Rufu 1:6 - FỊAFỊA BAỊBỤLỤ

⁶ Nahomi Mohabụ sịẹ mẹ ḅụ sime tẹ naam mịnẹ KỊNỊNYANAḄỌ ḅe toluma ori atomi Izirẹlị ḍiki tẹ fịye kẹ ịn pịrị tẹ nwẹn ḅẹẹ sakị, á nwẹnị árị owiapụ-awọmẹ ma tapụ ma ọkị á ḅụụ sọ tẹ Mohabụ sịẹ mẹ ḅio pịkịma-so.

Rufu 1:6 Iomraidhean Croise

Suku-saakị 21:1

KỊNỊNYANAḄỌ ḅe ò ḍuko tẹ ḅara ḅụ mu toluma Sera ḍikim, tẹ KỊNỊNYANAḄỌ ḅe ò minini ḅara mịẹ Sera pịrịm.

Suku-saakị 28:20

Anịtẹso Jekọbụ nwẹnị ịlọ minini, tẹ ḅẹẹm, “Tamụnọ nwẹnị ị̀ na sime, tẹ mị etela mẹ tẹ à mẹnjịarị ye mẹ ḅụ ị̀ wẹrị kpaịnma, tẹ fịye kẹ ị̀ pịrị fị, pịkị kapa kẹ ị̀ pịrị sụa,

Suku-saakị 48:15

Anịtẹso ọ̀ nwẹnị Josẹfụ boma tẹ ḅẹẹ, Tamụnọ ḅe, oriḅe tẹ ị̀ aḍapụ Ebira-amụ na, Ayịzịkị na tọrọkọ ḅụ mẹnjị ḅọ ḅe, Tamụnọ ḅe tẹ ị̀ ḍumo mẹmgba ḅụ etela kẹ ì ḍie ḅo mịmgba la ḅọ ḅe,

Suku-saakị 50:25

Anịtẹso Josẹfụ Izirẹlịapụ ma na ọḅọkụ fịm, tẹ ḅẹẹm, Tamụnọ ḅo ḅarasụa ọ́ pịrị ḅa, anịsakị ọ́ mịanga ḅụ ị̀ mgbe ma dogi so ḅa.

Devidi-Anume 102:14

Ị́ afịrịmẹnjịapụ ma á ḅẹlẹmarị, karakaraye kịnị á kan guluguluma sara tẹ sọ; ini á ḍiki sịḅị-kụrụkụrụarị, á kaan-kọsị-sara tẹ sọ.

Devidi-Anume 111:5

Ọ̀ kụn-arị apụ ma ọ̀ mịẹ tẹ ịn fị ḅẹ ye ḅo ịna ḅara laarị; gbala-gbala ori ori ọḅọkụ mẹ kẹ ḅioḅọrọma-ḅụrama-a.

Devidi-Anume 132:15

Àrị iḅi ḅara kẹ Zayọnị ḅiiarị aị mamgba mịẹ á pịrị ḅa; à fịye kẹ árị igoin-apụ ma pịrị fị furo ḅinma ḅa.

Devidi-Anume 145:15

Ḍumo wararị aị mamgba ḅiokpọ ḅụ ị́ tọrụ ḍikiarị, tẹ ị́ fịye kẹ ịn pịrịarị in ye fị na-iḅi sakị ḅụ.

Devidi-Anume 146:7

ori iḅi ḅẹrẹkọn tomi ponomarị apụ ma pịrịarị tẹ fịye kẹ ḅuru-pọkọtarịapụ ma pịrịarị. KỊNỊNYANAḄỌ ḅe ikoli sọ wararị apụ pakama-ḅoarị,

Devidi-Anume 147:14

Ori ị́ angarị anga mẹ ikelema-koro mamgba wẹrị kpaịnmarị, tẹ ị́ na iḅi ḅẹ ḅara kẹ iḅitẹịn mbịaka kẹ ị́ pịrịarị.

Paka-so 3:16

Mu tẹ Izirẹlị ḅẹ omongiapụ mamgba kobiri ḅo gboloma, tẹ ịn ḅẹẹ, ‘KỊNỊNYANAḄỌ ḅe, ọmịna atẹngịapụ ma sịḅị-tuu pịrị Tamụnọ ḅe, anie Ebira-amụ na Ayịzịkị na pịkị Jekọbụ na sịḅị-tuu pịrị Tamụnọ ḅe amịna ḅụụ pakama ì ḍie tẹẹ,’ ḅẹẹarị, ‘àrị ọmịnị na, Ijiputi ḅụ ịn kẹ ọ́ mịẹ tẹ aị ma na kẹ elekima sụa tẹ.

Paka-so 4:31

Tomi ma nwẹnị minini; tẹ ịn naam mịnẹ KỊNỊNYANAḄỌ ḅe ḅo toluma Izirẹlịapụ ma ḍiki tẹ anịsakị ori ịna tọrụsiẹrị ẹrị tẹ nwẹn ḅẹẹ ye ḅụ ịn nwẹnị ịna sịḅị-tuu tẹ sunsin Tamụnọ pịrị.

Egberima-Ẹkwẹn 30:8

iruo ḅụ ị̀ wẹrị ḅelemaa, tẹ ḍụkụ tẹ arị ngọ-kọn ma, pịkị igoin ma. Mie ḅụ à fị na-iḅi fịye kịngẹ kẹ ị̀ pịrịị.

Ayịzaya 55:10

Ị̀ ẹkwẹn ma eene-mgbọ na eene na kịkarị, anie So-tọrụ koro ḅo kiri pisimarị aị ma. Ịn mịẹ tẹ ḍiḅi aị ma so-pakarị tẹ ḍiḅi ḅẹ mgbọlị na fị ḅẹ fịye na nyanarị.

Jerimaya 29:10

KỊNỊNYANAḄỌ ḅe mẹẹ, “Babịlonịya kụra atesi oyi finji ma ḅọrọ sakị, à ḍie-pakama ḅa mịnẹ arị ó gotẹ ḅio-sẹsẹarị, tẹ à minini ọ́ pịrị ye mẹ mịẹ ḅa, ọ́ kẹ pịkị ama ḅo mẹ.

Jowẹlị 2:19

Ori ịn pakịrịm: “Mịọkụ à mgbọlị-fịaị na, iru na, pulo na kẹ ọ́ pịrị ḅẹ-yearị, tẹ arị ọmịnị na iḅi ḅa. Ja asịẹ ḅarị jen kẹ ó ḍiki-sima ḅịa.

Zẹfanaya 2:7

Juda ḅẹ apụ tẹ fịị-a so ḅarị apụ ma ọmịna amakiri ḅụ koro sime ḅa. Ini anịanga kẹ ini anana ogbo-ogbo ma ḍikiḍiki yọ sọma ḅa, tẹ Asịdọdị ḅẹ awarị ma ḅio mono ḅa. KỊNỊNYANAḄỌ ịna Tamụnọ ḅe ini na sime tẹ ịn mịẹ tẹ in siin lolo ḅa.

Matiyo 6:11

Mịmgba wa fị na-iḅi fịye kẹ wa pịrịị.

Luku 1:68

“Ó yee wa KỊNỊNYANAḄỌ, Izirẹlịapụ tẹkẹarị Tamụnọ ḅe tokini! Ọ̀ ḅarasụa ori atomi pịrị ḅẹ ḅo tẹ, ori ịn ḅọrọma tẹ.

Luku 19:44

Ini ị́ kan sara fama tẹ í ḅio sime atomi mamgba ḅaa fama ḅa. Ịn kẹ í onu mẹ nama wararị aḍụḅarị mamgba jen ḅarị jen ọgọnọ sime ḅịa, mie mẹmgba dogi ḅoarị ye anie Tamụnọ ḅarana ḅo ị́ ḅọrọma ḅẹ sakị mẹ í lekiri-a ẹrẹsị!”

1 Timoti 6:8

Anie ḅụ, wa fịye na kapa na nyana wararị ḅẹḅẹ, anie wamịnị na iḅi.

1 Pita 2:12

Yee oru nimi apụ ma ogboku ḅụ ọmịna ḍumo kọn ḅara iḅi lama, mịẹtẹ in si-mịẹapụ kẹ ọ́ sịn-arị sọ, ini ọ́ mịẹarị iḅi amịẹaị ma lekiri tẹ Tamụnọ tokini ḅa ò ḅo ḅarị Ene ḅụ.

Rufu 1:5

tẹ Malọnị na Kilọnị na ini maa apụ ma nwẹnị fịị, anị ḅara ḅụ ẹrẹḅọ ma maa owiapụ awọmẹ na á di na fịị á koroma-som.

Rufu 1:7

Anieḅụ árị owiapụ-awọmẹ ma tapụ ma nwẹnị á ḅụụ sọ tẹ árị na á sime anga mẹ ḅụ nwẹnị saakị pịkịma-so Juda ama mu.

1 Samụẹlị 2:21

KỊNỊNYANAḄỌ ḅe toluma Ana ḍikim, tẹ á sime kọn, tẹ tẹra owiapụ-awọmẹ na, maa eremịna-awọmẹ na iyim. Anịsakị Samụwẹlị, owiḅọtụḅọ ḅe KỊNỊNYANAḄỌ ḅe tọrọkọ ḅụ sime tẹ ḍụḅam.