Rufu 1:2 - FỊAFỊA BAỊBỤLỤ

² Ịn kẹ owiḅọ ḅe koro ẹrẹ anie Ẹlịmẹlẹkị, ịn kẹ ọ̀ ta kuro ẹrẹ anie Nahomi, anịsakị ịn kẹ ori maa owiapụ-awọmẹ ma kuro ẹrẹ anie Malọnị na, Kilọnị na: ini anie Juda ḅẹ Bẹtịlịhẹmụ-Ifirata ḅụ sime tẹ ḅo apụ. Ịn so Mohabụ opu sịẹ mẹ mu tẹ anịjụ angam.

Rufu 1:2 Iomraidhean Croise

Suku-saakị 35:19

Mie ḅụ Resẹlị fịịm, tẹ ini á kẹ Ifiratị, anie Bẹtịlịhẹmụ mu etela ḅụ ḍiḅim,

Mayịka 5:2

KỊNỊNYANAḄỌ ḅe mẹẹ, “Kụma yei Ị́yẹrị Bẹtịlịhẹmụ, Ẹfịrata ḅẹ kala-ama, Juda opu sịẹ mẹ ḅụ ị́yẹrị ịrụ tẹịnm, kụma í ḅio mie gbọrụḅọ tẹ Izirẹlị ḅụ ḅẹrẹtọn ḅarị ḅọ ḅe paka-ḅo ị̀ pịrị ḅarịye; ori atẹngịapụ ma elemu aḍapụ ma ḅụụ saakịm elemu sakị ḅụ.”

Ḅẹrẹkọn-apụ 17:7

Tẹ arị sakị mẹ ḅụ gbọrụ ene, Juda furo ḅụ, Livayị furo ḅẹ gbọrụ asambịrịma owiḅọ simem Bẹtịlịhẹmụ ḅụ; tẹ ori igoni kẹ anịjụ bịanm.

Ḅẹrẹkọn-apụ 3:30

Anieḅụ Izirẹlị ḅara-ḅio Mohabụ sịḅị-tuum anị ene mẹ ḅụ. Tẹ ama mẹ kụra inia si kẹ ịnyọsara nyanam.

Rufu 1:3

Kụma Ẹlịmẹlẹkị, Nahomi di ḅe nwẹnị fịị, tẹ árị maa owiapụ-awọmẹ ma kọnma á pịrị.

Rufu 1:5

tẹ Malọnị na Kilọnị na ini maa apụ ma nwẹnị fịị, anị ḅara ḅụ ẹrẹḅọ ma maa owiapụ awọmẹ na á di na fịị á koroma-som.

Rufu 2:1

Mịọkụ Nahomi gbọrụ mịnaḅọ nyanam, á di Ẹlịmẹlẹkị furo mẹ ḅẹ ḅọ, ngọ-kọn wararị tomḅọ, oriḅe ẹrẹ anie Bohazi.

Rufu 4:9

Anịtẹso Bohazi nwẹnị omongiapụ ma na, tomi mamgba na ḅẹẹ, “Ọmịnị anie mịmgba ḅẹrẹ kịrị sime apụ, mịnẹ Nahomi ḅara ḅụ á sime Ẹlịmẹlẹkị pịrị aị mamgba na, sime Kilọnị na, Malọnị na pịrị aị mamgba fẹẹ ọkị fama tẹ.

1 Samụẹlị 1:1

Ramatahimu-zofimu ḅụ Iferemu tụndụ ọgọnọ ḅẹ opu sịẹ mẹ ḅẹ gbọrụ owiḅọ simem. Oriḅe ẹrẹ anie Ẹlịkena, Jerohamụ owiḅọtụḅọ, pịkị Elihu taa-owiḅọtụḅọ, pịkị Tohu ile-owiḅọtụḅọ, pịkị Zufu ọsịkịsịkị-owiḅọtụḅọ, Iferemu furo-ḅẹ-ḅọ ḅe.

1 Samụẹlị 17:12

Mịọkụ Devidi anie Juda ḅụ Bẹtịlịhẹmụ ḅẹ Ẹfịrẹtị furo ḅụ in Jese kẹ ẹrẹ kẹ kuro ḅọ, tẹ nine owiapụ-awọmẹ iyi ḅọ ḅe owiḅọtụḅọ. Sọlụ ene ma ḅụ sọ owiḅọ ḅe ori omongi tẹẹ, tẹ ọ̀ sịḅị kụra kẹlẹ mu tẹẹ.

1 Samụẹlị 17:21

Izirẹlị na, Filisiteniapụ ma na nwẹnị owu mẹ gotẹ tọrụ kẹ dama-dama tẹ in sịẹ-sịẹ ḅara sịẹ.