Zẹfanaya 1:1 - FỊAFỊA BAỊBỤLỤ

¹ Mie KỊNỊNYANAḄỌ ḅe kẹ Zẹfanaya pịrị oku mẹ Josaya, Amọnị tụḅọ, ḅe Juda ḅụ ama-da sime sakị mẹ ḅụ. (Zẹfanaya ḅe Ama-da Hẹzịkaya furo ọ̀ pakamam Amaraya, Gedalaya na Kusi na ḅụ ḅọrọ ḅụ.)

Zẹfanaya 1:1 Iomraidhean Croise

2 Amadapụ 21:18

Manasẹ nwẹnị fịị, tẹ ịn nwẹnị Uza ḍụọ ḅio, ọ̀ warị mẹ ḅẹ ḍụọ ḅio ḅụ ò ḍiḅi; tẹ ori owiḅọtụḅọ Amọnị nwẹnị ò kiri ḅụ ama-da.

2 Amadapụ 21:26

Ịn nwẹnị ọ̀ kẹ ò ḍuḅu ḅio ḍiḅi Uza ḍụọ mẹ ḅio; tẹ ori owiḅọtụḅọ Josaya ò kiri ḅụ ama-dam.

2 Paka-aị 33:20

Anieḅụ Manasẹ fịịm, tẹ ịn nwẹnị ọ̀ warị ḅio ò ḍiḅi; tẹ ori owiḅọtụḅọ Amọnị nwẹnị ò kiri ọkị tẹ ama-da.

Jerimaya 1:2

Josaya Amọnị tụḅọ ḅẹ Juda da tẹ oyi tẹrẹị finji karama kụra mẹ ḅụ mie KỊNỊNYANAḄỌ ḅe ẹkwẹn Jerimaya pịrị yee,

Jerimaya 22:11

KỊNỊNYANAḄỌ ḅe Josaya owiḅọtụḅọ Johazi ḍaḅọ tọrụ ḍima tẹ Juda da ḅọ ḅe ḅẹẹarị, “Mị angaa ò so tẹẹ, gbala-gbala ọ̀ ḅarị pịkị-ḅo ḅịa.

Jerimaya 25:3

“si tẹra akụra finji ḅụ, Josaya, Amọnị tụḅọ ḅe Juda da tẹ oyi tẹrẹị finji karama kụra ḅụ ọkị-ḅo mịmgba la, KỊNỊNYANAḄỌ ḅe ẹkwẹn ị̀ pịrị tẹẹ, amụ à pịkị gbarị-a gbala-gbala, ori ị̀ ḅẹẹ ye ḍuko ọ́ pịrị ḅụ. Kụma ọ́ kẹ ye-sịn-a.

Izikẹlị 1:3

Anị anga Babịlonịya ḅụ Keba Tọrụ akaka mẹ ḅụ, à KỊNỊNYANAḄỌ ḅe ẹkwẹn ị̀ pịrị ye naa tẹ nwẹnị ọ̀ kụrọ ị̀ ḅụụ ḅio sọ tẹ ye mẹ nimim.

Hosiya 1:1

Mie KỊNỊNYANAḄỌ ḅe kẹ Hosiya, Bẹrị tụḅọ ḅe pịrị oku mẹ, Uzaya na, Jotamụ na, Ahazi na Hẹzịkaya na Juda ḅụ ama-da sime asakị mẹ, tẹ Jerobohamụ, Jehohazị tụḅọ ḅe pịkị Izirẹlị ḅụ ama-da sime sakị mẹ.

2 Timoti 3:16

Fịafịa Ḍiri mẹmgba Tamụnọ tomina tẹmẹ jike tẹ ịn kẹẹm, tẹ anị kẹ karakara mẹ toluma na, kura-aye ḍiki-ịganị na, mịẹkọn aị tẹlẹma na, kura ḍumo kọn ḅụ kịnị mịẹ ḅẹ ye ḍuko na ḅụ anị mịẹye ḅụ sọm,

2 Pita 1:19

Mie ḅụ wa ḅo ịkịankoroapụ ma ḍuko pakama oku mẹ ḅụ kpọma ḅiokpọ nyana lama tẹ. Anị iḅi lama ḅa ọmịnị anị kẹ ye-sịn kụma, kẹ gotẹ ọkọ ḍukoarị, anị gbala kanakana emi anga ḅụ kọrịarị tọnjọ ọkụ, tẹ ọkọ kọrị nwenii Ene mẹ ḅaa tẹ dede lolia mẹ ọmịna aḅioḅẹngbọ ḅụ ḅịya.