Zẹfanaya 1:11 - FỊAFỊA BAỊBỤLỤ

¹¹ Ọmịnị opu ama mẹ ḅẹ suku-jụ anga apụ ọmịnị opuma owu pakama, masịnịapụ mamgba fịị ḅẹ ẹrẹsị!”

Zẹfanaya 1:11 Iomraidhean Croise

Jobu 27:16

Ọ̀ fọọn kpolima ḅara kẹ seleḅa kpolimam, tẹ lịka tan tunduruma ḅara kẹ kapa tan tundurumam ḅẹsọ.

Jobu 27:17

Ori inetẹ tan tunduruma ḅa, kụma karakaraḅọ ḅe mie anị sụa ḅarịye, anịsakị mịẹ ye ofori ḅọ ḅe seleḅa mẹ ḍiema ḅa.

Jerimaya 25:34

Ọmịnị owuu, ọmịnị Sịḅịdapụ, ọmịnị anana-ḍikiḍikiḅọ ḅara kẹ ị̀ atomi ḍikiḍikiarị apụ, ọmịnị owu pakamaa! Ó kururu tẹ fọọn ḅio mbelembelee. Ịn pẹị ḅẹ nama ḅaa-ḅaa ḅara kẹ ọ́ ḅaa ḅẹ sakị mẹ ḅo la tẹẹ, tẹ ini ejimina amẹẹ keni-keni ḅara kẹ ó keni ḅa.

Jerimaya 4:8

Mie ḅụ ọmịnị akpa ḅiri, tẹ lee-leema owuu, KỊNỊNYANAḄỌ ḅe owi ịganị mẹ amụ Juda ḅụ pịkị-so-a ẹrẹsị.

Izikẹlị 21:12

Fịị-fịị tomḅọ, kururu-oloku kọn-pakama; ị̀ atomi mie mịẹ okologie mẹ tẹlẹma pịrịye pịkị Izirẹlị ḅẹ sịḅịdapụ mamgba na. Ini ịn ḅaa ḅẹ-yearị, ini na tomi ma ḅụ kirikọn-apụ ma na. Ḅara kẹ í ekpe fomuu, mịẹḅẹ-ọkụ ḅarị ofori ḅara ḅụ!

Hosiya 9:6

Opu ḅụụ-fụka ḅoarị sakị ḅụ, tẹ tomi ma gala-galama sakị, Ijiputi-ḅẹ-apụ in kobiri kpoo ḅụ wẹrị ḅa — in kobiri tẹ ịn kẹ ḍiḅi ḅẹ ḅara anịanga Mẹmụfịsị ḅụ! Ịna seleḅa ngọ ma na ịna sime-ayọ ma tẹ gbọrụ sakị ḅụ sime-sime anga mẹ ḅụ osuka paka ḅa pịkị nangị asịn na.

Jowẹlị 1:13

Ọmịnị agbamịẹapụ, ọmịnị ọmịna akapa ḅiri tẹ owuu, ọmịnị agbamịẹ-anga mẹ ḅụ fịrịmẹnjịarị apụ, ọmịnị owuu! Ó mu Tamụnọ-warị mẹ ḅio bebe ḍin kẹ kururuu! Mgbọlụ-fịye ḅẹ agba na iru agba na daasịẹ tẹẹ, Tamụnọ warị mẹ ḅio.

Jowẹlị 1:5

Ọ́ naa saakị tẹ owuu, ọmịnị iru ḅuu ebeka amẹẹ; owu pakamaa, ọmịnị tọrụ-ḅaa-a iru ḅuu apụ; girepu-asịnmgbọlụ ma tẹ ịn kẹ ịwọ iru mịẹ ḅẹ aị ma in guluguluma tẹẹ.

Zẹfanaya 2:5

Filisiteniapụ ọ́ fa tẹẹ, ọmịnị tọrụ akaka angarị apụ. KỊNỊNYANAḄỌ ḅe ḅẹrẹ-pẹlẹ ọmịna ọgọnọ gbana tẹẹ. Ori ọ́ ḅaa guluguluma ḅa, tẹ ọmịna ḅụ gbọrụḅọ-sọ kiri kọn ḅịa.

Zẹkaraya 14:21

Jeruselemu na bebe Juda mẹmgba ḅụ simearị ye-sọ ḅẹlẹ goyegoye ịn wẹrị sikima sunsin Kụrọmamgba nyana KỊNỊNYANAḄỌ pịrị mịẹ pịrị ḅa. Ḅo agba mịẹ-mịẹ-mịẹarị apụ ma arị kẹ agbamịẹ anama ma sọ ḅa. Anị sakị mẹ ḅụ, Kụrọmamgba nyana KỊNỊNYANAḄỌ ḅe Warị mẹ ḅio gbọrụ tuḅoniḅọ sọ sime ḅịa.

Jọnị 2:16

tẹ ọ̀ nwẹnị tọn nwẹẹrẹsị dẹrị sime apụ ma pịrị, “Ọ́ mịanga arị kẹ paka soo. Ọ́ ḅarị ị̀ Ḍa warị mẹ kẹ fẹ-siri mịẹ ma.”

Jemụsị 5:1

Anịsakị mịọkụ, ọmịnị ngọ-kọn apụ, ọmịnị ì pokii! Ọmịnị ó ponoma ḅẹ ḅoarị atọrụsiẹrị ma gotẹ owu tẹ kururuu!