Zẹfanaya 1:12 - FỊAFỊA BAỊBỤLỤ

¹² “Anị sakị ḅụ à kpọọ tọnjọ ọkị tẹ Kireinma ḍọkị-ḍiki ḅa Jeruselemu ḅụ. Àrị árị atomi ma tẹ ọkịarị ye ini na iḅi wararị tẹ ḅiokpọ wararị apụ ma fomu ḅa, anie amịna ḅụụ ḅẹẹarị apụ ma, ‘KỊNỊNYANAḄỌ ḅe gbala-gbala ò gberie-sọ mịẹ-mịẹ-a, mị ḅọkọ anịanịa osi ye.’

Zẹfanaya 1:12 Iomraidhean Croise

Jobu 21:15

Kụrọmamgba Nyanaḅọ ḅe anie tiye mịẹ ḅọ, tẹ wa fịrịmẹnjị ọ̀ pịrị ḅẹ? Anịsakị wa ọ̀ tẹkẹ kụma, wa tọ sọye nyana ḅẹ?’

Devidi-Anume 10:4

Si-sịḅịḅio-sụa tomḅọ ḅe ọ̀ KỊNỊNYANAḄỌ ḅe bala-a: ori opu amịẹaị ḅụ ò kuromarị ọ̀ Tamụnọ kẹ mịẹ ḅẹ ye ofori.

Devidi-Anume 14:1

Oḅori atomi ma amịna aḅụụ ḅẹẹarị, “Tamụnọ ofori.” Inimgba ḅụrụ-kọsị fama wararị, tẹ ịn ḅalafama aị mịẹ tẹẹ; kuraye mịẹarị gbọrụḅọ-sọ ofori.

Devidi-Anume 94:7

Ini mẹẹ, “KỊNỊNYANAḄỌ ḅe ọ̀ wamịnị ẹrị; Izirẹlịapụ tẹkẹarị Tamụnọ ḅe ọ̀ kẹ elekima sụa-a.”

Ayịzaya 5:19

Ọ́ ḅẹẹarị, “Yee KỊNỊNYANAḄỌ ḅe fọnya ḅo tẹ ọ̀ ḅẹẹarị ọ̀ mịẹ ḅẹ ye mẹ mịẹ-mịẹ tẹ wa inetẹ tọrụngbọ kẹ anị ẹrị ḅẹ ḅara. Yee Izirẹlịapụ tẹkẹarị Tamụnọ ḅe ọ̀ tọn koroma tẹ aị ma mịẹẹ; yee wa ò kuroma simearị ye ẹrị.”

Jerimaya 10:5

Ọkọ sime oru-afụḅara ma anie papaa mḅam aḍụọ ḅio sime tẹ feni ḅalafama tẹ in fiin so ḅẹ aị; ini inetẹ ẹkwẹn ḅịa; kịnị mie in dogi ḅarịye ini inetẹ mẹnjị ḅịa ẹrẹsị. Arị ḍiki-ḅalafa ma: arị inetẹ ye kẹ ị́ lama ḅịa, pịkị inetẹ gbọrụ iḅi sọ kẹ ị́ mịẹ ḅịa.”

Jerimaya 48:11

KỊNỊNYANAḄỌ ḅe ḅẹẹm, “Sakị mamgba Mohabụ ye-ḅụụ-la-a ḅara kẹ sime tẹ, tẹ gbala-gbala kịnị amụ in kun so jen-anga mu-a. Mohabụ kịkarị ye anie jike-a tẹ kẹ wẹrị wararị iru jongo tẹ gbala-gbala amụ pẹlẹma jen gbọrụ jongo ḅio sọ sụa ye. Anị ḅẹ ḅẹlẹ mẹ gbala-gbala amụ si-a, tẹ anị paa ḅẹlẹ mu ḅẹẹ-sakị ḅẹẹ-sakị laarị.”

Izikẹlị 8:12

Tamụnọ ì gbelam, “Fịị-fịị tomḅọ, Izirẹlị ḅẹ sịḅịdapụ ma ḅọị-anga mịẹarị ye ị́ ẹrịarị ya? Inimgba sime tẹ tẹkẹarị ḅio mẹ ḅụ oru-afụḅara afụḅara famam. Ini kẹ gotẹ sọ ḅẹ ye ḍọkịarị ye anie, ‘KỊNỊNYANAḄỌ ḅe wa ẹrị-a! Ọ̀ kọkọ wamịna bebe amakiri kẹ gbin-koroma so tẹẹ.’ ”

Izikẹlị 9:4

“Bebe Jeruselemu mẹ mẹnjị fama tẹ elekima kẹ ḅẹḅọ-ḅẹḅọ tẹ opu ama mẹ ḅio ịn mịẹarị sịḅị-ngụngụnma aị ma gotẹ ḅalaḅalarị pịkị arị ḅụụ-fụkamarị apụ ma fụḅara-ḅọkọ sụa.”

Izikẹlị 9:9

Tamụnọ pakịrịm, “Izirẹlị na Juda na ḅẹ apụ ma ḅalafama asi mịẹ tẹ. Bebe amakiri mẹ ikelema-koro ḅụ ịn kịnị ḅaa si mịẹ tẹ, pịkị kịrị-kịrị si-amịẹaị kẹ Jeruselemu ḅinma tẹ. Ini mẹẹ, yẹrị KỊNỊNYANAḄỌ ḅe ịna bebe amakiri mẹ kẹ gbin-koroma-so tẹ ḅarị ini ẹrị-a.

Emọsị 6:1

Anị kpọma ḅalafama ye sọ ọ́ pịrị ḅarị ḅara ḍikii, ọmịnị Zayọnị ḅụ ye ḅụụ-fụkama-a ḅara kẹ angarị apụ na ọmịnị Sameriya ḅụ sime tẹ wa la-la ye ofori ḅẹ ḅara kẹ simearị apụ na — ọmịnị mị opu sịẹ Izirẹlị mẹ ḅẹ opu atomi ọmịnị tẹ ḅarasụa gotẹ tomi ma dama-muarị apụ!

Obadaya 1:6

Ọmịnị Ịsọ furo-ḅẹ-apụ, ọmịna ngọ ma kịnị fọịn tẹẹ!

Malakayị 2:17

Ọmịnị ịnyọ kẹ KỊNỊNYANAḄỌ ḅe tama fama tẹẹ, ọ́ kọn-arị ẹkwẹn ḅụ. Kụma ó gbelarị, “Ndẹẹ wa wẹrị tẹ ịnyọ kẹ ị́ tama ḅara?” Mị-ḅara mẹ ḍuko ḅụ, “Kụrọmamgba nyana KỊNỊNYANAḄỌ ḅe kuromarị mịnẹ siye mịẹ apụ mamgba iḅi apụ; karakara ye ḍuko ḅụ, ịna mịẹye ọ̀ ḅụụ-ḅẹlẹarị.” Anịanịa gbela ḅụ, “Tomi ọkịarị inema ḅụụ ḅụ ofori Tamụnọ ḅe, ndẹẹ ori?”

2 Pita 3:4

tẹ gbela ḅa, “Ọ̀ kọkọ minini mịnẹ ò ḅo ḅa, ori ọkọ ḅẹẹ-a? Ọ̀ tọ-anga emi? Wamịna aḍapụ ma fịị ḅọrọ tẹ, kụma ye goyegoye paa tomikiri mẹ tẹmẹ kụra-ḅio anị sime ḅara simearị!”

Mịẹfinji 2:23

À pịkị á ḍukamẹnjịarị apụ ma ḅaa ḅa, anịsakị sọsị mamgba nimi ḅa mịnẹ yẹrị anie ọrụḅọ-ọrụḅọ sime-ḅara nimi ḅọ. Ọmịna ḅụ ọrụḅọ-ọrụḅọ mịẹye à nwẹn ḍiki tẹ mḅọ gbẹẹ ḅa.