Zẹfanaya 1:18 - FỊAFỊA BAỊBỤLỤ

¹⁸ Anị ene mẹ ḅụ, KỊNỊNYANAḄỌ ḅe ori owi-ịganị ḍie-pakama ḅarị sakị mẹ ḅụ, ịna seleḅa na golu na kịngẹ sọ ịn ḅọrọma ḅịa. Ori ịganị ḅụ fịnị bebe tomikiri mẹ guluguluma ḅa. Ò tomikiri ḍumo simearị ḅọ goḅọ-goḅọ ḍumo kẹ ḅo kunoma lama ḅaa-a bẹkẹ kunoma.

Zẹfanaya 1:18 Iomraidhean Croise

Suku-saakị 6:7

Mie ḅụ KỊNỊNYANAḄỌ ḅe nwẹnị ḅẹẹ, “Tomi ma tẹ à tẹmẹ tẹ apụ ma, tomikiri mẹ ḅụ arị ịn ọfịn siin ḅa, anị tomḅọ-o, piri-ḅio-ḅẹ nama-o, ikiriarị aị-o, So-tọrụ fiin-arị afeni-o, à gbala ịn tẹmẹ ye mẹ ḅụ tiye-ì-gbo ḅẹẹ tẹ ẹrẹsị.”

1 Amadapụ 14:22

Juda KỊNỊNYANAḄỌ ḅe tọrụ ḅụ si mịẹm tẹ nwẹnị ori ịganịma tẹ ori ịna asi ma tẹ in mịẹ ịna aḍapụ mịẹ asi mamgba nẹngị asi ma afanam.

Jobu 21:30

mịnẹ si-sịḅịḅio-sụaḅọ ḅe ḅụụ-fụka ene mẹ ḅụ ịn ye wẹrịso ọ̀ pịrịm, mịnẹ ịganị ene mẹ ḅụ ini ọ̀ ḍụa-ḅọrọma tẹ?

Jobu 3:15

anịanịa amadapụ awọmẹ tẹ golu nyana apụ, tẹ seleḅa nyana ịna awarị ḅinma apụ.

Devidi-Anume 78:58

Oru tẹkẹ-ayọ tẹ ịn nama ḅụụ pịrị-aị ma ori ịganịmam, ini oru-afụḅara tẹmẹ ye mẹ pịkị kpọma ori ịganị owimam.

Devidi-Anume 79:5

KỊNỊNYANAḄỌ, ị́ ịganị wa pịrị gbamaso ḅa aro? Ị́ ịganị mẹ fịnị kọrị ḅara kọrị tọrọkọ-tọrọkọ mu ḅẹ?

Egberima-Ẹkwẹn 11:4

Ị́ fịị ḅarị ene ḅụ ngọ gbọrụ iḅi sọ kẹ ị́ mịẹ ḅịa, kụma kịnị mingirima-mingirima-a ye-mịẹ-ḅara inetẹ í ḍumo ḅọrọma ḅa.

Egberima-Ẹkwẹn 18:11

Anị sime-ḅara sime-ḅara sọ, ngọ-kọnapụ ọkịarị mịnẹ ịna ngọ ịn gbaịn ḅọrọma ḅa, geletẹ, kụrọtẹ, opu ama gbori-ikelema wararị onu ọkụ.

Ayịzaya 1:24

Mie ḅụ, ọ́ Kụrọmamgba nyana KỊNỊNYANAḄỌ, Izirẹlị kụrọtẹ Tamụnọ ḅe ḍukoarị ye pokii mịọkụ, “Si kẹ ị̀ tọn-arị apụ, àrị ọmịna aḅụụ gbẹẹfị fị ḅa, tẹ ọ́ ḅarị jen kẹ ị̀ ḅụụ-fụkama ḅịa.

Ayịzaya 10:17

Tamụnọ, Izirẹlị bele ḅe, ḅo kọrị-fịnị sọ ḅa. Izirẹlị tẹkẹarị Fịafịa Tamụnọ ḅe ḅo fịnị ḅẹlẹ sọ tẹ kpọkpọ gbọrụ ene ḅaka ḅụ ye goyegoye dọkịma siin ḅa, jen-a jen-a nangị ma ọmị ma na.

Ayịzaya 10:3

Tamụnọ ó fomuarị sakị ọ́ mịẹ ḅẹ ye tiye? Ori ala jụ simearị opu sịẹ kẹ opu ḅụụ-fụka ọkị-ḅo ọmịna ọgọnọ gbanarị sakị ọ́ mịẹ ḅẹ ye tiye? Ọ́ mangị tọ-anga mu tẹ ḅarasụa nyana ḅẹ? Ọmịna opu ngọ ma ọmịnị arị ḅọị ḅẹ anga tọ-anga?

Jerimaya 7:20

Tẹ mie ḅụ, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ì owi ịganị ọsụma mị Tamụnọ-warị mẹ ọgọnọ sara ḅa. Àrị anị kẹ tomi na nama amẹẹ na ọgọnọ sọ sara ḅa, kịrị ofori ḅara ḅụ, pịkị sịn ma na ḍụọ ḅio soku la tẹ ḍiḅi-aị ma kịngẹ ọgọnọ sọ. Ị̀ ịganị gbọrụḅọ sọ inetẹ biinma ḅịa orumo kịka ḅa.”

Jerimaya 7:34

Amakiri mẹ ḅo ịkpa sọ ḅa. Juda ḅẹ opu ama ma ḅio na Jeruselemu etela ma ḅụ na à mịẹ tẹ ḍereku na ḅioḅẹlẹ na apọkọ daasịẹ ḅa, pịkị ere-ịya-alalị ma ḅẹ ḅioḅẹlẹ apọkọ sọ.

Jerimaya 9:11

KỊNỊNYANAḄỌ ḅe mẹẹ, “À Jeruselemu kẹ sara sọma ḅa, piri-obiri amẹẹ angarị yọ; Juda ḅẹ opu ama ma ḅo ịkpa sọ ḅa, gbọrụḅọ-sọ anga-anga-a anga.”

Izikẹlị 16:38

À sẹfị na kịnị-ḅa na ḅẹrẹ-pẹlẹ ị́ ọgọnọ gbana ḅa, tẹ ị̀ opu ịganị ḅụ à fịị kẹ í fomu ḅa.

Izikẹlị 23:25

Àrị ịganị nyana ị́ pịrị wararị ẹrẹsị, àrị ịn wẹrịso tẹ ini ị́ na mịẹ ḅa ini ịganị ḅụ. Ini í nini na ị́ aḅeri na pẹlẹ-siin ḅa, tẹ ị́ awọmẹ ḅaa ḅa. Inn, ini ị́ ḅara í owiapụ-awọmẹ mamgba na eremịna-awọmẹ mamgba na ọkị tẹ ịn kẹ dọkịma ḅa ḍumo tọrụ ḅụ.

Izikẹlị 7:11

Kụrọ-kụrọ amịẹaị dogi-ḅoarị ye anie si-sịḅịḅio. Kirikọn ịn pịrị ḅẹ gberie sọ ofori, ịna ngọ ma, ịna tọrụ-gbẹ sime-ḅara anịanịa ịna ebube.

Izikẹlị 7:19

Ini ịna golu na seleḅa na kẹ etela ma ḅụ gbin nguma ḅa fun nguma ḅara, ịna seleḅa-o, golu-o inetẹ ịn ḅọrọma ḅịa KỊNỊNYANAḄỌ ḅe ori opu ịganị ọsụma pakama ḅarị sakị. Ini inetẹ anị kẹ in ḅiiarị aị nyana ḅịa, anịanịa kẹ ịna afuro ḅinma. Golu na seleḅa na mie in dogi-mu si ḅụ sun ye.

Izikẹlị 7:5

Miemẹ anie Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹ ye: “Gbọrụ opu ḅụụ-fụka ḅọrọtẹ so jen ḅụụ-fụka ḅo ị́ la ḅẹ-yearị.

Zẹfanaya 1:11

Ọmịnị opu ama mẹ ḅẹ suku-jụ anga apụ ọmịnị opuma owu pakama, masịnịapụ mamgba fịị ḅẹ ẹrẹsị!”

Zẹfanaya 1:15

Anị opu ịganị ene sọ ḅa, ḅụụ-fụka na ḅụụ-ḅalaḅala na ene, fa na gulugulu na ene, kanakana na kpiti na ene, kurukuru na oḅuto na ene,

Zẹfanaya 2:2

tẹrẹmẹ ó ḅo fịlawa kịka tẹ kpatụ tẹ fịị, tẹrẹmẹ KỊNỊNYANAḄỌ ḅe ịganị mẹ tẹ fịnị kọrị ḅara kọrịarị ye mẹ ḅo ọmịna ọgọnọ sara, tẹrẹmẹ ori owi-ịganị mẹ ene mẹ la.

Zẹfanaya 3:8

KỊNỊNYANAḄỌ ḅe ḅẹẹarị, “Paa koruu; à saakị tẹ ḅẹrẹ ḍuko sịẹ-sịẹ ma sịḅị sẹịn ḅarị ene mẹ koruu. Àrị ì ḅioḅẹngbọ mịẹ kụrọma tẹ sịẹ-sịẹ ma na amadapụ daarị ayọ ma na kobiri ḅo, mịẹtẹ ị̀ ịganị mẹ kụrọ ini ịnọ ḅẹ ḅara. Ì owi ịganị mẹ ḅẹ kọrị-fịnị bebe tomikiri mẹ guluguluma ḅa.”

Matiyo 16:26

Yee à paa ó gbela, tomḅọ bebe tomikiri mẹ nyana ọkị ḅẹ tẹ amịna ḍumo fama kụma ndẹẹ mḅọ nyana ḅarị sọye? Karakara-ḅara-ḅụ gbọrụ sọye sọ ofori! Ori inetẹ pịrị pakama tẹ kẹ ò ḍumo pakịrị ọkị ḅẹ gberie-sọ ofori.

1 Kọrịntị 10:22

Anịanịa, wa ḅọrọ KỊNỊNYANAḄỌ ḅe ịganịma ḅẹ ḍọkịarị ḅoto? Wa ọkịarị wa kụrọ ọ̀ nẹngị wararị ḅoto?

Ditẹrọnọmị 31:17

Anịtẹso ọkụma ị̀ ịganị anị ene mẹ ḅụ kẹngẹma ịn ọgọnọ sara ḅa, tẹ arị ịn sịkị ḅa, tẹ ịna aḅụụ ị̀ tọrụ ḅọị ḅa, tẹ ini ịn ḅaa ḅa, anịsakị tọnwa asi-aị na, ḅụụ-fụka na, ḅo ini ọgọnọ gbana ḅa, anieḅụ anị eneḅaka ḅụ ịn ḅẹẹ ḅa: Wamịna Tamụnọ ḅarị wamịna ogbo-ḅio ofori ẹrẹsị mie mịna asi-aị ma gotẹ ḅo wamịna ọgọnọ gbana tẹ ye ọkọ-a?