Zẹfanaya 1:16 - FỊAFỊA BAỊBỤLỤ

¹⁶ ọmụ ọdụ fiearị tẹ ọmụapụ oloku tẹ owu kẹ opu ama ma ḅẹ kụrọnị-anga ma na gele-fa wararị atawa ma na pakarị ene.

Zẹfanaya 1:16 Iomraidhean Croise

Ayịzaya 27:13

Anị ene mẹ ḅụ, ọdụ fie tẹ Asiriya na Ijiputi na ḅụ Izirẹlịapụ mamgba sin pịkị-ḅo ḅa, kun-ḅara ḅio simearị apụ ma. In sunsin KỊNỊNYANAḄỌ ḅe pịrị ḅa Jeruselemu ḅụ; ọ̀ fịafịa tụndụ mẹ ọgọnọ.

Ayịzaya 32:14

Ama-da warị mẹ so ini anị kuroma mangị ḅa, tẹ sịḅịda opu ama mẹ ḅio kpọkpọ gbọrụḅọ-sọ kọn ḅịa. Sime yọ na ọmụ-aị koko awarị ma na tẹ ịn gbaịn sime aị ma kan sara gbamaso ḅa. Piri ḅio ḅọ anama ma anịanga mẹnjị-mẹnjị ḅọrọ ḅa, tẹ anana ma anịanga osuka fị ḅa.

Ayịzaya 59:10

tẹ wa tọrụngbọ-pụụntẹ-apụ ḅara kẹ ḅii ma mẹnjịarị. Eneḅaka-fịafịa-ogbo ḅụ wa pụmbụma-pụmbụmarị, gbala ḍin ọkụ, gbala wa fịtẹ-apụ kanakana tomikiri ḅụ simem.

Jerimaya 6:1

Benijamịnị ḅẹ apụ, ọ́ mangị ye ọ́ la ḅịa yọ muu! Ó Jeruselemu ḅụ mangị-soo! Ó Tẹkowa ḅụ ọdụ ofuroo, tẹ Bẹtị-hakeremu ḅụ fịnị tọnọọ anị kọrị gele tẹ elekima sọ. Opu ḅụụ-fụka na guluguluma na ọgọnọ-jụ ḅụ sime tẹ ḅo ḅẹ-yearị.

Jerimaya 8:16

Si kẹ wa tọn apụ ma mu Danị opu ama sọ tẹẹ; wa ịna asụ ma ọngọrịarị ye naarị. Bebe amakiri mẹ oju-sẹkịarị ini ịna asụ ma olokuarị ye naarị sakị. Si kẹ wa tọn apụ ma wamịna amakiri mẹ na anị ḅio simearị ye goyegoye na, wamịna opu ama mẹ na anị ḅẹ atomi mamgba na guluguluma ḅẹ ḅo tẹ.”

Izikẹlị 7:7

Ọmịnị amakiri mẹ ḅụ angarị apụ kunoma mẹ ḅo ọ́ la ḅẹ-yearị. Ọ́ ḅarị jen kẹ tụndụ ọgọnọ ḅẹ oru-awarị ma ḅio oru-alalị fị ḅịa sakị mẹ ḅo kpekitẹ, pikiri-pikiri kịngẹ mie sime ḅarịye.”

Hosiya 5:8

Ọmụ ọdụ ma ofuro Gibiya ḅụ! Saakị Rama fiema! Bẹtẹlị ọmụ oloku mẹ saakị! Benijamịnị ḅẹ owiapụ, ọmịnị ọmụ ḅio sọ-mu.

Hosiya 8:1

KỊNỊNYANAḄỌ ḅe ḍukoarị, “Akusa farị ama sịn! Wamịnị na fịya-a apụ igo amẹẹ kịka tẹ gbiima fiin ḅo ị̀ amakiri ḅụ sara tẹẹ! Ị̀ atomi àrị ini na mị ọḅọkụ mẹ sima tẹ pịkị kọngọ-kụrọma ị̀ tolumaye pịrị tẹẹ.

Jowẹlị 2:1

Ọdụ mẹ ofuroo; oloku Zayọnị ikelemaa, Tamụnọ fịafịa tụndụ mẹ. Juda ḅẹ apụ, yee ọmịna oju sẹkị! KỊNỊNYANAḄỌ ḅe ḅẹrẹkọn ama mẹ pịrị ḅarị ene mẹ kpeki tẹẹ.

Emọsị 3:6

Gbọrụ opu ama ḅio ọmụ ọdụ fie kụma, tomi ma in ḅalafaa ḅịa? Opu ḅụụ-fụka ḅo la-la opu ama emi, KỊNỊNYANAḄỌ ḅe anị kẹ fịrịma sikima?

Habakọkụ 3:6

Ọ̀ daasịẹarị sakị kiri jikearị; ọ̀ tọrụ pịkị sịẹ ma ḍiki kụma ini oju sẹkịarị. Sime gbamaso tụndụ ma puu-puu sararị; ḅụọ fa ḅụọ atụndụ ma kiri sọ faarị, ọ̀ mẹnjị-mẹnjị tụndụ ma, elemu sakị ḅụ.

Ditẹrọnọmị 28:52

Ọmịna ama mamgba ḅụ ini ọmịnị ikelema-koro tẹ owu kẹ ọ́ paka ḅa, nwenii ọmịnị ọmụ gotẹ mịẹ kụrọma geletẹ onu ma tẹ ó ḅioḅẹngbọ kẹ gbana aị ma ịn nwẹn kan sara fama ḅa ọmịna ama mamgba ikelema-koro ḅụ; tẹ ọmịna ama mamgba tẹ KỊNỊNYANAḄỌ ọmịna Tamụnọ ḅe kẹ ọ́ pịrị tẹ ama mamgba ḅụ ini ọmịnị ikelema-koro tẹ owu kẹ ọ́ paka ḅa.

Jọsụwa 6:20

Mị-ḅara mie tomi ma oloku tẹ ini ọdụ ma ofuro ḅara. Tomi ma ọdụ mẹ ḅẹ fie mẹ naa gbọrụ sakị, tomi ma gburo-gburotẹ oloku kọnm, tẹ onu mẹ nwẹnị ḅịkị kiri-ḅio ḅọlọlọ tẹ mịẹtẹ tomi ma mẹnjị opu ama mẹ ḅio sọ-mum, ḅẹẹ owiḅọ-owiḅọ gono-gonoma mḅọ tọrụ da anga mum, tẹ ini opu ama mẹ ọkịm.