Rufu 4:6 - FỊAFỊA BAỊBỤLỤ

⁶ Anịtẹso ḅụụ-palị-mịnaḅọ ḅe nwẹnị ḅẹẹ, “Ọkọ ḅẹḅẹ àrị inetẹ anị pakịrị ọkị ị̀ ḅụụ pịrị ḅịa, anieofori à ḅofa ì soku ḅụ à nyana ye ḅụụ-fụkama. Ị́yẹrị sime ị̀ pịrịtẹ à pakịrị ọkị ḅẹ ye mẹ ọkịị, kẹ gotẹ ọkọ ḅẹẹarị, àrị inetẹ anị pakịrị ọkị ḅịa.”

Rufu 4:6 Iomraidhean Croise

Suku-saakị 38:8

Anịtẹso Juda nwẹnị Ọnanị ḅẹẹ, “So í iyimbere ta ḍọkụma-mu tẹ fụanḅọ kọrịnama kọrị á pịrị tẹ awọ iyi í iyimbere pịrịị.”

Lẹvitikọsị 25:25

“Í iyimbere pịkị-ḅo igoinm, tẹ ọ̀ nyana ye ḅụ ye dẹrị-dẹrị, ori na kpekitẹịn-mịnaḅọ ḅo ori iyimbere dẹrị tẹ ye mẹ pakịrị ḅo ḅa.

Ditẹrọnọmị 25:7

Anịsakị owiḅọ ḅe ori iyimbere ta ma ọkị ḅẹ ḅii-a ḅẹḅẹ, anịrẹ ori iyimbere ta ma iwo ogigo-ḅọkọ mẹ ḅụ omongiapụ ma dama-mu tẹ ḅẹẹ ḅa, ‘Ì di iyimbere ori iyimbere ẹrẹ Izirẹlị ḅụ ḅarị faa ḅịa mẹ sịkịm; ò sime diḅọ iyimbere pịrị kọrịnama mẹ kọrị ị̀ pịrị-a’

Ditẹrọnọmị 25:8

Anịtẹso ọkụma ori opu ama ḅẹ omongiapụ ma ọ̀ sịn tẹ ẹkwẹn ọ̀ pịrị ḅa; tẹ ọ̀ paa ḍukoarị, ‘Àrị árị ọkị ḅẹ ḅii-a’ ḅẹḅẹ,

Ditẹrọnọmị 25:9

anịrẹ ori iyimbere ta ma omongiapụ ma tọrọkọ mẹnjị ọ̀ dama-mu, tẹ ọ̀ ḅụọ ḅụ ọ̀ sụa wararị okuro pịọnị siin, tẹ fịla kẹ ọ̀ tọrụkuḅu sara ḅa; tẹ á nwẹnị pakịrị tẹ ḅẹẹ ḅa, ‘Mị-ḅara mie ịn kẹ owiḅọ ḅe tẹ ori iyimbere warị pakama ḅẹ-ḅii-a ḅọ mịẹ ḅarị ḅara.’

Rufu 2:20

Nahomi nwẹnị á tụḅọ ta ma ḅẹẹ, “Oriḅe tẹ iḅi-yemịẹ-ḅara nyana ḍumo wararị apụ na fịtẹ-apụ ma na pịrị ḅo ḅe, KỊNỊNYANAḄỌ ḅe ḅụụ ḅo boma sime ọ̀ pịrịị!” Nahomi nwẹnị pịkị á ḅẹẹ, “Owiḅọ ḅe anie wamịna gbọrụ mịnaḅọ, wamịnị na kpekitẹịn-mịnapụ ma ḅẹ gbọrụḅọ.”

Rufu 3:13

Mị ḍin mẹ kẹ sime ene ḅaa, tẹ dede-ḅio ọ̀ nwẹnị ḅụụ-palị-mịnaḅọ ye mẹ mịẹ ị́ pịrị-pịrị, iḅim, yee ori anị mịẹ; kụma ọ̀ nwẹnị ḅụụ-palị-mịnaḅọ kiri mẹ mịẹ ị́ pịrị ḅẹ-ḅii-a ḅẹḅẹ, à ḍumo sime wararị KỊNỊNYANAḄỌ ḅe ẹrẹ kẹ karịm, à ḅụụ-palị-mịnaḅọ kiri mẹ mịẹ ị́ pịrị ḅa. Ḅọlọlọ sime nwenii anị ḅo dede-ḅio mẹ la.”

Rufu 3:9

Ọ̀ nwẹnị gbela, “Ị́yẹrị tụḅọ?” Á nwẹnị pakịrị, “Yẹrị Rufu, ị́ fịrịmẹnjị-ẹrẹḅọtụḅọ ma, ị́ ḅụụ gbaịn ye mẹ finjima ị̀ gbaịn; kẹ gotẹ ọkọ ḅẹẹarị, ị́yẹrị anie wamịna furo ḅụ kpekitẹịn-mịnaḅọ.”