Rufu 4:4 - FỊAFỊA BAỊBỤLỤ

⁴ Anieḅụ à kuromam arị anị gbolomaye ḍuko ị́ pịrị ḅa, tẹ ḅẹẹ ḅa, arị apụ ma tẹ mịanga lẹgị-sime wararị apụ ma na, ị̀ atomi ma ḅẹ omongiapụ ma na sime anga ḅụ anị fẹẹ, ị́ anị pakịrị ọkị ḅarị ḅẹḅẹ anị pakịrị ọkịị. Kụma ị́ anị pakịrị ọkị ḅịa ḅẹḅẹ, ḍuko ị̀ pịrịị, mịẹtẹ arị anị nimi ḅẹ ḅara, kẹ gotẹ ọkọ ḅẹẹarị, í sikima kụma anị pakịrị ḅẹ ḅọ ofori, anịsakị yẹrị ị́ palịm.” Tẹ ọ̀ nwẹnị ḅẹẹ, “Arị anị pakịrị ọkị ḅa.”

Rufu 4:4 Iomraidhean Croise

Suku-saakị 23:11

“Ẹn-ẹn, ị̀ nyanaḅọ, pokii, piri mẹ à kẹ ị́ pịrịm, anịsakị fukuru mẹ tẹ anị ḅio simearị ye mẹ sọ à kẹ ị́ pịrịm; ị̀ atomi ma owiapụ-awọmẹ ma sọ emi anga ḅụ arị anị kẹ ị́ pịrịm, kẹ ị́ ḍụẹịn ḍiḅii.”

Suku-saakị 23:18

Ebira-amụ nyana ye sọm Itayịti apụ ma sọ simearị anga, inweni-mgba tẹ ori opu ama mẹ ḅẹ ogigo-ḅọkọ mẹ ḅụ sọ-mu apụ ma tọrọkọ ḅụ.

Jerimaya 32:25

Anịsọ, Ḍụḅa Tẹịn-Ḅẹrẹtọn-Kụrọ-Nyana KỊNỊNYANAḄỌ, ị́yẹrị kọkọ tọn ị̀ pịrị à ḍụọ-ḍiḅi kiri fẹẹ, kịnị kiri mẹ ḅụ simearị ogbo, opu ama mẹ Babịlonịya ḅẹ apụ ma aḅara sọ ḅẹ-yearị sakị mẹ ḅụ.”

Romu 12:17

Gbọrụḅọ si kẹ ị́ mịẹ-mịẹ, si kẹ mḅọ mịẹ ọkị ma. Ḅụụkụrọma tẹ ḅẹḅọ-ḅẹḅọ kẹ iḅiye sịn-arị ye ḍiki tẹ mịẹ.

2 Kọrịntị 8:21

Wamịna ḅioḅẹngbọ simearị ye anie, KỊNỊNYANAḄỌ ḅe tọrọkọ karakara mịẹ, kịngẹ-a, pịkị tomḅọ tọrọkọ sọ.

Ditẹrọnọmị 25:8

Anịtẹso ọkụma ori opu ama ḅẹ omongiapụ ma ọ̀ sịn tẹ ẹkwẹn ọ̀ pịrị ḅa; tẹ ọ̀ paa ḍukoarị, ‘Àrị árị ọkị ḅẹ ḅii-a’ ḅẹḅẹ,

Filipayị 4:8

Kunoma ye, ị̀ amịnapụ, ọmịnị arị iḅi-aị ma tẹ tokini gbẹẹ aị ma kẹ ọmịna akuroma ḅụ sụa ḅinmaa: arị aị ma tẹ karakara na, iḅi-yemịẹ-ḅara na, kura na, fịafịa na, ḅụụ-ḅẹlẹma na, pịkị kụn na nyana wararị aị ma.

Rufu 2:20

Nahomi nwẹnị á tụḅọ ta ma ḅẹẹ, “Oriḅe tẹ iḅi-yemịẹ-ḅara nyana ḍumo wararị apụ na fịtẹ-apụ ma na pịrị ḅo ḅe, KỊNỊNYANAḄỌ ḅe ḅụụ ḅo boma sime ọ̀ pịrịị!” Nahomi nwẹnị pịkị á ḅẹẹ, “Owiḅọ ḅe anie wamịna gbọrụ mịnaḅọ, wamịnị na kpekitẹịn-mịnapụ ma ḅẹ gbọrụḅọ.”

Rufu 3:12

Anịsakị anị karakaraye mịnẹ yẹrị anie í kpekitẹịn-mịnaḅọ, anịsọ gbọrụ mịnaḅọ tẹ kpeki ị̀ nẹngị ḅọ emii.

Rufu 3:9

Ọ̀ nwẹnị gbela, “Ị́yẹrị tụḅọ?” Á nwẹnị pakịrị, “Yẹrị Rufu, ị́ fịrịmẹnjị-ẹrẹḅọtụḅọ ma, ị́ ḅụụ gbaịn ye mẹ finjima ị̀ gbaịn; kẹ gotẹ ọkọ ḅẹẹarị, ị́yẹrị anie wamịna furo ḅụ kpekitẹịn-mịnaḅọ.”