Rufu 2:12 - FỊAFỊA BAỊBỤLỤ

¹² KỊNỊNYANAḄỌ ḅe ị́ mịẹ ḅara mẹ mịẹ ị́ pịrịị, anịsakị KỊNỊNYANAḄỌ ḅe, Izirẹlịapụ tẹkẹarị Tamụnọ ḅe ḅintẹ gbẹẹ-ye kẹ ị́ pịrịị, oriḅe tẹ í ḅo warị-ḅọkọ kẹ suha ḅọ ḅe.”

Rufu 2:12 Iomraidhean Croise

Devidi-Anume 17:8

Ị̀ gbaịn, ị́ kẹ ị́ atọrụngbọ mịẹ ḅẹ ḅara pembe ḅara: ị́ apamba suku-ḅio ị̀ ḅọị

Devidi-Anume 19:11

Arị ḍawọye ḍin kẹ yẹrị ị́ fịrịmẹnjịḅọ ḅe pịrịarị; arị koko mẹ sọye mịẹ ị̀ pịrịarị.

Devidi-Anume 36:7

Yei Tamụnọ, í kuno-a ḅẹlẹma mẹ kpọma yelam! Ị́ ị́ apamba kẹ wa gbaịn-arị.

Devidi-Anume 57:1

Ọkụrụkụrụ nyana ị̀ pịrịị, Yei Tamụnọ, ọkụrụkụrụ nyana-a; ye ḅarị ị̀ la ḅịa ḅara ẹrẹsị arị ị́ ḍọkụma-ḅom. Ị́ pamba suku-ḅio mie à ḅọị ḅẹ anga simearị, nwenii ḍarịarị erise ma ḅọrọ.

Devidi-Anume 58:11

Tomi ḅẹẹ ḅa, “karakara-ḅara-ḅụ, karakaraye-mịẹapụ ma ịn gbẹẹ-ye nyana tẹẹ; karakarayee, tomikiri mẹ kọn-arị Tamụnọ emii.”

Devidi-Anume 61:4

Yee àrị ị́ fịafịa yọ mẹ ḅụ anga ì ḍumo-ene mamgba ḅụ; yee àrị ị́ apamba suku-ḅio sime tẹ ẹrị mịnẹ ye ị̀ la-a.

Devidi-Anume 63:7

sakị mamgba ị́ ḅarasụa ị̀ pịrịarị ẹrẹsị. Ị́ pamba suku-ḅio mie à sime tẹ ḍereku nume-suarị.

Devidi-Anume 91:4

Ori amịna apamba kẹ ị́ gbaịn ḅa; ori í ḍikiḍikiarị ogbo ị́ la ḅẹ ye ofori; ḅioḅẹngbọ kẹ ọ̀ ḅụụ ḅụ gbana na-iḅim mẹ ị́ gbaịn tẹ ị́ ḅọrọma ḅa.

Egberima-Ẹkwẹn 11:18

Karakaramatẹ si-sịḅịḅio-sụapụ nyanarị gbọrụ sọye sọ ofori, kụma í kuraye mịẹ-mịẹ, nimi mịnẹ ị́ anị ḅẹ gbẹẹ-ye nyana ḅa.

Egberima-Ẹkwẹn 23:18

Anị ọkọ sime wararị ḅẹḅẹ, ḅaa mẹ iḅi ị́ pịrị tẹ.

Jerimaya 31:16

Ḅarị owu ma tẹ owu-minji mẹ siin fịafịamaa. Ị́ mịẹ ị́ awọmẹ pịrị tẹ aị mamgba gbẹẹ-ye ofori ḅara kẹ faa ḅịa; si kẹ ịn tọn apụ ma amakiri ḅụ ịn pịkịma-ḅo ḅa.

Matiyo 23:37

“Jeruselemu, Jeruselemu! Ị́yẹrị ịkịankoroapụ ma ḅaa tẹ pịkị ḍụḅarị kẹ Tamụnọ kẹ oku kẹ ị́ fịrịma apụ gbin-arị ama! Nda asakị à nwẹn kẹ ị́ atomi mamgba kobiri ì kuḅu ḅio suu ḅẹ ḍọkị tẹ, ịyọrọ ọḅọkọ pamba kẹ amịna awọmẹ gbaịn ḅara, kụma ị́ ḍụkụ ị̀ pịrị-a!

Matiyo 5:12

Ó ḅioḅẹlẹ tẹ ḍerekuu, kẹ gotẹ ọkọ ḅẹẹarị, So-ḅio ḅụ opu gbẹẹ-ye Tamụnọ nwẹn kẹ ọ́ wẹrịma wararị. Mị gbọrụ ḅara mẹ mie tomi kẹ ịkịankoro apụ ma tẹ ọmịna tọrọkọ-tarịapụ ma kẹ ḅaa-ḅọkọ ḅụ suu ḅara.

Matiyo 6:1

“Ẹrị mịnẹ Tamụnọ nimi ḅọ ḅara ḅụ, ị́ mịẹarị ye mịẹarị ye í tomi ẹrị ḅẹ ḅara gotẹ ama-karakara-ogbo anị mịẹ-a. Ị́ kịnị ẹrị ḅarị ḅara gotẹ ama-karakara-ogbo mịna aị ma mịẹ kụma, ị́ Ḍa So-ḅio simearị ḅọ ḅe ḅara ị́ gbẹẹ-ye nyana ḅịa.

Luku 6:35

Gbala-gbala! Si kẹ ị́ tọn apụ ḅẹlẹma, tẹ iḅi kẹ ịn mịẹ; ye kẹ kịnị ḅọlọ, tẹ ịn pịkịma ḅo tẹ anị kẹ ị́ pịrị ḅẹ gbọrụ ḅọkọ sọ nwẹn kẹ ḅio tọnma. Ọkọ rẹ mie ọmịnị opu gbẹẹ-ye nyana tẹ pịkị Geletẹịn Tamụnọ ḅe awọmẹ sọ ḅarịye. Kẹ gotẹ ọkọ ḍukoarị ye, ori iḅi mẹ mu ịmịẹtẹ ḅẹẹ ḅẹẹ-a apụ na, si-sịḅịḅio-sụapụ na sọ laarị.

Kọlọsị 2:18

Ọ́ ḍụkụ tẹ gbọrụḅọ-sọ tọrụ-ḅịrị ẹrị ḅara kẹ iruo, kẹ opuḅọ kẹ amịna ḅụụ sịntẹ ó ponoma tẹ ọ́ sịḅị-tuu mḅọ pịrị, tẹ enjẹlị apụ tẹkẹ ma. Jen gbọrụ karakara sọ anị ḅio ofori, ọkọ sime tomḅọ mẹ mḅọ papaa ḅụụ-gelemarị, tomina kuroma ḅụ,

2 Timoti 1:18

Yee KỊNỊNYANAḄỌ ḅe ori ọkụrụkụrụ kẹ ọ̀ pịrị anị ene mẹ ḅụ! Anịsakị Ẹfisọsị ḅụ ọ̀ mịẹ ị̀ pịrị ye ḍụḅa la ḅara í nimim.

2 Timoti 4:8

Tẹ mịọkụ Karakara mịẹ Ḅẹrẹkọnḅọ ḅe kẹ tọrọkọ tarị ḅọ pịrị-pịrị ama-da sun mẹ sime ì koruarị, ọ̀ kẹ ị̀ pịrị ḅa anị ene mẹ ḅụ — tẹ yẹrị ngẹrị-a, kụma inimgba tẹ ḅẹlẹma ḅụ ò tolu-sịẹ ḅarị mẹ koruarị apụ ma sọ.

Hiburu 11:26

Ori ọkịm mịnẹ Mẹsaya ḅe gotẹ tomina ḍiki-sima da iḅi Ijiputi ḅẹ ngọ mamgba nẹngịm, kẹ gotẹ ọkọ ḍukoarị, tọrọkọ-jụ ḅo ḅarị gbẹẹ-ye mẹ ọgọnọ mie ori ori atọrụngbọ saakị tẹ kẹ gbana ye.

Hiburu 11:6

Minini nyana-a tomḅọ inetẹ Tamụnọ ḅụụ-ḅẹlẹ ye mịẹ ḅịa, kẹ gotẹ ọkọ ḍukoarị, Tamụnọ ḍọkụma-ḅoarị ḅọ, ḅoarị ḅọ minini ḅa mịnẹ ori emi, tẹ gbẹẹ-ye kẹ ò nimi ḅẹ ḍọkịarị apụ pịrịarị.

Hiburu 6:10

Tamụnọ ò tomḅọ la kiri kẹ mḅọ pịrị-a so so-a. Ọ́ kọrị ọ̀ pịrị kọrịnama mẹ ọ̀ kẹ ḅioḅọrọma ḅịa, anịanịa ò gotẹ ọ́ nyana ọmịna pembema Kịrayịsị ḍukamẹnjịapụ pịrị ḅẹlẹma mẹ, anie ḅarasụa ịn pịrị ḅụ ó ḍie pakama ye mẹ, tarị tarị ọ́ mịẹ tẹ, pịkị mịọkụ mịẹarị ḅara mẹ.

Rufu 1:16

Kụma Rufu nwẹnị ḅẹẹ, “Tẹmẹ-la ḅara kẹ àrị í koroma-soo ḅii ma, anịanịa í ḍukamẹnjị ḅụ pịkịma-so; kẹ gotẹ ọkọ ḅẹẹarị, í mu anga, mu anga à mu ḅa; ị́ anga yọ anga yọ, àrị anga ḅa; ị́ atomi, ị̀ atomi sọ ḅa; anịsakị ị́ Tamụnọ, ị̀ Tamụnọ sọ ḅa;

Rufu 2:11

Kụma Bohazi nwẹnị á pakịrị, “Í di fịị kụra-ḅio ị́ mịẹ í iyingi pịrị aị mamgba na, ị́ wẹrịtẹ ị́ ḍa na, í iyingi na, ị́ paka wararị ama na, wẹrịso tẹ tarị ḅụ tomi tẹ amụ í nimi-a apụ ḍọkụma-ḅo ḅara mẹ ịn ḅintẹ ḅara kẹ arị ḍuko ị̀ pịrị tẹ.

Rufu 2:13

Anịtẹso á nwẹnị ḅẹẹ, “Ị̀ nyanaḅọ, ị́yẹrị ḍiki-ḅụụjịrị nyana ị̀ pịrị tẹịnm, kẹ gotẹ ọkọ ḅẹẹarị, ị́ ì ḅiokpọma tẹ, pịkị iḅi ẹkwẹn kọn ị̀ pịrị tẹ, yẹrị ị́ afịrịmẹnjị-ereme ma ḅụ ḅẹ gbọrụḅọ-sọ na gbasị-a nwẹn ḅẹsọ.”

Rufu 4:15

Yee ḅị tụḅọ ḅe í ḍumo kụrọma, pịkị í omongi sakị ḅụ í ḍikiḍiki ḅọ sọ, kẹ gotẹ ọkọ ḅẹẹarị, ị́ Owiḅọtụḅọ ta tẹ ị́ ḅẹlẹma tẹ í ḅụụ sọnọma owiapụ-awọmẹ nẹngị ḅọ ma árị iyi tẹẹ.”

1 Samụẹlị 24:19

Kẹ gotẹ ọkọ ḅẹẹarị, gbọrụ tomḅọ mḅọ na fịya-a ḅọ ḍọkị-ẹrị ọkụma, mḅọ gberie-sọ kẹ mḅọ lama-a ḅara kẹ mḅọ wẹrịso ḅẹ? Anieḅụ yee KỊNỊNYANAḄỌ ḅe mịmgba ị́ kẹ ị̀ mịẹ ye mẹ ḅụ iḅi gbẹẹ-ye kẹ ị́ pịrị.

1 Samụẹlị 24:20

Anịsakị ḍikii, mẹkịnẹ à nimim mịnẹ tụkụma ḅara ḅụ ị́ amadaḅọ sọ ḅa, anịsakị ị́ ḅara ḅụ mie Izirẹlị amakiri mẹ sịẹ kụrọ ḅarị ye.