Rufu 2:4 - FỊAFỊA BAỊBỤLỤ

⁴ Anị gbọrụ-kirikiri, Bohazi nwẹnị Bẹtịlịhẹmụ ḅụ sime tẹ ḅo la; tẹ sịn-ḅịḅị kẹ fịye-sokuapụ ma pịrị tẹ ḅẹẹ, “KỊNỊNYANAḄỌ ḅe ọmịnị na simee!” Ini nwẹnị pakịrị, “KỊNỊNYANAḄỌ ḅe í bomaa.”

Rufu 2:4 Iomraidhean Croise

Suku-saakị 18:19

Àrị ọ̀ sẹlẹ-ọkị tẹẹ, mịẹtẹ ọ̀ tọn ori awọmẹ na ọ̀ warị-suku na pịrị ịn ò ḍikimatẹ karakara na kura ḅẹrẹkọn na ḅụ ì etela mẹ mẹnjị ḅẹ ḅara. Ịn ọkọ mịẹm ḅẹḅẹ, à kẹ Ebira-amụ karịma aị mamgba à mịẹ ọ̀ pịrị ḅa.”

Suku-saakị 28:3

Kụrọmamgba Nyana Tamụnọ ḅe í boma tẹ mịẹtẹ ị́ awọ iyi, tẹ ị́ mịẹtẹ ị́ kama, mịẹtẹ í ḅo tọnwa ḅẹ atomi-kụlọkụlọ ogbo sọ ḅẹ ḅara.

1 Paka-aị 2:51

Salima Bẹtịlịhẹmụ ḍa ḅe na, Arẹfụ Bẹtị-gada ḍa ḅe na.

Devidi-Anume 118:26

Yee Tamụnọ, KỊNỊNYANAḄỌ ḅe ẹrẹ ḅụ ḅoarị ḅọ ḅe boma! KỊNỊNYANAḄỌ ḅe Warị mẹ ḅio wa sime tẹ í bomarị.

Devidi-Anume 134:3

Yee KỊNỊNYANAḄỌ, So na Kiri na tẹmẹḅọ ḅe Zayọnị ḅụ sime tẹ ó boma!

Jerimaya 31:23

Kụrọmamgba nyana KỊNỊNYANAḄỌ, Izirẹlịapụ tẹkẹarị Tamụnọ ḅe ḅẹẹm: À tomi ma kẹ pịkị ịna amakiri ḅo sakị, ịn pịkị siin ḅẹẹ ḅa Juda ḅẹ amakiri mẹ na ama ma ḅio na ḅụ, Yee KỊNỊNYANAḄỌ ḅe Jeruselemu ḅẹ tụndụ mẹ boma, ori angarị fịafịa yọ mẹ.

Kịẹn-aḅịḅị 6:24

“KỊNỊNYANAḄỌ ḅe ó bomaa, pịkị ó kokoo;

Luku 1:28

Enjẹlị ḅe nwẹnị ḅo tẹ á ḅẹẹ, “Dein sime ị́ pịrịị! KỊNỊNYANAḄỌ ḅe ị́ na emi, tẹ pịkị í boma lama tẹ!”

2 Tẹsalonịka 3:16

Yee KỊNỊNYANAḄỌ ḅe ḅioju, tẹ ọ̀ ḅụụ ḅụ wamịna dein paka-ḅoarị ḅọ ḅe, sakị mamgba ḅọkọ-ḅọkọ ḅụ dein kẹ ọ́ pịrị. KỊNỊNYANAḄỌ ḅe ọmịnị-mgba na simee.

1 Timoti 6:2

Kịrayịsị ḍukamẹnjịarị omoni ma ini ịn nyana apụ ma ḍiki-sima ma, ini ịna amịnapụ gotẹ. Anie nakara ini iḅiọkụ fịrịmẹnjị ịn pịrị tarị ḅara nẹngị, ịna kọrịnama mẹ ḅẹ iḅi fịarị apụ ma anie in pembema minini apụ tẹ ịn ḅẹlẹmarịapụ ẹrẹsị. Mịna ịn mịẹ ḅẹ aị ma toluma tẹ pịkị ḍuko kụrọmaa.

2 Timoti 4:22

KỊNỊNYANAḄỌ ḅe na ọmịna tẹmẹ na simee. Tamụnọ ḍiki-ḅụụjịrị ọmịnị-mgba na simee.

Jọsụwa 24:15

Anịsakị ọmịnị ma nwẹnị fịrịmẹnjị KỊNỊNYANAḄỌ ḅe pịrị ḅẹ ḅịa ḅẹḅẹ, mịmgba ọmịnị ọ́ fịrịmẹnjị pịrị ḅẹ ḅọ sẹlẹẹ, ọmịnị ọmịna aḍapụ ma Tọrụ mẹ saḅa ye-yọ ḅụ fịrịmẹnjị pịrị oru-afụḅara ma; anịanịa ọmịnị angarị Amọrayịtị apụ ma ama mẹ ḅẹ oru-afụḅara ma ḅoto; kụma yẹrị na ị̀ warị ḅẹ apụ na, KỊNỊNYANAḄỌ ḅe mie wa fịrịmẹnjị pịrị ḅarịye.”

Ḅẹrẹkọn-apụ 6:12

KỊNỊNYANAḄỌ ḅe enjẹlị ḅe nwẹnị ḅụụ pakama ò ḍie tẹ ọ̀ ḅẹẹ, “KỊNỊNYANAḄỌ ḅe í ịna emii, ị́yẹrị ḅiokpọtẹ ọmụgbin ḅara-ḅaatẹ opu tomḅọ.”

Ḅẹrẹkọn-apụ 6:16

KỊNỊNYANAḄỌ ḅe nwẹnị ọ̀ ḅẹẹ, “Àrị ị́nịna sime ḅa, anịsakị gbọrụ tomḅọ ḅaa ḅara ị́ nwẹn kẹ Midiyanị ḅẹ apụ ma ḅaa ḅa.”

Rufu 2:3

Anieḅụ á nwẹnị saakị paka ḍụọ mu, tẹ fịye-sokuapụ ma ḍukamẹnjị-mẹnjịtẹ ḅara-kọnma-aị ma kolokolo ḍụọ mẹ ḅio; tẹ So tọn ḅara ḅụ, á nwẹnị ḅo sime Bohazi, Ẹlịmẹlẹkị furo-ḅẹ-ḅọ ḅe ḍụọ mẹ la.

Rufu 2:5

Anịtẹso Bohazi nwẹnị ọ́ fịrịmẹnjịḅọ ḅe tẹ fịye-sokuapụ ma ḍikiḍikiarịḅọ ḅe gbela, “Mie tụḅọ ẹrẹḅọtụḅọ?”

Rufu 4:11

Anịtẹso tomi mamgba tẹ ogigo-ḅọkọ mẹ ḅụ sime apụ ma na, omongiapụ ma na nwẹnị ḅẹẹ, “Wamịnị anie ogbo-sịẹ apụ. Yee KỊNỊNYANAḄỌ ḅe ẹrẹḅọ ma tẹ ị́ warị mẹ ḅio sọ-ḅoarị ḅọ ma mịẹ tẹ á Resẹlị na, Liya na tẹ gbolomatẹ Izirẹlị warị mẹ nama pakama-ḅo apụ ma sime-ḅara sime. Yee ị́ Ẹfịrata ḅụ lolo-kama, tẹ Bẹtịlịhẹmụ ḅụ kụn nyana.

1 Samụẹlị 17:37

Devidi nwẹnị pịkị ḅẹẹ, “KỊNỊNYANAḄỌ ḅe tẹ ọkụkụ ḅe ọgụba mẹ na, tuu ḅe na ọgụba mẹ ḅụ ị̀ ḍụa-ḅọrọma ḅọ ḅe pịkị ḅị Filisiteniḅọ ḅe ḅara ḅụ ị̀ ḍụa-ḅọrọma ḅa.” Tẹ Sọlụ nwẹnị Devidi ḅẹẹ, “Muu, anịsakị KỊNỊNYANAḄỌ ḅe ị́ na simee!”