Rufu 3:7 - FỊAFỊA BAỊBỤLỤ

⁷ Bohazi fị-na-ḅuu-na tẹ ò ḅioḅẹngbọ ḅụ ḅioḅẹlẹ tẹso, ọ̀ nwẹnị mu ini mgbọlị mẹ sara kpolima wararị kunoma mẹ ḅụ ḅọlọlọ ḅẹ mu. Anịtẹso á nwẹnị kẹmẹ-kẹmẹma mu, tẹ ọ̀ kẹ ḅụụ gbaịn ye mẹ da-saakị tẹ ọ̀ ḅụọ-suku ḅọlọlọ sime.

Rufu 3:7 Iomraidhean Croise

Suku-saakị 43:34

Josẹfụ dẹbịlẹ ọgọnọ mie ịn fịye ọkị-ọkị mu ịn pịrị ye, kụma Benijamịnị ḍiekiri sọnọa sakị kẹ ḍụḅa osi-apụ nye nẹngịm. Mie ḅụ ịn fị na, ḅuu na tẹ ori na tọrụ-ḅẹlẹm.

2 Samụẹlị 13:28

Anịtẹso Abusalọmụ nwẹnị tọn ori afịrịmẹnjịapụ pịrị “ọmịnị Amịnọnị iru ḅuu tọrụ-ḅaama ḅẹ sakị kẹ elekima sụa, anịsakị arị ọ́ ḅẹẹm, ‘Ọmịnị Amịnọnị fomuu,’ ḅẹḅẹ, anịrẹ ọmịnị ọ̀ ḅaa. Ọ́ ḅalafa ma; yẹrị mie tọn ọ́ pịrị yee, ọkọ-a? Ó ḅiokpọọ, tẹ ḅụụ tukutuku ma,”

1 Amadapụ 21:7

Ọ̀ ta Jezibẹlị nwẹnị ọ̀ ḅẹẹ, “Mịọkụ ị́yẹrị kọkọ Izirẹlị ḅẹ amadaḅọ? Saakị tẹ yefịị, ḅio kpọọ; Nebọtị Jẹzirili ḅẹ ḅọ ḅe girepu-ḍụọ mẹ à kẹ ị́ pịrị ḅa.”

Ẹsịta 1:10

Sọnọma ḍin karama ene ḅụ, amadaḅọ ḅe iru ḅuutẹ ḅioḅẹlẹarị ogbo, ọ̀ nwẹnị tọn Mẹhumanị na, Bizita na, Abona na, Bigita na Abagita na, Zẹta na Kakasị na, sọnọma opu atomi ma tẹ amadaḅọ warị kẹ ọrụtọn fịrịmẹnjị Amadaḅọ Ayasụrọsị pịrị apụ ma pịrị,

Devidi-Anume 104:15

tẹ iru mịẹ pakama-ḅo tẹ anị ịna aḅioḅẹlẹmarị, olivu sịnmgbọlị kẹ mịẹ olo pịkị ịna atọrụ-ḅẹlẹmarị, tẹ fịturu pịkị ịnyọ kẹ ịn pịrịarị.

Nimi Tolumaḅọ 10:19

Alalị sime ḅioḅẹlẹ ḍẹrị-ḅịḅị pịrịm; tẹ iru ḍumo ḅụ ḅioḅẹlẹmam; anịsakị igbigi ye goyegoye ḅịḅị pakịrịm.

Nimi Tolumaḅọ 2:24

Tomi fị-na-ḅuu-na tẹ pịkị ịn lịlị ye ḅụ tọrụ-ḅẹlẹ nyana mẹ, anị nẹngị ye ofori. Miemẹ sọ arị ẹrịm, Tamụnọ ḅara ḅom;

Nimi Tolumaḅọ 8:15

Mie ḅụ à ḍuko ọ́ pịrị tẹ ọ́ tọrụ-ḅẹlẹ gbala tomḅọ tomikiri mẹ ḅụ gbọrụ iḅiye sọ nyana-a, kụma fị-na-ḅuu-na, tẹ mḅọ ḅụụ tii sikima tẹ, kẹ gotẹ ọkọ ḅẹẹarị, miemẹ anie tomikiri mẹ ḅụ Tamụnọ kẹ mḅọ pịrị ḍumo-ene ma ḅụ mḅọ kọn lịlị ḅụ mḅọ kẹ so ḅarịye.

Nimi Tolumaḅọ 9:7

Ị́ inetẹ sakị ḅụ ḍumo tọrụ-ḅẹlẹ nyana-a; Muu, tọrụ-ḅẹlẹ kẹ í fịye fịị, tẹ ḅẹlẹ ḅioḅẹngbọ ḅụ alalị fị ḅara kẹ ị́ iru ḅuu, gbala ị́ mịẹarị ye mẹ ḅụ Tamụnọ ḅịḅị sọm ẹrẹsị.

1 Kọrịntị 10:31

Iḅim, kụma ị́ mịẹarị ye, mịẹarị ye sọ, ị́ fị-aro, í ḅuu-aro anịmgba kẹ ebube kẹ Tamụnọ pịrị ḅẹ ḅara mịẹ.

Ẹfisọsị 5:18

Ọmịnị iru ḅụụ tọrụ-ḅaama ma, ó guluguluma ngẹrị mie anị mịẹ ḅarịye; anie nakara, yee Tẹmẹ ḅe ọmịna ḅụụ ḅio sọ ḅin.

Ḅẹrẹkọn-apụ 16:25

Ịna aḅioḅẹngbọ ọkọ kẹ ḅẹlẹarị ogbo, ịn nwẹnị ḅẹẹ, “Ọ́ Samụsịnị sịn, mịẹtẹ ò tii kọn wa pịrị ḅẹ ḅara.” Anieḅụ ịn nwẹnị ikoli mẹ ḅio Samụsịnị sịn pakama-ḅo, tẹ ò tii kọnm ịna tọrọkọ ḅụ. Ini ọ̀ mịẹtẹ ọ̀ maa ḅeriaị ma ogboku sịẹsimem.

Ḅẹrẹkọn-apụ 19:22

Ini ọkọ kẹ tọrụ-ḅẹlẹarị ogbo, opu ama mẹ ḅẹ ngoro-ngoro owiapụ nwẹnị ḅo warị mẹ gbori ikelema-koro tẹ ḅọkọ mẹ ḅakụ ḅakụtẹ warị nyanaḅọ ḅe ḅẹẹ, “Ḅo ị́ warị sọ owiḅọ ḅe pakama-ḅoo, mịẹtẹ wa ori na gboloma ḅẹ ḅara.”

Ḅẹrẹkọn-apụ 19:6

Anieḅụ maa owiapụ ma nwẹnị lẹgị-sime tẹ fị pịkị ḅuu gboloma; tẹ ẹrẹḅọtụḅọ ma ḍa nwẹnị owiḅọ ḅe ḅẹẹ, “Sisi ḍin mẹ kẹ mịanga sime tẹ tọrụ-ḅẹlẹ nyanaa.”

Ḅẹrẹkọn-apụ 19:9

Owiḅọ ḅe na, ori ịgwa-ẹrẹḅọ na, ọ̀ fịrịmẹnjịḅọ na saakị tẹ so ḅẹ tẹso, ò fụanḅọ, ẹrẹḅọtụḅọ ma ḍa, nwẹnị ọ̀ ḅẹẹ, “Ḍikii, mịọkụ ene mẹ ḅo ḅoḅiri-so la tẹ; arị ị́ tẹkẹm, ḍin mẹmgba kẹ simee. Ḍikii, ene mẹ gbaịn tẹ; mịanga sime tẹ í ḅioḅẹngbọ ḅụ ị́ tọrụ-ḅẹlẹ nyana; anịsakị ḅaa, ị́ nwẹnị dede-ḅio, dede-ḅio kẹ saakị ị́ mẹnjị kọn tẹ so ị́ ama mu.”

Rufu 3:6

Anieḅụ á nwẹnị ideri mgbọlụ-sẹlẹ-kiri mẹ mu tẹ gbọrsịḅị á di iyingi ḍuko á pịrị ḅara mẹ mịẹ.

Rufu 3:8

Ḍin-ogbo ḅụ tomḅọ ḅe nwẹnị ḅụụ-gbiripu tẹ saakị tẹ pịkị ikelekele, tẹ ḍiki ḅẹ saakị gbọrụ ẹrẹḅọ ọ̀ ḅụọ-suku ḅụ ḅọlọlọ sime wararị.