Zẹfanaya 1:17 - FỊAFỊA BAỊBỤLỤ

¹⁷ KỊNỊNYANAḄỌ ḅe ḅẹẹarị, “Àrị ọkị-ḅo tomina ọgọnọ gbana ḅarị opu ḅụụ-fụka ḅụ, ọrụḅọ-ọrụḅọ tọrụngbọ-pụụntẹḅọ kịka ḅara kẹ ye ḅii ma mẹnjị ḅa. In si kẹ ị̀ mịẹ tẹẹ, mịọkụ ịna ọmbie minji sara ḅara sara ḅa, tẹ ịna oju-akpakpa ma kiri ọgọnọ sara sime tẹ ḅụrụ ḅa.”

Zẹfanaya 1:17 Iomraidhean Croise

Devidi-Anume 83:10

Ị́ ịn nẹngịmam Ẹndọ ḅụ, tẹ ịna oju akpakpa ma kiri ọgọnọ sime tẹ ḅụrụm.

Ayịzaya 29:10

KỊNỊNYANAḄỌ ḅe mịẹ tẹ í mono ḅụụ-lọkọ nyana tẹẹ, ị́ tẹlẹma fama tẹ mono ḅọrọ-so. Ịkịankoroapụ ma anie tomi ma tọrụngbọ sọ ḅẹ apụ, kụma Tamụnọ ịna tọrụ fịna tẹẹ.

Ayịzaya 50:1

KỊNỊNYANAḄỌ ḅe mẹẹ, Í kuromarị à diḅọ na siya tẹ ẹrẹḅọ ḅara kẹ ị̀ atomi ḅẹẹ tẹ in so? Nwẹnị ọkọ kụma ndẹẹ ḅọrọ siya aḍiri ma? Ó kuromarị arị ọ́ kẹ dẹrị tẹ ini tomḅọ amịna awọmẹ kẹ omoni ḅara dẹrị ḅara? Ẹn-ẹn, ọmịna asi mie ó gotẹ kun ḅio sọ yee; ọmịna asi mịẹ-aị ẹrẹsị ini ọ́ kẹ ala-jụ fịrịmam.

Jerimaya 10:18

KỊNỊNYANAḄỌ mị amakiri mẹ ḅio ọ́ kẹ gbin pakama ḅẹ-ḅiiarị; ori ọ́ mịẹ nwenii tẹ ọmịna ḅụ gbọrụḅọ-sọ kiri kọn ḅịa. KỊNỊNYANAḄỌ ḅe ọkọ ḅẹẹm.

Jerimaya 15:3

Yẹrị, KỊNỊNYANAḄỌ ḅe tọn-pẹlẹ tẹẹ mịnẹ opu ḅalafama aị ịna ḅụ paka ḅa: ini ọmụ ḅio ịn ḅaa ḅa; obiri amẹẹ ịna oju-akpakpa ma fọnọ-so ḅa; feni arị pẹị ḅa, tẹ piri-ḅio-ḅẹ anama kiri kọn aị ma kanị pẹị ḅa.

Jerimaya 18:21

Kụma mịọkụ, KỊNỊNYANAḄỌ, yee ịna awọmẹ ḅuru-ḅa ḅụ fịị; yee ini ọmụ ḅio ịn ḅaa. Yee ereme ma ịna diapụ na ịna awọmẹ na fama; yee owiapụ ma obi ḅụ fịị, tẹ ini ịna asambịrịma apụ ma ḅaa ọmụ kiri ḅụ.

Jerimaya 2:17

Izirẹlị, ị́ ḅarana miemẹ dogi-ḅo ị́ ḅụụ pịrịm! Ị́ yẹrị KỊNỊNYANAḄỌ, ị́ Tamụnọ ḅe ḅụ mangị-som, yẹrị tọrọkọ tarị ị́ pịrị ma muarị ogbo.

Jerimaya 2:19

Ị́yẹrị ḅarana mịẹ si mie ị́ fomu ḅarịye, ị́ ị̀ ḅụụ pịkị-so ye mẹ ḅẹrẹ kọn ị́ ḅara sima ḅa. Ị́ ḍawọ ḅo ḅa anị akụ tẹ kura-a la ḅara ị́ KỊNỊNYANAḄỌ ị́ Tamụnọ ḅe koroma mangị-so ye mẹ tẹ ḅarị jen kẹ ḅioḅẹngbọ-kẹ-sịrẹrẹ-niḅi ḅara sime ị̀ pịrị-a. Yẹrị, Tẹịn-Ḅẹrẹtọn-Kụrọ-Nyana KỊNỊNYANAḄỌ, Kụrọmamgba Nyanaḅọ ḅe ọkọ ḅẹẹm.”

Jerimaya 3:25

Wa ḅụụ-jịrị ḅụ ḅịkị-koro gbẹẹm, tẹ ye tọrụ-tuu ḅụ wa gbaịn sime. Wamịnị na wamịna elemu aḍapụ ma na sakị mamgba si kẹ KỊNỊNYANAḄỌ wamịna Tamụnọ ḅe mịẹ tẹ; gbala-gbala amụ wa ọ̀ tọn wa pịrị aị poki tẹ mịẹ-a.

Jerimaya 4:18

Juda, í miemẹ ọkị-ḅo ị́ ọgọnọ gbanam, ị́ wẹrịtẹ ḍumo kọn ḅara na ị́ mịẹ tẹ aị na ḅụ. Í si mịẹ tọrụsiẹrị mẹ dogi-ḅom; anị gbala-ḅọrọ ogie sọ tẹ í ḅioḅẹngbọ temi tolu-ḅọrọtẹ.

Jerimaya 8:2

Ini arị kobiri tẹ ḍiḅi ḅẹ nakara ịna mgbe ma vooma kiri ḅio sara sime ḅa, kẹ ḍụọ ḍiḅi ḅẹ ḅụrụtẹ fun sara ḅara. Ini arị gala-galama sara ịrụa na akalụ na lolia ma na pịrị ḅa, anie mịna atomi ma ḅẹlẹma tẹ fịrịmẹnjị pịrị sime aị ma, anie ini arị aḅịḅị ḅii tẹ sunsin pịrị aị ma.

Kururu Owu-apọkọ 1:14

Ini ị̀ amịẹ-irima ma fịna-gboloma kọngọ sụa ikuye mịẹm; ori ḅarana arị fịna gbolomam; ini arị kẹ ị̀ kọngọ sụam; ọ̀ mịẹ tẹ ị̀ ḅụụ ịnyọ faam; KỊNỊNYANAḄỌ ḅe ị̀ kẹ inima tẹ àrị inetẹ daasịẹ tẹ ye mịẹ ḅịa apụ ḅara-ḅio suum.

Kururu Owu-apọkọ 1:18

KỊNỊNYANAḄỌ ḅe ọ̀ mịẹ kuramam, kẹ gotẹ ọkọ ḅẹẹarị, yẹrị ori ẹkwẹn-ḅịḅị na tụḅụrụm; kụma ọ́ naa, ọmịnị tomi-kụlọkụlọ mamgba, tẹ ị̀ ḅụụ-fụka mẹ ḍikii; ị̀ iriawọ na ị̀ asawọ na, kun-ḅara ḅụ so fama tẹẹ.

Kururu Owu-apọkọ 1:8

Jeruselemu kịnị kururuma ḅara kẹ si mịẹm, anịẹrẹsị á ḅo sịḅị-ngụngụnma ḅara simem; kụn kẹ á pịrị apụ mamgba á ḍiki-simam, gbala ini á paụ ẹrị tẹ ẹrẹsị; inn, árị ma ḅioju sọ iningim, tẹ ḅụụ-jịrị ḅụ á tọrụ sikimam.

Kururu Owu-apọkọ 2:21

Etela ma ḅẹ fọọn ma ḅio asambịrịmaḅọ mẹ na, omongitẹ ḅọ mẹ na ḅọlọlọ simem ị̀ iriawọ ma na, ị̀ asawọ ma na, okologie mẹ ḅụ ḅịkị tẹ; ị́ ịganị ene mẹ ḅụ ị́ ịn ḅaa tẹ, ọkụrụkụrụ nyana-a ḅaa ḅara.

Izikẹlị 16:38

À sẹfị na kịnị-ḅa na ḅẹrẹ-pẹlẹ ị́ ọgọnọ gbana ḅa, tẹ ị̀ opu ịganị ḅụ à fịị kẹ í fomu ḅa.

Izikẹlị 24:7

Kịnị-ḅa opu ama mẹ ḅio simem, kụma ọmbie mẹ ịn lịka kiri ọgọnọ ọsụma-a, anie fọọn inetẹ anị gbaịn ḅẹ anga; papaa ịkụ ọgọnọ mie anị sara ye.

Izikẹlị 24:8

À wẹrịso tẹ ọmbie mẹ anịanga simem, anie anị kikima ḅịa anga mẹ, anie anị ịganị gbẹẹfị ḅiiarị anga mẹ.”

Emọsị 4:10

À si obi kẹ ọ́ fịrịmam, à kẹ Ijiputi fịrịma ye pembe ye. Àrị ọmụ kiri ḅụ ọmịna asawọ ma ḅaam, tẹ ọmịna asụ ma ọkị-som. Ọmịna akpụrụ awarị ma tẹ ó sime tẹ paka-paka mu ọmụgbin-gbin aị ma ḅio fịtẹ oju-oju-oju fụrụ ọmịna anini ḅinmam. Anịsọ ọ́ paa pịkị ị̀ dama-ḅoa.

Mayịka 7:13

Kụma tomikiri mẹ ḅo ịkpa sọ ḅa, tomikiri mẹ ḅụ simearị apụ gotẹ, gbala inima tẹ anị ḅụ angarị apụ ma, sụa si-sịḅịḅio ẹrẹsị.

Matiyo 15:14

Ọmịnị ịn bala ma! Ini ma anie tọrụngbọ-pụụntẹ-apụ tẹ jen tọrụngbọ-pụụntẹ-apụ tọrọkọ-tarị apụ; tẹ tọrụngbọ-pụụntẹḅọ jen tọrụngbọ-pụụntẹḅọ tọrọkọ-tarị sakị goyegoye, ini maa apụ ma mu ḅịkị olulu ḅio sọ ḅa.”

Romu 11:25

Ị̀ amịnapụ, à mịẹtẹ ọ́ gbọrụ kikimatẹ karakaraye nimi ḅẹ-ḅiiarị, ọkọ-a kụma ó ḅofa ọkị mịnẹ ó ye nimi ḅakam. Mịọkụ Izirẹlịapụ ma nyana wararị kọngọ-kụrọ mẹ sime gbamaso ḅịa, kụma anị sime mu la ḅarị sakị anie pịkị Ja asịẹ ḅẹ apụ tẹ Tamụnọ ḍọkụma-ḅo ḅarị apụ kịẹn-ḅịḅị kara ḅẹ sakị.

Romu 11:7

Anịtẹso sakị tiye paka? Izirẹlịapụ ma ịn ḍọkị sime ye mẹ ini ẹrị-a. Tamụnọ sẹlẹ-ọkị kala apụ ma anie anị ẹrị ye; kirikọn-apụ ḅeri-iningima Tamụnọ sịn-ḅịḅị mẹ pịrịm.

2 Kọrịntị 4:4

In gotẹ minini-a ye anie mị tomikiri mẹ ḅẹ oru ḅe ịna akuroma kẹ kanakana ḅio wẹrị wararị. Ọ̀ ḍụkụ tẹ ịn ḅịya ịn saramarị bele mẹ ẹrị-a, anie Kịrayịsị ebube mẹ gboloma Iḅi-Oku mẹ ḅẹ bele mẹ. Kịrayịsị ḅe anie karakara ḅara kẹ Tamụnọ na kịkarị ḅọ ḅe.

2 Pita 1:9

Kụma ḅẹḅọ-ḅẹḅọ tẹ árị aị ma nyana-a ḅọ mẹ, anie sụma tọrụ kẹ ye ḍiki-a ḅọ, mḅọ pịkị kẹ ḅioḅọrọma tẹ, mịnẹ mḅọ amịna elemu asi ma ḅụ sịkịrị fịafịa tẹ.

1 Jọnị 2:11

Kụma ḅẹḅọ-ḅẹḅọ, tẹ amịna mịnaḅọ ḍiki-ḅioḅuarị ḅọ, mḅọ kanakana ḅio emi; mḅọ anị ḅio mẹnjịarị, tẹ mḅọ muarị anga tọ-anga-o, tọ-anga-o, mḅọ nimi-a, kanakana mẹ mḅọ tọrụngbọ pụnma tẹ ẹrẹsị.

Mịẹfinji 3:17

Ị́yẹrị mẹẹ, ‘Àrị ngọ-kọn wararị, tẹ ye ị̀ na iḅi fama wararị; à ḅiiarị ye goyegoye à nyana tẹ.’ Kụma ye si ị́ pịrị la ḅara na, ị́ sịḅị-jịrịma ḅara simearị mẹ na, í nimi-a! Ị́yẹrị, í igoin wararị, ị́ paụ wararị, tẹ ị́ tọrụngbọ pịkị pụụn wararị.