Rufu 3:1 - FỊAFỊA BAỊBỤLỤ

¹ Jen eneḅaka, Nahomi nwẹnị Rufu ḅẹẹ, “Ị̀ ẹrẹḅọtụḅọ, à diḅọ ḍọkị ị́ pịrị na-iḅi tẹẹ, tẹ iḅi ḅara kẹ í ḍikiḍiki ḅarị ḅọ.

Rufu 3:1 Iomraidhean Croise

Suku-saakị 40:14

Kụma ye ḅo ị́ na iḅi sakị ị̀ kẹ ḅiokoroma, tẹ iḅi-anga mẹ kẹ ị̀ na kọọn; arị ị́ tẹkẹm, ị́ ẹrẹ go Fero pịrịị, tẹ mị-ḅara ḅụ mị warị mẹ ḅio ori ị̀ pakama-ḅo ḅarị ḅara.

Devidi-Anume 128:2

Ị́ kọrịnama ḅụ paka-ḅo ye mie ị́ kẹ ị́ ḅụụ-fụka mịẹ ḅarịye; tẹ í ḅioḅẹlẹ ḅa, pịkị lọkọlọkọ ḅa.

1 Kọrịntị 7:36

Owiḅọ ẹrẹḅọ ọlọ tẹ sime ḅẹ tẹ ḅiya tẹ amụ sime-a ogbo ò ḅo árị na gboloma ḅẹ kuroma nyanarị ḅẹḅẹ, ọ̀ sakị fama ma tẹ arị na sime pakamaa, tẹ ò ḅiotọn-arị ḅara mẹ mịẹ. Miemẹ ḅụ siye ofori.

Ditẹrọnọmị 4:40

Anịẹrẹsị ọmịnị ori oloko kẹẹ wararị aị ma na, tọn koroma oloko ma tẹ mịmgba à tọn ọ́ pịrị aị ma na koko ḅa, mịẹtẹ anị ọmịnị na, ọ́ ḅọrọ tẹso, ọmịna awọmẹ na iḅi ḅẹ ḅara, mịẹtẹ ọmịnị ọmịna aḍin ma mịẹ nangwọma ḅe ḅara ama mẹ tẹ KỊNỊNYANAḄỌ ọmịna Tamụnọ ḅe kẹ ọ́ pịrị gbamaso ama mẹ ḅụ.

1 Timoti 5:14

Anie ḅụ ị̀ ḅụụ-ḅẹlẹ tẹịn ye anie, iriawọ tẹ diapụ-fịtẹ-ereme ma owiapụ simee, tẹ awọ iyi tẹ ịna awarị nyana tẹ ḍikiḍiki, mie ḅụ ịn ḅarị kiri kẹ si kẹ wa tọn-arị apụ ma pịrị tẹ ịn wamịna ḅụụ siye ḍuko ḅịa.

1 Timoti 5:8

Kụma ḅẹḅọ-ḅẹḅọ tẹ mḅọ amịnapụ ḍikiḍiki-a ḅọ, jen-a jen-a mḅọ warị ḅẹ apụ, anị ḅọ mẹ mḅọ mininiye mẹ pịkị tẹ, mḅọ pịkị sii amụ Kịrayịsị minini-a ḅọ nẹngị tẹẹ.

Rufu 1:9

KỊNỊNYANAḄỌ ḅe minini ọ́ pịrịị, mịẹtẹ ọmịna aḅụụ gbọrụḅọ-gbọrụḅọ pịkị siin iḅi owiḅọ sime, tẹ ḅụụ-dein nyana.” Anịtẹso á nwẹnị ḅaaḅaa! kẹ ịn ḅẹẹ ḅara ḅụ ekpe kẹ gbọrụḅọ gbọrụḅọ lama, tẹ ịn nwẹnị ịna apọkọ saakị tẹ tẹmẹ-la owu kọn.

Rufu 2:23

Anieḅụ á Bohazi afịrịmẹnjị-ereme ma na kpeki-kpeki sime tẹ ḅara-kọnma-aị ma kolokolo nwenii ịn kẹ bali na witi na sịn afịaị ma soku mẹ kunomam, tẹ árị á di iyingi ma ḅụụ sọ tẹ árị na simem.

Rufu 3:2

Mịọkụ Bohazi ḅe tẹ ị́ ọ̀ fịrịmẹnjị-ereme ḅụụ sọ tẹ namakọrị ḅọ ḅe anie wamịnị na kpeki-tẹịn mịnaḅọ. Ḍikii, mị ḍiin ori ịn kẹ Bali sịn fịye mẹ pịnị-pịnị sara ḅa mgbọlụ-sẹlẹ-kiri mẹ ḅụ.