Tayịtọsị 1:3 - FỊAFỊA BAỊBỤLỤ

³ tẹ anị ḅẹ karakara sakị ḅụ ọ̀ nwẹnị anị mịẹfinji ori oku mẹ ḅio. Miemẹ Tamụnọ kẹ ị̀ ḅara sụam, tẹ ori Tamụnọ, wamịna Ḅọrọmaḅọ ḅe, tọn ḅara ḅụ àrị anị ḍuko wasamarị.

Tayịtọsị 1:3 Iomraidhean Croise

Ayịzaya 12:2

Tamụnọ anie ị̀ ḅọrọmaḅọọ; arị ọ̀ kẹ ḅiokpọma tẹ ḅalafaa ḅịa. KỊNỊNYANAḄỌ ḅe kụrọ na ịnyọ na kẹ ị̀ pịrịarị; Ori ị̀ ḅọrọmaḅọọ.

Ayịzaya 45:15

Izirẹlịapụ tẹkẹarị Tamụnọ ḅe tẹ amịna atomi ḅọrọmarị ḅọ ḅe, anie amịna ḅụụ kikimarị Tamụnọọ.

Ayịzaya 45:21

Ó ḅo ọmịna ḅịḅị ḍuko ḅẹrẹ-siri ḅụ; yee ḅẹrẹ pakịrịarị apụ ma jụmọ-jụmọ na ḅẹrẹ-ḅiya. Iḅere-iḅerea kụra ḅio ḅụ paka ḅẹ ye ḍuko ḅọ tụḅọ? Yẹrị-yaa, KỊNỊNYANAḄỌ ḅe, amịna atomi ḅọrọmarị Tamụnọ ḅe? Jen tamụnọ ofori.

Danẹlị 11:27

Anịtẹso maa amadapụ ma lẹgị sime tẹ gbọrụ dẹbịlẹ suku ye fị ḅa, kụma in siye kẹ ḅiotọn tẹ iruo jụmọ-jụmọ pịrị ḅa. In ḅii ye ịn nyana ḅịa, anị ḅẹ sakị amụ ḅo-a ẹrẹsị.

Danẹlị 8:23

“Arị ama-da ma ḅẹ kunoma ḅo kpeki tẹ arị ḅo si-sịḅịḅio-sụa lama tẹ fomu-ḅara da-a so ḅịa ḅara sime sakị, kọngọ-kụrọma, si mịẹ oru, tẹ pịkị oḅori-kẹ-kịnịsịn-arị amadaḅọ paka ḅa.

Danẹlị 9:24

“Kụra atesi oyi finji-finji sọnọma akiri anie Tamụnọ tọn-pẹlẹm ọ̀ kẹ ị́ atomi ma na ị́ fịafịa ama mẹ na pakama-ḅo si na siye na ḅio. Ò si-wẹrịso tẹ tomi karakara mịẹ gbamaso ḅa, mịẹtẹ ị́ ẹrị ịkịan mẹ na í koro-ịkịan mẹ na ḅo karakara ye sọ tẹ in siin fịafịa Tamụnọ-warị mẹ wẹrị fịafịama ọ̀ pịrị ḅa.

Habakọkụ 2:3

Anị kẹ kẹẹ koroma anị ḅo paka tẹ ye sọ ḅẹ sakị tọrọkọ-jụ ḅo ḅa ẹrẹsị. Kụma sakị mẹ sarasarama ḅoarị, tẹ à kẹ ị́ ḍiearị ye mẹ ḅo karakara ye sọ ḅa. Ẹbịsịya anị fọnya ḅo-a ḅara kịka ḅa, kụma anị koruu, gbarị-a ḅara ḅụ anị paka ḅa, anị sime ala ḅịa.

Makị 1:15

Ori mẹẹ, “Tamụnọ Ama-da mẹ kpeki tẹẹ! Ọmịnị ọmịna asi ḅụ pịkị tẹ Iḅi-Oku mẹ mininii!”

Makị 13:10

Kụma tẹrẹmẹ kunoma mẹ ḅo la ini Iḅi-Oku mẹ ḍuko tomi mamgba pịrị ḅa.

Makị 16:15

Ori ịn ḅẹẹm, “Ó bebe tomikiri mẹ ḅụ anga-anga mamgba la tẹ iḅi-oku mẹ ḍuko tomi mamgba pịrịị.

Luku 1:47

ì tẹmẹ ḅioḅẹlẹarị Tamụnọ ị̀ Ḅọrọmaḅọ ḅe gotẹ,

Fịrịmẹnjịapụ 10:36

Tamụnọ kẹ Izirẹlịapụ fịrịma oku mẹ, tẹ Jizọsị Kịrayịsị, kịnị mamgba Nyanaḅọ ḅe ḅụ ḅọrọ tẹ ḍuko wasamarị dein Iḅi-Oku mẹ, ọ́ paa nimi tẹẹ.

Fịrịmẹnjịapụ 17:26

Kpọkpọ gbọrụ tomḅọ ḅụ mie ọ̀ saakị tomi kịrị-kịrị ma tẹmẹ tẹ ịn wasama bebe tomikiri mẹ anga ḅinma ye. Tomi ḍumo mu la ḅẹ sakị na ini anga mu daasịẹ ḅẹ oke na ọ̀ tarị nwẹn tọn koromam.

Romu 15:19

ḅụụ-buama-aị na, ḅụụ-gbiripuma aị na, kụrọ ḅụ na, pịkị Tamụnọ Iḅi Tẹmẹ ḅe kụrọ na ḅụ. Mie ḅụ, Jeruselemu ḅụ ọkị mu Ilirikọmụ la à ḅin tẹ ḅara kẹ Kịrayịsị gboloma Iḅi Oku mẹ ḍuko pakama tẹ.

Romu 16:25

Ó yee wa boma kẹ Tamụnọ pịrịị! Ori anie inetẹ mịẹtẹ à kẹ ḅo ọ́ pịrị Jizọsị Kịrayịsị gboloma Iḅi-Oku mẹ ḅụ ó nyana minini mẹ ḅụ ọ́ sịẹ kụrọ ḅarịye; anie iḅere-iḅerea kụra-ḅio kikima sime karakara mẹ, tẹ ọ̀ mịẹfinji ye mẹ sime-ḅara ḅụ.

Romu 16:26

Mịọkụ, anị sime-ḅara ḅụ, ịkịankoroapụ ma kẹẹ aị ma ḅụ karakara mẹ bele paka tẹ, tẹ sime gbamaso Tamụnọ ḅe tọn ḅara ḅụ, ama sịẹ-sịẹ mamgba nimi tẹ minini tẹ anị ḍuko ḅara mịẹ ḅarị ḅara.

Romu 5:6

Gbala mịẹ-mịẹ ọkụ wamịnị na ofori ogbo mie Kịrayịsị ḅo Tamụnọ tọn sakị ḅụ si-sịḅịḅio-sụapụ gotẹ fịị ye.

1 Kọrịntị 9:17

À nwẹnị ì ḅiotọn kọrịnama kọrịarị ḅẹ kụma, à gbẹẹ-ye nyana ḅa; kụma kọrị ị̀ gbarị ḅịa kọrịnama ḅara mie à kẹ anị kọrịarị; kẹ gotẹ ọkọ ḍukoarị, Tamụnọ mị fịrị mẹ saakị ị̀ pịrịm à mẹnjịị.

Galesiya 4:4

Kụma kunoma ḅụ karakara sakị mẹ ḅo la tẹso, Tamụnọ ọ̀ Tụḅọ kẹ fịrịmam. Tomikiri ḅẹ iyingiḅọ iyi tụḅọ ḅara mie ọ̀ kẹ ḅo tẹ Juu-ḅẹ-apụ Oloko mẹ suku-ḅio anga ye,

Ẹfisọsị 1:10

Sakị mẹ ḅo la sakị, miemẹ tẹ Tamụnọ tọn wẹrị ye mẹ, ori anị mịẹ busunuma ḅa, aniemẹ anie, tẹmẹ ye-mẹmgba kẹ ḅo gberie mịẹ, So-ḅio sime ye-o, tomikiri ọgọnọ sime ye-o, tẹ Kịrayịsị nwẹnị sịḅị daa.

Ẹfisọsị 2:17

Mie ḅụ Kịrayịsị ḅo tẹ dein Iḅi Oku mẹ ḍuko kịnị mamgba pịrịm-o ḍuko ọmịnị Ja asịẹ ḅẹ apụ tẹ Tamụnọ ḅụ ḅele fa sime apụ ma pịrị, pịkị ḍuko Juu-ḅẹ-apụ tẹ ó kpeki sime apụ pịrịị.

Filipayị 1:13

Anie mịẹtẹ sịḅịdaḅọ ḅe angarị anga mẹ ḍikiḍikiarị ọmụapụ mamgba na ja apụ tẹ mịanga simearị apụ mamgba na nimi wararị mịnẹ yẹrị Kịrayịsị fịrịmẹnjịḅọ mie à gotẹ mị ikoli-warị mẹ ḅio emi ye.

Kọlọsị 1:23

Ye wẹrị tẹ sime-ḅara ḅụ, ọmịnị ọmịna minini mẹ, tẹ karakara suku mẹ ọgọnọ sịẹ wararị ye mẹ ọlọ kụrọmaa; ọ́ ḍụkụ tẹ gbọrụḅọ-sọ mịẹtẹ ọmịnị iḅi-oku mẹ naa sakị ọ́ nyana ḅiokpọ mẹ jikema. Mị iḅi-oku mẹ ḅẹ fịrịmẹnjịḅọ mie yẹrị Pọlụ sọ ye — mị iḅi-oku mẹ mie in ḍuko ḅẹḅọ-ḅẹḅọ pịrị tẹ ye mẹ tomikiri mẹ ḅụ.

Kọlọsị 1:6

Iḅi oku mẹ boma, boma ọkị-ḅoarị, tẹ anị pịkị tomikiri mẹ kana-koroarị, anie ọ́ tarị Tamụnọ ḍiki-ḅụụjịrị mẹ gbolomaye naa tẹ ḅo karakara ḅara kẹ anị sime-ḅara lekiri kụra-ḅio anị ọmịna ogboku mịẹarị ḅara pembe ḅara.

1 Tẹsalonịka 2:4

Anie nakara, Tamụnọ ḅiiarị wa ẹkwẹn ḅẹ ḅara mie wa ẹkwẹn-arị, anie ọ̀ wa kẹ anị mịẹ na-iḅi apụ kịẹn tẹ Iḅi Oku mẹ kẹ wamịna ḅara sụa tẹ ẹrẹsị. Wa tomi ḅụụ-ḅẹlẹ ḅẹ ye ḍọkị tẹ mịẹ-a, kụma Tamụnọ ḅụụ-ḅẹlẹ ḅẹ ye, anie wamịna akuroma tọn ḍikiarị ḅọ ḅe.

1 Timoti 1:1

Pọlụ, Kịrayịsị Jizọsị fịrịmẹnjịḅọ ḅe, Tamụnọ wamịna Ḅọrọmaḅọ ḅe na Kịrayịsị Jizọsị wamịna ḅiokpọ ḅe na tọn ḅara ḅụ:

1 Timoti 1:11

Anị toluma ye mẹ, tẹ ịn kẹ ị̀ ḅara sụam à ḍuko ḅẹ oku mẹ ḅụ, mie anị simearị, ebube nyana, boma tẹ Tamụnọ ḅe ḅara ḅo Iḅi Oku mẹ.

1 Timoti 2:3

Miemẹ iḅim, tẹ anị pịkị Tamụnọ, wamịna Ḅọrọmaḅọ ḅe ḅụụ ḅẹlẹarị,

1 Timoti 4:10

Wa ḍumo wararị Tamụnọ ḅe, inweni-mgba Ḅọrọmaḅọ ḅe, jen-a jen-a, ini ma tẹ minini apụ ma, kẹ ḅiokpọma wararị ẹrẹsị, wa ḅụụ-kọsị tẹ kụrọma kọrịnama kọrịarị.

2 Timoti 4:17

Kụma KỊNỊNYANAḄỌ ḅe ị̀ na sime tẹ ịnyọ kẹ ị̀ pịrịm, anie mịẹtẹ àrị inetẹ bebe oku mẹ ḍuko wasama Ja asịẹ ḅẹ apụ mamgba pịrị tẹ ịn naam; tẹ Tamụnọ ịn ḅaa-ḅẹrẹ-pẹlẹ ị̀ pịrị ḅẹ ye mẹ ḅio ị̀ pụkọ-pakamaḅom.

Tayịtọsị 2:10

pịkị ịna aị furu ma. Anie nakara, sakị mamgba ịn mịẹtẹ ini ẹrị mịnẹ ini iḅi atomi, pịkị ḅioḅẹngbọ kẹ ḅụụ ḅụ gbana na-iḅi apụ, mịẹtẹ ịn mịẹarị ye, mịẹarị ye ḅụ tomi Tamụnọ, wamịna Ḅọrọmaḅọ ḅe gbolomaye tẹ wa tolumarị ye mẹ tokini ḅarị ḅara.

Tayịtọsị 2:13

anie wa sime tẹ wa kẹ ḅiokpọmarị bomatẹ Ene mẹ koruarị sakị mẹ, tẹ wamịna opu Tamụnọ ḅe na wamịna Ḅọrọmaḅọ Jizọsị Kịrayịsị ḅe na ebube mẹ tolu paka ḅarị sakị mẹ.

Mịẹfinji 14:16

Anịtẹso oḅuto ọgọnọ lẹgị ḅọ ḅe nwẹnị ọ̀ fịaị pẹlẹ ogie mẹ kẹ tomikiri mẹ ḅẹ mbịaka ma pẹlẹ.