Rufu 3:12 - FỊAFỊA BAỊBỤLỤ

¹² Anịsakị anị karakaraye mịnẹ yẹrị anie í kpekitẹịn-mịnaḅọ, anịsọ gbọrụ mịnaḅọ tẹ kpeki ị̀ nẹngị ḅọ emii.

Rufu 3:12 Iomraidhean Croise

Rufu 4:1

Anịtẹso Bohazi nwẹnị ogigo-ḅọkọ mẹ mum, tẹ anịjụ lẹgị-sime. Ḅụụ-palị mịnaḅọ ḅe tẹ Bohazi ḍuko sime ḅọ ḅe nwẹnị anịjụ ḅo, tẹ anieḅụ Bohazi nwẹnị ḅẹẹ, “Ị̀ ikiaḅọ, tọrụ pịkị akaka daa, tẹ mịanga lẹgị-simee.” Tẹ ọ̀ nwẹnị tọrụ pịkị akaka da tẹ lẹgị-sime.

1 Tẹsalonịka 4:6

Ọkọẹrẹsị, miemẹ ḅụ gbọrụḅọ-sọ mḅọ pembema Kịrayịsị ḍukamẹnjịḅọ iri tẹ tọrụ pakama mḅọ pịrị ma. Jen sakị miemẹ wa ḍuko ọ́ pịrị tẹ, tẹ mịọkụ wa pịkị kụrọma ọmịna aḅeri nụnụarị, mịnẹ ọkọ sime ye mịẹ arị apụ ma KỊNỊNYANAḄỌ ḅe fomu-ḅara kẹ ịn pịrị ḅa.

Matiyo 7:12

“Ó ḅiiarị mịnẹ ja apụ mịẹ ọ́ pịrị nwẹn ḅẹẹ ḅara, ọmịnị sọ ọkọ mịẹ ịn pịrịị. Miemẹ anie Mozizi Oloko mẹ fiearị ye mẹ, pịkị ịkịankoro apụ ma toluma aị ma.

Rufu 3:11

Anịsakị mịọkụ ḅarị ḅalafa ma, ị̀ ẹrẹḅọtụḅọ, àrị í ḅii-ye ḅii-ye mamgba mịẹ ị́ pịrị fama ḅa, kẹ gotẹ ọkọ ḅẹẹarị, ị̀ ama ḅẹ owiapụ mamgba nimi wararị mịnẹ ị́yẹrị anie ye mịẹ pịrị na-iḅi ẹrẹḅọ.

Rufu 3:13

Mị ḍin mẹ kẹ sime ene ḅaa, tẹ dede-ḅio ọ̀ nwẹnị ḅụụ-palị-mịnaḅọ ye mẹ mịẹ ị́ pịrị-pịrị, iḅim, yee ori anị mịẹ; kụma ọ̀ nwẹnị ḅụụ-palị-mịnaḅọ kiri mẹ mịẹ ị́ pịrị ḅẹ-ḅii-a ḅẹḅẹ, à ḍumo sime wararị KỊNỊNYANAḄỌ ḅe ẹrẹ kẹ karịm, à ḅụụ-palị-mịnaḅọ kiri mẹ mịẹ ị́ pịrị ḅa. Ḅọlọlọ sime nwenii anị ḅo dede-ḅio mẹ la.”

Rufu 2:20

Nahomi nwẹnị á tụḅọ ta ma ḅẹẹ, “Oriḅe tẹ iḅi-yemịẹ-ḅara nyana ḍumo wararị apụ na fịtẹ-apụ ma na pịrị ḅo ḅe, KỊNỊNYANAḄỌ ḅe ḅụụ ḅo boma sime ọ̀ pịrịị!” Nahomi nwẹnị pịkị á ḅẹẹ, “Owiḅọ ḅe anie wamịna gbọrụ mịnaḅọ, wamịnị na kpekitẹịn-mịnapụ ma ḅẹ gbọrụḅọ.”

Rufu 4:4

Anieḅụ à kuromam arị anị gbolomaye ḍuko ị́ pịrị ḅa, tẹ ḅẹẹ ḅa, arị apụ ma tẹ mịanga lẹgị-sime wararị apụ ma na, ị̀ atomi ma ḅẹ omongiapụ ma na sime anga ḅụ anị fẹẹ, ị́ anị pakịrị ọkị ḅarị ḅẹḅẹ anị pakịrị ọkịị. Kụma ị́ anị pakịrị ọkị ḅịa ḅẹḅẹ, ḍuko ị̀ pịrịị, mịẹtẹ arị anị nimi ḅẹ ḅara, kẹ gotẹ ọkọ ḅẹẹarị, í sikima kụma anị pakịrị ḅẹ ḅọ ofori, anịsakị yẹrị ị́ palịm.” Tẹ ọ̀ nwẹnị ḅẹẹ, “Arị anị pakịrị ọkị ḅa.”