Rufu 2:7 - FỊAFỊA BAỊBỤLỤ

⁷ Á ḅọ tẹ ì tẹkẹm à paa á wẹrịso tẹ á fịye-sokuapụ ma ḍukamẹnjị-mẹnjịtẹ puku-puku ma ogboku ḅara-kọnma-aị ma kolokolo tẹ arị kobiri. Anieḅụ dede-funfun kụra-ḅio á namakọrịarị; mịọkụ anie á kẹlẹ kẹ ịnyọsararị.”

Rufu 2:7 Iomraidhean Croise

Egberima-Ẹkwẹn 13:4

Kọrịnama ḅụụ-lọkọ ḍumo kọn-arị ḅọ nyana ḅẹ ḍọkị ye ḍọkị ye sọ, gbala-gbala mḅọ anị nyana ḅịa. Kụrọma kọrịnama-kọrịarịḅọ mẹ mḅọ nyana ḅii-ye ḅii-ye nyana ḅa.

Egberima-Ẹkwẹn 15:33

Kụn kẹ KỊNỊNYANAḄỌ ḅe pịrị mẹ kịngẹ sọ ye-ḍawọye. Ị́ ḅụụ-lẹgịma-a ogbo, í inetẹ kụn nyana akiri nyana ḅịa.

Egberima-Ẹkwẹn 18:23

Igoinḅọ ẹkwẹn ḅẹ-yearị sakị, ori anị yọ sime apụ kẹ ye sịn ḅara kẹ tẹkẹarị, kụma ngọ-kọnḅọ ḅe pakịrịarị sakị kịnị bala-a ḅara mie ọ̀ kẹ ẹkwẹn-arị.

Egberima-Ẹkwẹn 22:29

Iḅi ḅara kẹ kọrịnama kọrịarị gbọrụ tomḅọ kẹ ì ḍie, tẹ arị iḅi tọnwa-apụ nẹngị tẹ amadapụ ogboku sime gbẹẹ ḅọ kẹ í ḍie ḅa.

Nimi Tolumaḅọ 9:10

Ị́ ḅara laa tẹ ị́ inetẹ mịẹ ḅẹ ye goyegoye ị́ ịnyọ mẹmgba kẹ anị mịẹ; kẹ gotẹ ọkọ ḅẹẹarị, í muarị ḍuḅu mẹ ḅio kọrị-kọrị kọrịnama, anịanịa kuroma nyana, anịanịa ye ḍawọ ḍịn tẹ anị nimi, anịanịa nimi sọ ofori.

Matiyo 5:3

“Ḅioḅẹlẹ sime ịn tẹmẹ ḅụ igoin wararị ḅara nimi apụ ma pịrịm; ini ma ịn Tamụnọ Ama-da suku-ḅio sọ tẹẹ!”

Romu 12:11

Ọmịnị ịnyọ kpọma tẹ kọrịnama kọrịị, tẹ ḅarị kọrịnama ḅụ ḅụụ-lọkọma. Ọ́ ḅụụ saakị KỊNỊNYANAḄỌ ḅe pịrị ḅara kẹ tẹmẹ-la ḅara kẹ fịrịmẹnjị ọ̀ pịrịị.

Galesiya 6:9

Mie ḅụ, ó yee wa ịnyọ pọkọ-ta-a ḅara kẹ iḅi mịẹ; kẹ gotẹ ọkọ ḍukoarị, wa ḅara-siin-a kụma, sakị ḅo tẹ wa anị ḅẹ ye soku ḅa.

Ẹfisọsị 5:21

Ọ́ Kịrayịsị mangịmarị gotẹ, ọ́ ḅụụ-iderima jụmọ-jụmọ pịrịị.

Rufu 2:2

Gbọrụ ene ḅụ, Rufu, Mohabụ ḅẹ ẹrẹḅọ ma nwẹnị Nahomi ḅẹẹ, “Sisi ḍụkụ ị̀ pịrị tẹ à ḍụọ mu, tẹ oriḅe tẹ à tọrụ ḅụ ḍiki-ḅụụjịrị ḍọkị-ẹrị ḅarị ḅọ ḍukamẹnjị tẹ sịn mgbọlị ma ogboku ḅara-kọnma-aị ma kolokolo.” Nahomi nwẹnị á ḅẹẹ, “Ị̀ ẹrẹḅọtụḅọ, inetẹ mu ḅa.”

Rufu 2:21

Rufu, Mohabụ ḅẹ ẹrẹḅọ ma nwẹnị ḅẹẹ, “Anie sikima, ori ị̀ ḅẹẹm, ‘Ị́ ị̀ afịrịmẹnjịapụ kpeki kpekitẹ ini akaka sime ḅa, nwenii ì fịye soku mẹ kụnụnụ ḅa.’ ”

Rufu 2:6

Fịrịmẹnjịḅọ ḅe tẹ fịye-sokuapụ ma ḍikiḍikiarị ḅọ ḅe nwẹnị pakịrị, “Árị anie Mohabụ ḅẹ ẹrẹḅọtụḅọ ma tẹ Nahomi ḅụụ sọ tẹ Mohabụ ḅẹ sịẹ mẹ ḅụ ọḅụ pịkị tẹ ḅo ḅọ ma.

Rufu 2:8

Anịtẹso Bohazi nwẹnị Rufu ḅẹẹ, “Ị̀ ẹrẹḅọtụḅọ, mịọkụ pokii, mu jen ḍụọ ḅio ḅara-kọnma-aị kolokolo ma, anịanịa mị ḍụọ mẹ wẹrịso, kụma namakọrị ị̀ pịrịarị eremịna-awọmẹ ma na simee.