Rufu 3:3 - FỊAFỊA BAỊBỤLỤ

³ Anịẹrẹsị minji ḅiri tẹ olo ọmbịị, tẹ ị́ iḅitẹịn akapa ọkị sụaa, tẹ ideri mgbọlụ-sẹlẹ-kiri mẹ muu; kụma ḍụkụtẹ ò nimi ma í ḅo wararị nwenii ọ̀ fị-na-ḅuu-na fama tẹrẹmẹ.

Rufu 3:3 Iomraidhean Croise

2 Samụẹlị 12:20

Anịtẹso Devidi nwẹnị kiri mẹ ḅio saakị tẹ minji ḅiri, tẹ olo kẹ amịna oju ọmbị; tẹ ori akapa ḍima, tẹ nwẹnị mẹnjị KỊNỊNYANAḄỌ ḅe warị ḅio sọ-mu, tẹ sunsin; anịtẹrẹmẹ ò so ò soku-ḅẹ warị mum; ò fịye ḅii tẹso, in fịye kẹ ḅo ọ̀ tọrọkọ gbanam, tẹ ọ̀ nwẹnị fị.

2 Samụẹlị 14:2

Johabụ nwẹnị kịnị kẹ Tẹkowa fịrịma, tẹ anịjụ ye-nimi gbọrụ ẹrẹḅọ ọkị-ḅo, tẹ nwẹnị á ḅẹẹ, “Ḍụẹịn ḍuu elekimaa, tẹ ḍụẹịn ḍuu apụ akapa sụa, olo kẹ í oju ọmbị ma, kụma ẹrẹḅọ tẹ tọnwa aḍin kẹ anịngẹ-kụraḅio ḍụẹịn ḍuuarị ḅọ ye mịẹ ḅara kẹ ye mịẹ,

Ẹsịta 5:1

Tẹrẹị karama ene mẹ ḅụ Ẹsịta nwẹnị arị ama-da ḅiriaị ḅiri tẹ amadaḅọ ḅe ama-da opu warị mẹ ḅẹ kala-ḅio mẹ ḅẹ sara-sime anga mẹ ḅụ amadaḅọ, ḅe opu sara-sime anga mẹ na dama-dama tẹ sịẹsime. Amadaḅọ ḅe ama-da opu warị mẹ ḅio mẹnjị ama-da opu warị mẹ soarị anga mẹ na dama-dama ḅụ ori ama-da emine ọgọnọ lẹgị-sime wararị.

Devidi-Anume 104:15

tẹ iru mịẹ pakama-ḅo tẹ anị ịna aḅioḅẹlẹmarị, olivu sịnmgbọlị kẹ mịẹ olo pịkị ịna atọrụ-ḅẹlẹmarị, tẹ fịturu pịkị ịnyọ kẹ ịn pịrịarị.

Nimi Tolumaḅọ 9:8

Yee í opu akapa ma sakị mamgba abịlala ḅịya ḅara ḅịya; anịsakị ḍụkụ tẹ sịḅị ọmbị kụnụ-olo ị́ sịḅị ḅụ kụrọma.

Izikẹlị 16:9

“Anịtẹso à minji ọkị tẹ kẹ ị́ ḅụụ ọmbie mẹ sịkịrị-siinm. Àrị olivu olo kẹ í oju kiri ọmbịm.

Matiyo 6:17

Ị́yẹrị, í ḅuru-ịmọarị sakị, ị́ tọrụ sịkịrị fịafịama, olo ọmbịị, tẹ ị́ sịḅị-dala pompomaa,

Rufu 3:2

Mịọkụ Bohazi ḅe tẹ ị́ ọ̀ fịrịmẹnjị-ereme ḅụụ sọ tẹ namakọrị ḅọ ḅe anie wamịnị na kpeki-tẹịn mịnaḅọ. Ḍikii, mị ḍiin ori ịn kẹ Bali sịn fịye mẹ pịnị-pịnị sara ḅa mgbọlụ-sẹlẹ-kiri mẹ ḅụ.

Rufu 3:4

Kụma ọ̀ ḅọlọlọ ḅẹ sakị, mu ò ḅọlọlọ ḅarị anga mẹ kẹ lekiri, anịtẹso ọkụma, mu ọ̀ kẹ ḅụụ gbaịn ye mẹ da-saakị tẹ ọ̀ ḅụọ-suku ḅọlọlọ simee; anịsakị ori ị́ mịẹ ḅẹ ye ḍuko ị́ pịrị ḅa.”