Zẹfanaya 1:10 - FỊAFỊA BAỊBỤLỤ

¹⁰ KỊNỊNYANAḄỌ ḅe ḅẹẹarị, “Anị ene mẹ ḅụ, Jeruselemu ḅụ Inji Ogigo-ḅọkọ mẹ ḅụ ọmịnị owu fiearị ye naa ḅa. Opu ama mẹ ḅẹ ịwọ-polo mẹ ḅụ ọ́ kịnị pee-peema owuarị ye naa ḅa, gbala tụndụ ma opu ama paịn-sararị tẹ anị fie ḅara.

Zẹfanaya 1:10 Iomraidhean Croise

2 Samụẹlị 5:7

Anịsọ Devidi Zayọnị ḅụ kụrọtẹ ḅọị anga mẹ ọkịm, anie Devidi opu ama mẹ.

2 Samụẹlị 5:9

Devidi nwẹnị kụrọtẹ ḅọị anga mẹ ḅụ sime tẹ anị sịn Devidi opu ama. Devidi nwẹnị in Kiri sara pakama wararị anga mẹ ḅụ saakị opu ama mẹ nama ikelemama sọ mu.

2 Amadapụ 22:14

Anieḅụ Hilikaya agbamịẹḅọ ḅe na, Ahikamụ na, Akịbọ na, Safani na, Asaya na, nwẹnị Ịkịankoro-ẹrẹḅọ Huluda na ẹkwẹnma ḅẹ mu. Árị anie Salumu ta — oriḅe anie Tikiva owiḅọtụḅọ, pịkị Hahasi taa-owiḅọtụḅọ tẹ kapa koko igbe mẹ ḍikiḍikiarị ḅọ ḅe. (Jeruselemu ḅụ Ịwọma Pakama Anga mẹ ḅụ árị angam). Ịn nwẹnị árị na ẹkwẹn.

2 Paka-aị 3:1

Anịtẹso Sọlọmọnị nwẹnị Jeruselemu ḅụ Moraya tụndụ ọgọnọ, Ọnanị, Jebusayịtị ḅọ ḅe mgbọlụ sẹlẹ kiri KỊNỊNYANAḄỌ ḅe ḅụụ kẹ ọ̀ ḍa Devidi ḍie tẹ Devidi tọn anga mẹ ḅụ KỊNỊNYANAḄỌ ḅe warị mẹ nama suku-saakịm.

2 Paka-aị 32:22

Mị-ḅara mịẹ KỊNỊNYANAḄỌ ḅe kẹ Hẹzịkaya na Jeruselemu ḅụ simearị apụ ma na ḅọrọma ḅara Sẹnakeribu, Asiriya ḅẹ amadaḅọ ḅe ḅara ḅụ na, ori na fịya-a apụ mamgba na ḅara ḅụ; tẹ ọ̀ nwẹnị pakịrị-pakịrị ḅụ ịnyọsara kẹ ọ̀ pịrị.

2 Paka-aị 33:14

Mịẹ mẹ ḅọrọ tẹso, ọ̀ nwẹnị Devidi opu ama mẹ ḅẹ onu mẹ ḅio mẹnjị paka, Gihọnị ḅụ ịrụa-ideriarị-anga ḅẹ Tụndụ ogboku mẹ ḅụ, na Inji ogigo-ḅọkọ mẹ ḅụ na jen onu nama, tẹ nwẹnị anị nama Ofeli ikelema-koro, tẹ gburo-gburoma anị mịẹ gelema. Ọ̀ pịkị Juda ḅụ ọmụ-ogbo ḅẹ ḅẹrẹtọn-apụ kẹ in mịẹ kụrọma wararị opu ama mamgba ḅụ koromam.

2 Paka-aị 34:22

Anieḅụ Hilikaya na, inima tẹ amadaḅọ ḅe fịrịma apụ ma na nwẹnị Huluda ịkịankoro-ẹrẹḅọ ma ḍọkụma-mu. Árị anie Salumu ta — oriḅe anie Tikiva owiḅọtụḅọ, pịkị Hahasi taa-owiḅọtụḅọ tẹ kapa koko igbe mẹ ḍikiḍikiarị ḅọ ḅe. (Jeruselemu ḅụ Ịwọma Pakama Anga mẹ ḅụ árị angam). Ịn nwẹnị árị na ẹkwẹn.

Nehimaya 12:39

mu “Iferemu Ogigo-Ḅọkọ” mẹ ḅẹ ọgọnọ-jụ “Elemu Ogigo-Ḅọkọ” mẹ na, “Inji Ogigo-Ḅọkọ” mẹ na ḅụ ḅọrọ mu “Hananẹlị Ḅẹ Gele-Warị” na, “Sọnọ asi Ḅẹ Gele-Warị” ḅụ ḅo “Anana Ogigo-Ḅọkọ” mẹ la, tẹ nwẹnị “Ye-yọ Ḍikiḍiki Ogigo-Ḅọkọ” mẹ ḅụ daasịẹ.

Nehimaya 3:3

Hazẹna owiapụ-awọmẹ ma sin Inji Ogigo-ḅọkọ mẹ namam; ini anị ḅẹ oluku koromam, tẹ anị ḅẹ ḅọkọ na, jụkoroma na, ẹngbẹsẹ na sụam.

Ayịzaya 59:11

Wa tẹmẹ-naịn-naịn tẹ ḅụụ-ḅalaḅalarị; wa ḅii lamarị Tamụnọ ponoma na iri-amịẹaị na ḅụ wa ḅọrọma, kụma gberie-sọ paka-a.”

Jerimaya 39:2

Zẹdẹkaya ama-da tẹ oyi gberie finji karama kụra mẹ ḅẹ ini karama akalụ mẹ ḅẹ eseni aḍin karama ene mẹ ḅụ ini opu ama mẹ ḅẹ onu mẹ kan-tolu-ḅọrọm.

Jerimaya 4:31

Àrị owu pọkọ naam, iyi la tẹ ẹrẹḅọ ọkụ, Oloku ḅịḅị mẹ kịrarama fie ḅara tarị tụḅọ iyiarị ẹrẹḅọ ọkụ. Anie kpọma-ḅẹlẹmarị Jeruselemu owu pọkọọ, kụma á ḅụụkụrọma ịnyọsararị, arị á ḅara sụn-pakama tẹ ḅẹẹarị, “À ḅarị ḅọrọma ḅịa! Ini ị̀ ḅaa ḅẹ ḅoarị!”

Izikẹlị 6:13

Ḍụẹịn-ḍụẹịn-ḍụẹịn gala-gala sara ḅa oru-afụḅara ma na agbamịẹ-anga ma na ogboku, tụndụ goyegoye ọgọnọ-jụ na, gele tụndụ goyegoye na ọgọnọ-jụ, ịwọ sịn goyegoye na oku nwẹn-sịn asịn ma na suku, anga goyegoye tẹ in mu dọkịma-agba mịẹ ịna oru-afụḅara pịrị-pịrị ayọ mamgba. Anịtẹso ḅẹḅọ-ḅẹḅọ nimi ḅa mịnẹ yẹrị anie KỊNỊNYANAḄỌ ḅe.

Emọsị 8:3

Anị ene mẹ ḅụ, Amada-Opu-warị mẹ ḅẹ anume ma ḅo ḍụẹịn ḍu nume sọ ḅa. Fịtẹ oju akpakpa anịanga mamgba sara ḅa. Ịn ḅịḅị-fie-a ḅara kẹ arị kẹ wakị pakama ḅa.”

Zẹfanaya 1:15

Anị opu ịganị ene sọ ḅa, ḅụụ-fụka na ḅụụ-ḅalaḅala na ene, fa na gulugulu na ene, kanakana na kpiti na ene, kurukuru na oḅuto na ene,

Zẹfanaya 1:7

KỊNỊNYANAḄỌ ḅe ene mẹ ḅoarị, Tamụnọ ye mịẹ ḅarị ene mẹ; mie ḅụ ọ́ yaụ-sime ọ̀ tọrọkọ ḅụ. KỊNỊNYANAḄỌ ḅe tẹlẹmarị agbamịẹ anama ḅaa ḅara kẹ ori atomi ḅaa ḅa, tẹ ini na fịya-a apụ sịn tẹẹ in ḅo in gulugulumaa.