Zẹfanaya 1:14 - FỊAFỊA BAỊBỤLỤ

¹⁴ KỊNỊNYANAḄỌ ḅe opu ene mẹ ḅo kpeki tẹẹ; kpeki lama tẹẹ, anị fọnya ḅoarị! Anị akụ ene sọ ḅa, kẹ gotẹ ọkọ ḍukoarị, ḅiokpọ tẹịn ọmụḅọ ḅe sọ ḅioḅẹngbọ ḅịkị ḅụ oloku pakama ḅa!

Zẹfanaya 1:14 Iomraidhean Croise

Ayịzaya 15:4

Hẹsịbọnị na Ẹlsisi na ḅẹ apụ ma oloku-oloku owuarị, tẹ ini owuarị ye mẹ ala-jụ Jahazi ḅụ kịnị naarị. Ọmụapụ ma kịngẹ sọ oju sẹkịarị; ịna ḅiokpọ ịna ḅụụ ḅio so tẹ.

Ayịzaya 33:7

Ḅiokpọ owiapụ ḅarasụa nyana ḅẹ ẹrẹsị olokuarị. Amịna ama tọrụ ḍima tẹ ḅụụkụrọma tẹ dein ḍọkị ḅẹ ḅo apụ ma ḅioḅẹngbọ-si ḅụ owu lamarị.

Ayịzaya 66:6

Pokii! Anị opu yeke-yeke pọkọ mẹ opu ama mẹ ḅio, tẹ Tamụnọ-warị mẹ ḅio fiearị ye mẹ, anie KỊNỊNYANAḄỌ ḅe fomu-ḅara kẹ si kẹ ọ̀ tọn apụ ma pịrịarị ye mẹ ḅẹ pọkọ!”

Ayịzaya 8:22

anịanịa bio-bioma kiri mẹ ḍiki ḅa, gberie-sọ ini ẹrị ḅịa, kụma ḅụụ-fụka na kanakana na, iḅiọkụ ḅalafamarị kanakana, ini in sukuruma suuarị yọ mẹ.

Jerimaya 25:36

Anana ḍikiḍikiapụ ma kọn-arị owu mẹ naa, ị̀ anana-ogbo mẹ sịḅịdapụ pee-peema owuarị anana-ogbo mẹ gotẹ; anie KỊNỊNYANAḄỌ ḅe ịna osuka-fị-kiri mẹ gulugulumarị ẹrẹsị.

Jerimaya 30:7

Tẹmẹ-naịn-naịnma ene ḅoarị; kẹ anị na tọnma ḅẹ jen ene ofori ḅụụ-ḅalaḅala sakị sọ ị̀ atomi pịrị ḅẹ ene, kụma ịn fịị-a so ḅa.”

Jerimaya 46:5

“Kụma à tiye ẹrịarị?” KỊNỊNYANAḄỌ ḅe gbelarị. “Ịn tẹmẹ-naịn-naịn ḅụ pịkị ọḅụ daarị. Ịna ọmụapụ ma ini in dee-pịkị tẹẹ; ḅalafa ịn gbaịn tẹ ini ine-ḅara ine-ḅara kẹ fọnya mangịarị tẹ ọḅụ ḍiki-a.

Jerimaya 48:41

tẹ ama ma na kụrọnị-ayọ mamgba ini ọkị fama ḅa. Anị ene mẹ ḅụ, Mohabụ ḅẹ ọmụapụ ma tẹmẹ-naịn-naịn ḅa, iyi la tẹ ẹrẹḅọ ọkụ.

Izikẹlị 12:23

Mịọkụ ḍuko ịn pịrịị, yẹrị Tẹịn-Ḅẹrẹtọn-Kụrọ-Nyana ḅọ ḅe nyanatẹ ḍuko ḅẹ ye aniemẹ gboloma ye ḅụ. À mịẹ tẹ anị egberi mẹ kuno ḅa. Izirẹlị ḅụ ịn ḅarị jen kẹ anị gbaa ḅịa. Anie nakara ḍuko ịn pịrị: ‘Sakị mẹ ḅo laa tẹẹ, tẹ paka ḅẹ tẹ ḍuko aị ma ḅo karakara aị soarị.’ ”

Izikẹlị 30:3

Ene mẹ ḅo kpeki tẹẹ, KỊNỊNYANAḄỌ ḅe ye mịẹ ḅẹ ene mẹ, Oḅuto na ḅụụ-fụka na ene tẹ sime sịẹ-sịẹ ma pịrị ye mẹ.

Izikẹlị 7:12

Sakị mẹ ḅoarị. Eneḅaka mẹ ḅo kpekitẹ, fẹ na dẹrị na ḅarị fie ye nyana ḅịa sakị mẹ, Tamụnọ gbọrụ ḅara kẹ ḅo fomu-ḅara kẹ ḅẹḅọ-ḅẹḅọ pịrị ḅẹ ẹrẹsị,

Izikẹlị 7:16

Ja apụ pụkọ-paka mu tụndụ ma kpọlị ḅa, tụndụ-suku olosịkịya dee tẹ ini iwo ḅara. Inimgba ịna asi owu ḅa.

Jowẹlị 1:15

Yei, anị ḅalafama ene mẹ! Anị Kụrọmamgba-nyana KỊNỊNYANAḄỌ ḅe amakiri mẹ guluguluma ḅarị ene mẹ ḅo kpeki tẹẹ.

Jowẹlị 2:1

Ọdụ mẹ ofuroo; oloku Zayọnị ikelemaa, Tamụnọ fịafịa tụndụ mẹ. Juda ḅẹ apụ, yee ọmịna oju sẹkị! KỊNỊNYANAḄỌ ḅe ḅẹrẹkọn ama mẹ pịrị ḅarị ene mẹ kpeki tẹẹ.

Jowẹlị 2:11

KỊNỊNYANAḄỌ ḅe tọn ori ọmụ-ogbo pịrịarị tẹ ịn so-alagba fie ḅara fiearị. Ọ̀ ḅịḅị pokiarị ọmụapụ ma tọnwa-apụ, tẹ ịn pịkị opu kụrọ nyanam. KỊNỊNYANAḄỌ ḅe ene mẹ ḅalafama la ḅara ḍikii! Tụḅọ fịị-a so ḅẹ anị ḅụ?

Jowẹlị 2:31

Ịrụa mẹ kanakana ḅa, tẹ akalụ mẹ ọmbie ḅịya ḅara kẹ awụ ḅịya ḅa, tẹrẹmẹ KỊNỊNYANAḄỌ ḅe ori atomi kọn ḅarị ḅalafama ene mẹ ḅo ḅa.

Jowẹlị 3:14

Kịẹnkịẹn-ọkụ-ofori atomi ḅẹrẹkọn tụndụ suku mẹ ḅụ emi. Anị anga mie ala-a sakị ḅụ KỊNỊNYANAḄỌ ḅe ene mẹ ḅo ḅarịye.

Jowẹlị 3:16

KỊNỊNYANAḄỌ ḅe ekirearị Zayọnị ḅụ; ọ̀ pọkọọ so-alagba fie ḅara fie paka-ḅoarị Jeruselemu ḅụ, Kiri na So-tọrụ na jikearị. Kụma ori ori atomi ḍụa ḅa.

Emọsị 8:2

KỊNỊNYANAḄỌ ḅe gbelam, “Emọsị í tiye ẹrịarị?” À pakịrịm, “Sịnmgbọlụ ḅin wararị kana.” KỊNỊNYANAḄỌ ḅe ị̀ ḅẹẹm, “Kunoma mẹ ḅo ị̀ atomi Izirẹlị pịrị tẹẹ. À jen kẹ ì kuroma ḍima ḅịa in fomu ḅụ.

Zẹfanaya 1:10

KỊNỊNYANAḄỌ ḅe ḅẹẹarị, “Anị ene mẹ ḅụ, Jeruselemu ḅụ Inji Ogigo-ḅọkọ mẹ ḅụ ọmịnị owu fiearị ye naa ḅa. Opu ama mẹ ḅẹ ịwọ-polo mẹ ḅụ ọ́ kịnị pee-peema owuarị ye naa ḅa, gbala tụndụ ma opu ama paịn-sararị tẹ anị fie ḅara.

Zẹfanaya 1:7

KỊNỊNYANAḄỌ ḅe ene mẹ ḅoarị, Tamụnọ ye mịẹ ḅarị ene mẹ; mie ḅụ ọ́ yaụ-sime ọ̀ tọrọkọ ḅụ. KỊNỊNYANAḄỌ ḅe tẹlẹmarị agbamịẹ anama ḅaa ḅara kẹ ori atomi ḅaa ḅa, tẹ ini na fịya-a apụ sịn tẹẹ in ḅo in gulugulumaa.

Malakayị 4:5

“Kụma tẹrẹmẹ KỊNỊNYANAḄỌ ḅe opu ḅalafama ene mẹ ḅo, àrị ị̀ ịkịankoroḅọ Ịlayịja kẹ ọ́ fịrịma ḅa.

Fịrịmẹnjịapụ 2:20

ịrụa mẹ kanakana sọ ḅa, tẹ akalụ mẹ awụ ḅịya ḅa, ọmbie ḅịya ḅara, tẹrẹmẹ KỊNỊNYANAḄỌ ḅe opu ebube Ene mẹ ḅo la ḅa.

Filipayị 4:5

Ó gbene ḅara kẹ ḅẹḅọ-ḅẹḅọ na mịẹ. KỊNỊNYANAḄỌ ḅe ḅo kpeki tẹ.

1 Tẹsalonịka 4:16

Anịsakị ini oloku pọkọ kẹ tọn ḅa, sịḅịda enjẹlị ḅe pọkọ na, Tamụnọ ọdụ mẹ fiearị ye na, anịtẹso KỊNỊNYANAḄỌ ḅe ḅioju So-ḅio sime tẹ koro ḅo ḅa. Kịrayịsị minini tẹ fịtẹ-apụ ma tarị saakị tẹ ḍumo ḅa;

Hiburu 12:26

Anị sakị mẹ ḅụ ọ̀ pọkọ mẹ fie tẹ kiri jikem, kụma mịọkụ ò minini tẹ mịnẹ, “À pịkị sin jike ḅarị ye mẹ kiri ngẹrị-a, so sọ.”

Jemụsị 5:9

Ị̀ amịnapụ, ó ye kẹ jụmọ-jụmọ ọlọ ma, mịẹtẹ Tamụnọ ọ́ kọn ḅịa ḅara. Ḅẹrẹkọnḅọ ḅe ḅo kpeki tẹ, ala-a ò tolu-paka ḅa.

2 Pita 2:3

Ịna opu pọkọ-ḅẹngbọ ḅụ mịna iruo ye-tolumapụ ma, ini ḅarana kuroma ḅo ịlụkụ ma gbaa-gbaa ọ́ pịrị tẹ ọmịna ḅụ sọye fị ḅa. Alatẹ sakị kụra-ḅio ịn kọn ḅarị Ḅẹrẹkọnḅọ ḅe tẹlẹma tẹ emi, tẹ ịn Ḅaa guluguluma ḅarị ḅọ ḅe sọ mono-a tẹ ẹbịarị.