Rufu 3:9 - FỊAFỊA BAỊBỤLỤ

⁹ Ọ̀ nwẹnị gbela, “Ị́yẹrị tụḅọ?” Á nwẹnị pakịrị, “Yẹrị Rufu, ị́ fịrịmẹnjị-ẹrẹḅọtụḅọ ma, ị́ ḅụụ gbaịn ye mẹ finjima ị̀ gbaịn; kẹ gotẹ ọkọ ḅẹẹarị, ị́yẹrị anie wamịna furo ḅụ kpekitẹịn-mịnaḅọ.”

Rufu 3:9 Iomraidhean Croise

Izikẹlị 16:8

“À siin mẹnjị-ḅọrọarị ogbo, àrị ẹrịm mịnẹ ị́ na ḅẹlẹma ḅẹ sakị mẹ ḅo laa tẹẹ. À nwẹnị ì opu kapa kẹ ị́ paụtẹ oju gbaịn tẹ minini mịnẹ àrị ị́ ḅẹlẹma ḅa. Inn, àrị ị́ na sime ḅẹ ọḅọkụ kẹ ị́ na fịm, tẹ í ḅo ì nye sọm.” Mie Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹ ye.

Luku 14:11

Amịna ḅụụ saakị-gelema ḅọ, gelema ḅọ, mḅọ iderima ḅa; anị sakị amịna ḅụụ iderima ḅọ, iderima ḅọ mḅọ opu sọ ḅa.”

Rufu 2:20

Nahomi nwẹnị á tụḅọ ta ma ḅẹẹ, “Oriḅe tẹ iḅi-yemịẹ-ḅara nyana ḍumo wararị apụ na fịtẹ-apụ ma na pịrị ḅo ḅe, KỊNỊNYANAḄỌ ḅe ḅụụ ḅo boma sime ọ̀ pịrịị!” Nahomi nwẹnị pịkị á ḅẹẹ, “Owiḅọ ḅe anie wamịna gbọrụ mịnaḅọ, wamịnị na kpekitẹịn-mịnapụ ma ḅẹ gbọrụḅọ.”

Rufu 3:10

Bohazi nwẹnị ḅẹẹ, “Yee KỊNỊNYANAḄỌ ḅe í boma, ị̀ ẹrẹḅọtụḅọ ị́ mị kunoma iḅi-yemịẹ-ḅara mẹ mịẹtẹ anị ḍụḅa tarị ye mẹ nẹngị tẹ, anie ị́ asambịrịma owiapụ anị igoinḅọ-o, anịanịa igbigi nyanaḅọ-o ḍukamẹnjị-a ye mẹ.

Rufu 3:12

Anịsakị anị karakaraye mịnẹ yẹrị anie í kpekitẹịn-mịnaḅọ, anịsọ gbọrụ mịnaḅọ tẹ kpeki ị̀ nẹngị ḅọ emii.

Rufu 3:8

Ḍin-ogbo ḅụ tomḅọ ḅe nwẹnị ḅụụ-gbiripu tẹ saakị tẹ pịkị ikelekele, tẹ ḍiki ḅẹ saakị gbọrụ ẹrẹḅọ ọ̀ ḅụọ-suku ḅụ ḅọlọlọ sime wararị.

Rufu 4:4

Anieḅụ à kuromam arị anị gbolomaye ḍuko ị́ pịrị ḅa, tẹ ḅẹẹ ḅa, arị apụ ma tẹ mịanga lẹgị-sime wararị apụ ma na, ị̀ atomi ma ḅẹ omongiapụ ma na sime anga ḅụ anị fẹẹ, ị́ anị pakịrị ọkị ḅarị ḅẹḅẹ anị pakịrị ọkịị. Kụma ị́ anị pakịrị ọkị ḅịa ḅẹḅẹ, ḍuko ị̀ pịrịị, mịẹtẹ arị anị nimi ḅẹ ḅara, kẹ gotẹ ọkọ ḅẹẹarị, í sikima kụma anị pakịrị ḅẹ ḅọ ofori, anịsakị yẹrị ị́ palịm.” Tẹ ọ̀ nwẹnị ḅẹẹ, “Arị anị pakịrị ọkị ḅa.”

Rufu 4:6

Anịtẹso ḅụụ-palị-mịnaḅọ ḅe nwẹnị ḅẹẹ, “Ọkọ ḅẹḅẹ àrị inetẹ anị pakịrị ọkị ị̀ ḅụụ pịrị ḅịa, anieofori à ḅofa ì soku ḅụ à nyana ye ḅụụ-fụkama. Ị́yẹrị sime ị̀ pịrịtẹ à pakịrị ọkị ḅẹ ye mẹ ọkịị, kẹ gotẹ ọkọ ḅẹẹarị, àrị inetẹ anị pakịrị ọkị ḅịa.”

1 Samụẹlị 25:41

Abigẹlị nwẹnị saakị, tẹ á sịḅị-tuu mu á tọrụ kẹ kiri lama, tẹ ḅẹẹ, “ḍikii, ị́ fịrịmẹnjị-ẹrẹḅọtụḅọ ma anie ị̀ nyanaḅọ ḅe afịrịmẹnjịapụ ma aḅụọ-suku sịkịrị ḅẹ fịrịmẹnjịḅọ.”