḅe ọkọ ḅẹẹm.”

Izikẹlị 3:20

Karakara-ḅara-ḅụ iḅi tomḅọ saakị siye mịẹarị tẹ àrị mḅọ kẹ fịị dogi-ḅo ḅẹ kiri ḅụ koroma tẹ ị́ mḅọ ḅeri nụnụ-a ḅẹḅẹ, mḅọ fịị ḅa. Ọ̀ fịị ḅa ori asi ma ẹrẹsị — ọ̀ mịẹ tẹ iḅi mẹ à kẹ ḅiokoroma ḅịa — tẹ ọ̀ fịị mẹ à kẹ ị́ ọlọ ḅa.

Hosiya 11:7

Ini ịgbanịarị ini ị̀ ḅụ pịkị so. Ịna kọngọ jịjịmarị kọngọ-kpọ-sịn mẹ gotẹ ini oloku pakama ḅa, kụma gbọrụḅọ-sọ anị saakị sin ịn pịrị ḅịa.

Hosiya 7:10

Izirẹlịapụ ma opu-amịẹaị mẹ ḅẹrẹ oloku ịna ọgọnọ gbanarị. Paka tẹ ye goyegoye ḅụ sọ, amụ ịn pịkị ị̀ ḍọkụma-ḅoa, KỊNỊNYANAḄỌ ịna Tamụnọ ḅe.

Hosiya 7:7

“Ịna ịganị ọfịrị ḅụra tẹ ini ịna ḅẹrẹtọn-apụ ḅaam. Ịna amadapụ ma ogboku ịn gbọrụḅọ nini tẹso, ịn pịkị osi ḅọ ninim; kụma ịna ḅụ gbọrụḅọ-sọ ị̀ tẹkẹ tẹ ḅarasụa ḅii-a.”

Zẹfanaya 3:2

Amụ anị KỊNỊNYANAḄỌ ḅe poki-a, anịanịa ò ḅeri nụnụ fomu-ḅara mẹ daa-ọkị. Amụ anị KỊNỊNYANAḄỌ ḅe kẹ ḅiokpọma-a, anịanịa ọ̀ ḅarasụa ḅii.

Romu 3:11

gbọrụḅọ-sọ ye fieye naa-a, anịanịa sunsin Tamụnọ pịrịarị gbọrụḅọ-sọ ofori.

Hiburu 2:3

Nwẹnị ọkọ kụma, ndẹẹ fomu-ḅara wa gbarị ḅẹ ḅara wa nwẹn sime opu ḅọrọma mẹ kẹ ye-sịn-a kụma? KỊNỊNYANAḄỌ ḅe ḅioju ḅarana tarị mị ḅọrọma mẹ ḍuko wasamam, tẹ ó ḍuko ye mẹ naa apụ ma kẹ wa ḍie tẹ mịnẹ oku mẹ karakaraye.

Jọsụwa 23:12

Kẹ gotẹ ọkọ ḅẹẹarị, ọ́ pịkị ọḅụ da tẹ mịanga ọmịna ogbo ḅio kọn wararị mịna opu asịẹ ma ḅẹ kọn kala-apụ ma na gboloma tẹ inina ere-sime amịẹaị mịẹ, tẹ anieḅụ ọmịnị ịna ereme sime, ini pịkị ọmịna ereme sime-sime,

1 Samụẹlị 15:11

“À Sọlụ kẹ amadaḅọ mịẹ ye à tiye-ì-gbo ḅẹẹm, kẹ gotẹ ọkọ ḅẹẹarị, ì ḍukamẹnjị ḅụ ọ̀ tọrụ-pịkị ọḅụ ḍiki tẹẹ, tẹ ḅarị à tọn aị mịẹ-a.” Anị nwẹnị Samụwẹlị ḅụụ-ḅẹsọọ; tẹ ọ̀ nwẹnị bebe ḍin mẹmgba kẹ owu KỊNỊNYANAḄỌ ḅe pịrị.