Rufu 2:2 - FỊAFỊA BAỊBỤLỤ

² Gbọrụ ene ḅụ, Rufu, Mohabụ ḅẹ ẹrẹḅọ ma nwẹnị Nahomi ḅẹẹ, “Sisi ḍụkụ ị̀ pịrị tẹ à ḍụọ mu, tẹ oriḅe tẹ à tọrụ ḅụ ḍiki-ḅụụjịrị ḍọkị-ẹrị ḅarị ḅọ ḍukamẹnjị tẹ sịn mgbọlị ma ogboku ḅara-kọnma-aị ma kolokolo.” Nahomi nwẹnị á ḅẹẹ, “Ị̀ ẹrẹḅọtụḅọ, inetẹ mu ḅa.”

Rufu 2:2 Iomraidhean Croise

Suku-saakị 32:6

Oku-mẹnjịapụ ma nwẹnị pịkịma-ḅo Jekọbụ la, tẹ ḅẹẹm, “Wa mu í iyimbere Ịsọ lam, tẹ ori sọ owiapụ ẹndẹ (400) kẹ ọ̀ ḅụụ sụa tẹ ị́ na bịama ḅẹ ḅoarị.”

Lẹvitikọsị 19:10

Ọmịnị ọmịna girepu nwẹn-sịn sịnmgbọlụ ḅẹ ḍụọ soku sakị, ọmịnị arịmgba kaịn fama ma. Siin-koro asịnmgbọlụ ma sọ ó kolokolo ọkị ma ọmịna ḍụọ ḅio. Ọmịnị arị wẹrịso igoin-apụ ma na, igoniapụ ma na pịrịị. Yẹrị anie KỊNỊNYANAḄỌ ọmịna Tamụnọ ḅee.”

Lẹvitikọsị 19:16

Ị́ atomi ogbo-ḅio ḅụ mẹnjị-mẹnjị iwo na, ideri na tẹ iruo aị kẹ kịnị ḍuko-sima ma ḅọrọma ị́ na kpeki tẹ angarị ḅọ ḍumo gbolomaye ḅụ siye anga sịẹma. Yẹrị anie KỊNỊNYANAḄỌ ḅee.”

Lẹvitikọsị 19:9

“Ọmịnị ọmịna kiri mẹ ḅẹ fịye soku-ḅẹ sakị, ó soku mu gbọrsịḅị ọmịna ḍụọ agara ma la, anịanịa pịkị mu ḅara kọnma aị kolokolo ma, ó fịye mẹ soku ḅọrọma tẹso.

Lẹvitikọsị 23:22

“Ọmịnị ọmịna kiri mẹ ḅẹ fịye mẹ soku sakị, ó soku mu gbọrsịḅị ọmịna aḍụọ agara ma ḅẹ kunoma la, anịanịa fịye mẹ soku fama tẹso, ọkụma pịkịma mu ḅara kọnma aị kolokolo ma ọmịnị arị wẹrịso igoin-apụ ma na, igoniapụ ma na pịrị ḅa. Yẹrị anie KỊNỊNYANAḄỌ ọmịna Tamụnọ ḅee.”

Rufu 2:3

Anieḅụ á nwẹnị saakị paka ḍụọ mu, tẹ fịye-sokuapụ ma ḍukamẹnjị-mẹnjịtẹ ḅara-kọnma-aị ma kolokolo ḍụọ mẹ ḅio; tẹ So tọn ḅara ḅụ, á nwẹnị ḅo sime Bohazi, Ẹlịmẹlẹkị furo-ḅẹ-ḅọ ḅe ḍụọ mẹ la.

Rufu 2:7

Á ḅọ tẹ ì tẹkẹm à paa á wẹrịso tẹ á fịye-sokuapụ ma ḍukamẹnjị-mẹnjịtẹ puku-puku ma ogboku ḅara-kọnma-aị ma kolokolo tẹ arị kobiri. Anieḅụ dede-funfun kụra-ḅio á namakọrịarị; mịọkụ anie á kẹlẹ kẹ ịnyọsararị.”

1 Samụẹlị 1:18

Tẹ á nwẹnị ḅẹẹ, “Yee, ị́ fịrịmẹnjị-ẹrẹḅọtụḅọ ị́ tọrụ ḅụ ḍiki-ḅụụjịrị nyana.” Anịtẹso ẹrẹḅọ ma so arị etela dama-mum, tẹ fịye fịm, tẹ á tọrụ ḅarị jen-maaịn kẹ fụrụ-a.