Tayịtọsị 3:3 - FỊAFỊA BAỊBỤLỤ

³ Kẹ gotẹ ọkọ ḍukoarị, sakị ḅẹ gbọrụ sakị ḅụ wamịnị ḅioju sọ oḅori-sọ tẹ, ḅịḅịpoki-a ḅara kẹ irima-irima simem. Wa omoni-sọ ye goyegoye pịrị gotẹ lẹlẹ akuroma na tomikiri ḅẹ tọrụ-ḅẹlẹ kịrị-kịrị na nyana simem. Wa wamịna aḍumo kẹ mịẹye jen-a, si kuroma na, jụmọ sime-ḅara ḍiki tọrụ fụka na famam; ja apụ nwẹnị wa ḍiki-ḅioḅu, tẹ wamịnị pịkị ịn ḍiki-ḅioḅum.

Tayịtọsị 3:3 Iomraidhean Croise

Suku-saakị 38:9

Kụma Ọnanị nimim mịnẹ awọmẹ ma ori awọmẹ sọ ḅịa, anie ḅụ ọ̀ sọ ori iyimbere koroma fịị ẹrẹḅọ ma ḍọkụma-mu sakị, mu sakị, ọ̀ saraye mẹ kẹ kiri-ḅio saram, ò ḅofa awọ iyi ori iyimbere pịrị gotẹ.

Suku-saakị 39:16

Anịtẹso árị ọ̀ kapa mẹ kẹ árị akaka koroma wẹrị nwenii á di warị ḅom.

Devidi-Anume 36:2

Ọ̀ kpọma ḅụụ-gelema ḅara kẹ ḅẹrẹ kuromarị ẹrẹsị: ori ọkịarị mịnẹ Tamụnọ ò si ḍọkị pakama-ḅo tẹ anị si ḅara ḍuko ḅịa.

Egberima-Ẹkwẹn 8:5

Amụ ọ́ ḍụḅa paka-ḅo tomi la-a? Ọ́ ḍụḅa paka-ḅo tomi la tẹ ḅara simee. Ọmịnị oḅori-sọarị aro? Ọ́ ḍawọ tẹ sịḅịḅio nyanaa.

Egberima-Ẹkwẹn 9:6

Ḅarị ye-nimia atomi ma na mẹnjị ma, tẹ ḍumoo. Ḍawọye nimi etela mẹ ḅio mẹnjịị.”

Ayịzaya 44:20

Ọ̀ fọọn kẹ fịye sọma tẹ fịarị; Ori oḅori akuroma ma ọ̀ da irima mu ọ̀ ḅarasụa nyana ḅẹ yọ saḅa tẹẹ. Ò minini ḍụkụ ḅịa mịnẹ ori ọlọ-sịẹma wararị oru-fụḅara mẹ gbala-gbala tamụnọ-a, ḅọkọ-ḅọkọ mamgba ḅụ.

Obadaya 1:3

Ị́ ḅụụ-gelema mẹ oḅori kẹ ị́ sịn tẹẹ. Ị́ sịḅịda opu ama mẹ anie paịn-paịn-a kụrọ tẹ ḍụḅarịị; Ị́ angarị yọ mẹ nwẹnị gele faa, tụndụ ma ḅio, tẹ mie ḅụ ị́ ị́ ḅụụ ḅẹẹarị, “Tụḅọ inetẹ ị̀ nụnụ iderima ḅẹ mọ?”

Matiyo 21:29

Ọ̀ nwẹnị pakịrị, ‘À mu ḅẹ ḅii-a,’ kụma anị sakị mẹ ḅọrọ tẹso, ori ò kuroma ḍima tẹ mum.

Luku 21:8

Jizọsị mẹẹ, “Ọmịnị ẹbịị, ó mininitẹ kịnị oḅori kẹ ọ́ sịn ma. Tọnwa apụ ị̀ ẹrẹ kẹ ḅo tẹ ḅẹẹ ḅa, ‘Yẹrị anie Kịrayịsị ḅee!’ Ịn pịkị ḅẹẹ ḅa, ‘Sakị mẹ laa tẹ!’ Kụma ọmịnị ịn ḍuka-mu ma.

Jọnị 8:34

Jizọsị nwẹnị ịn ḅẹẹ, “À karakara mẹ ḍuko ọ́ pịrịarị, si mịẹarị ḅọ, mịẹarị ḅọ anie si omoniḅọ.

Romu 11:30

Tarị ọmịnị Ja asịẹ ḅẹ apụ ma kẹ Tamụnọ ḅịḅị poki-a ye mamgba sọ, Juu-ḅẹ-apụ ḅịḅị poki-a mẹ gotẹ, mịọkụ ori ó ḍiki sịḅị-kụrụkụrụ tẹ.

Romu 6:12

Ọ́ ḅarị ḍụkụ tẹ si ḅẹrẹtọn ọmịna fịị, fịị oju mẹ pịrị tẹ ọmịnị oju ḅẹ meni mẹ ḅii ḅara, ḅii ḅara mịẹ ma.

Romu 6:17

Tamụnọ mịẹ tẹẹ! Tụkụmaye, tarị tarị ọmịnị omoni sọ si pịrị simem sọ, ó ḅo ọmịna ḅioḅẹngbọ mamgba kẹ ịn kẹ ó tolumaye mẹ daa-ọkị tẹ anị ḅẹẹ ḅara ḍiki anga tẹ.

Romu 6:22

Kụma mịọkụ in si ḅara-ḅio ọ́ pụkọ-pakamaḅo Tamụnọ omoniapụ sọma tẹ mẹ, ọ́ nyana ye anie ḅụụ mamgba kpaịnma koroma ọ́ pịrị, tẹ aniemẹ dogi-ḅo ọ́ pịrị ḅarịye anie sime gbamaso ḍumo.

Romu 6:6

Wa nimi wararị mịnẹ, wamịna si sime-ḅara mẹ ḅẹ elemu ḅụụ mẹ ịn kẹ ori na sụa ẹngbẹsẹ-sịn ḅụ ḅakụ tẹ, mịẹtẹ anị ḅarị kụrọ nyana tẹ jen kẹ wa kẹ si omoni sọma ḅịa ḅara.

2 Kọrịntị 12:20

Ị̀ ḅalafaarị, à ḅo anịanga la sakị, arị à ḅii ḅara kẹ ọmịnị ẹrị ḅịa, ọmịnị pịkị ó ḅii ḅara kẹ ị̀ ẹrị ḅịa. Ẹbịsịya à ḅo la ḅẹ sakị arị ẹrị ḅarị ye, kamụ na, afana na, owi tẹmẹ na, tọrụ-kpọ na, wori sima na, kịnị kẹ ọḅụjụ fie na, ḅụụ-gelema na, ye ọrụ tọn-a na.

Galesiya 6:3

Gbọrụḅọ nwẹnị mḅọ ye ḅụ ofori tẹ amịna ḅụụ kẹ ye-sịn-arị ḅẹḅẹ, mḅọ papaa oḅori kẹ amịna ḅụụ sịn-arị.

Kọlọsị 1:21

Sakị ḅẹ gbọrụ sakị ḅụ ọ́ Tamụnọ ḅụ ḅele fa simem, tẹ ori na fịya-a apụ sọm, anie ọ́ mịẹ-mịẹ si amịẹaị na, kuroma-kuroma si akuroma na ẹrẹsị

Kọlọsị 3:7

Sakị ḅẹ gbọrụ sakị ḅụ ọmịnị sọ nwẹn sime aị ḅii ḍumo kọnm, arị gbọrsịḅị ḅẹrẹtọn ọmịna ḍumo pịrị sime sakị mẹ.

2 Timoti 3:13

si-mịẹapụ na, ḅụụ kẹ in sime-a ḅara elekimarị apụ na, in sii tọrọkọ-tọrọkọ mu ḅa, ini oḅori kẹ ja apụ sịn-arị ḅara mie ini ma sọ ja apụ oḅori kẹ ịn sịn-arị ḅara.

2 Timoti 3:6

Ini ḅẹ ja apụ kịnị awarị sọ, sọ tẹ tẹmẹ lọkọarị ereme kun, kun tẹ ḅẹrẹtọn ịn pịrịarị, anie elemu amịna mịẹ tẹ asi ḅẹ ḅẹrẹ-ḅarasii ḅẹ kuroma ponoma tẹ kịrị-kịrị akuroma fọnọ mẹnjịarị apụ,

Tayịtọsị 1:16

Ini ọkịarị ịn Tamụnọ nimim, kụma ịna amịẹaị anị pikiarị. Ḍiki-ḅioḅu na ḅịḅịpoki-a na ịna ḅụ emi, ini inetẹ gbọrụ iḅiye sọ mịẹ ḅẹ ḅara sime-a.

Tayịtọsị 2:12

Anị ḍiki-ḅụụjịrị mẹ wa tolumarị mịnẹ wa Tamụnọ nimi-a ḍumo na tomikiri ḅẹ aị na gotẹ lẹlẹ akuroma na ḅụ ḅara-siin, tẹ ḅụụ ọlọ na, kịnị mingirima-a na, Tamụnọ nimi na ḍumo kọn, mị tomikiri ḅụ,

Jemụsị 1:26

Tụḅọ emi tẹ ḅẹẹarị mḅọ Tamụnọ nimi wararị? Mḅọ amịna ḅẹlẹ ọlọ-a ḅẹḅẹ, mḅọ Tamụnọ nimi mẹ ye ḅụ ofori, tẹ mḅọ pịkị oḅori kẹ amịna ḅụụ sịn-arị.

1 Pita 1:14

Ọ́ Tamụnọ ḅịḅị pokii, tẹ ọ́ ḍụkụ tẹ amụ ó gberie-sọ nimi-a sakị ḅụ ḅẹrẹtọn ọmịna ḍumo pịrị, pịrị akuroma ma ọ́ da-mu arị tọn ḅara wẹrịma.

Mịẹfinji 12:9

Tẹ in So-ḅio anị mamataḅaye ologboingboin opu daragọnị ḅe sukuruma pakamam — anie elemu sakị ḅẹ ododo ḅe, tẹ in Si-ḅọ, anịanịa Ekwesu, kẹ sịn ḅọ ḅe, tẹ oḅori kẹ bebe tomikiri mẹ sịn sime ḅọ ḅe. Ini ò sukuruma iderima tomikiri ḅụ koromam, ori na ori enjẹlị ma na.

Mịẹfinji 13:14

Tẹ in minini ọ̀ pịrị tẹ, kịnị-ḅaaḅa tarị opu nama ḅe tọrọkọ ọ̀ mịẹ ḅụụ-buama-aị ma ḅụ, ḅọrọtẹ oḅori kẹ tomikiri ḍumo sime apụ mamgba sịnm. Kịnị ḅaa, ḅaa opu nama ḅe nwẹnị ḍuko ịn pịrị, mịnẹ ịn fụḅara pakama tẹ kẹ kịnị-ḅaaḅa opu nama ḅe, tẹ ogie ịnọ ḅụ ḅọrọtẹ fịị ḅẹ tọn tẹ, pịkị ḍumo ḅọ ḅe kụn.

Mịẹfinji 18:2

Ọ̀ nwẹnị kụrọma gele pọkọ kẹ oloku pakama: “Á ḅịkị tẹ! Opu Babịlọnị ma ḅịkị tẹ! Mịọkụ oru na si-atẹmẹ na mie á ḅio anga tẹ ẹkpẹarị ye, sịḅị-ngụngụnmarị tẹ ḅụụ ḅẹlẹma-a afeni mamgba á ḅio angarị.