Rufu 1:16 - FỊAFỊA BAỊBỤLỤ

¹⁶ Kụma Rufu nwẹnị ḅẹẹ, “Tẹmẹ-la ḅara kẹ àrị í koroma-soo ḅii ma, anịanịa í ḍukamẹnjị ḅụ pịkịma-so; kẹ gotẹ ọkọ ḅẹẹarị, í mu anga, mu anga à mu ḅa; ị́ anga yọ anga yọ, àrị anga ḅa; ị́ atomi, ị̀ atomi sọ ḅa; anịsakị ị́ Tamụnọ, ị̀ Tamụnọ sọ ḅa;

Rufu 1:16 Iomraidhean Croise

2 Samụẹlị 15:21

Kụma Itayi nwẹnị amadaḅọ ḅe pakịrị, “KỊNỊNYANAḄỌ ḅe ḍumo-sime wararị, anịsakị ị̀ nyana amadaḅọ ḅe sọ ḍumo-sime wararị ogbo, ị̀ nyana amadaḅọ ḅe sime-anga sime-anga, anị ḍumo ḅụ-o, fịị ḅụ-o anịjụ mie ị́ fịrịmẹnjịḅọ sọ sime ḅarịye.”

Devidi-Anume 45:10

Amadaḅọ ḅe ịya ḅẹ ẹrẹḅọ, à ḍukoarị ye mẹ poki; ị́ ama ḅẹ apụ na ị́ amịnapụ na kẹ ḅioḅọrọma-a.

Egberima-Ẹkwẹn 17:17

Ikiapụ sakị mamgba ịn nyana ḅẹlẹma ḍie-pakamarị. Ndẹẹ mịnapụ sime pịrị ye ịn sọ tẹ ḅụụ-fụka da-a kụma?

Ayịzaya 14:1

KỊNỊNYANAḄỌ ḅe pịkị siin jen kẹ ọkụrụkụrụ nyana ori atomi Izirẹlị pịrị tẹ ịn sẹlẹ ọkị tẹ kẹ ò nye sọma ḅa. Ọ̀ mịẹ tẹ ịn pịkị jen kẹ ịna amakiri ḅụ anga ḅa, tẹ jen asịẹ ḅẹ apụ ḅo anịjụ ini na anga ḅa.

Danẹlị 2:47

Amadaḅọ ḅe mẹẹ, “Ị́ Tamụnọ anie tamụnọ mamgba ḅụ ḍụḅatẹịn ḅọ, amadapụ mamgba Nyanaḅọ ḅe, tẹ ḅọịye mịẹ finjiarị ḅọ. À gotẹ mie nimi ye í inetẹ mị ḅọịye mẹ ḍuko finji tẹẹ.”

Danẹlị 3:29

“Tẹ mịọkụ àrị oloko sụarị mịnẹ jen sịẹ goyegoye, tomina ḅara goyegoye, anịanịa ẹkwẹn-ḅịḅị ḅẹ ḅọ tẹ ḍiki-iderima ḅara kẹ Sẹdarakị na, Mẹsakị na Abẹdinigo na Tamụnọ ḅe ḅụ kụn ofori ḅara kẹ ẹkwẹn ḅọ ini mḅọ nụnụ-kanị ḅa eleke-eleke ḅụ, tẹ mḅọ warị opu sara sọ ḅa. Jen tamụnọ tẹ mị-ḅara kẹ kịnị pụkọ-pakamaḅo tẹ ḅọ ofori.”

Danẹlị 4:37

“Mịọkụ, yẹrị, Nebukadineza, tokini na, kụn na pịkị ebube na kẹ Tamụnọ pịrịm, ori So-ḅio ama-daarị ḅọ ḅe. Ọ̀ mịẹ ye goyegoye karakaram pịkị kuram, anị kụma ọ̀ pịkị inetẹ ḅaịn ḅara kẹ ye mịẹarị ḅọ iderima ḅa.”

Hosiya 13:4

KỊNỊNYANAḄỌ ḅe ḅẹẹarị, “Yẹrị anie KỊNỊNYANAḄỌ ọmịna Tamụnọ ḅe, anie Ijiputi ḅụ ọmịna tọrọkọ-sụn tẹ ọ́ pakama-ḅo ḅọ ḅe. Ì sikima ó jen Tamụnọ nyana-a. Yẹrị kịngẹ anie ọmịna ḅọrọmaḅọọ.

Zẹkaraya 8:23

Arị eneḅaka ma ḅụ, ja asịẹ ḅẹ oyi apụ gbọrụ Juu-ḅẹ ḅọ dama-ḅo tẹ ḅẹẹ ḅa, ‘Wa ḅiiarị ọ́ la ye wa la, wa naa tẹ mịnẹ Tamụnọ ọmịnị na emi ẹrẹsị.’”

Matiyo 8:19

Tẹ Oloko toluma apụ ma ḅẹ ḅọ nwẹnị Jizọsị dama-ḅo tẹ ọ̀ ḅẹẹ, “Ye-tolumaḅọ, à tẹlẹma wararị ị́ na í mu anga, mu anga mu.”

Jọnị 13:37

Pita nwẹnị gbela, “KỊNỊNYANAḄỌ, tiye mịẹtẹ mịọkụ àrị inetẹ í ḍuka-ḅo ḅịa? À tẹlẹma wararị à fịị ị́ pịrị!”

Fịrịmẹnjịapụ 21:13

Kụma ọ̀ nwẹnị pakịrị, “Ọmịnị owu ị̀ tẹmẹ lọkọma ma Jeruselemu ḅụ, ịn papaa ị̀ fịna tẹ so-a, tẹ KỊNỊNYANAḄỌ Jizọsị ḅe gotẹ ị̀ ḅaa ḅẹ sọ à mininim.”

1 Tẹsalonịka 1:9

Arị atomi mamgba ḅẹlẹma ma ḅọrọarị aị anie, wa ḅo sakị ọ́ kẹ wa daa-ọkị ḅara na, ọmịnị oru sịkị tẹ Tamụnọ ḍukamẹnjị ḅara na, ọ́ kẹ fịrịmẹnjị ḍumo wararị, karakara Tamụnọ ḅe pịrịarị ḅara na,

Jọsụwa 24:18

tẹ KỊNỊNYANAḄỌ ḅe wamịna tọrọkọ ḅụ tomi mamgba, Amọrayịtị apụ ma tẹ ama mẹ ḅio anga apụ ma dee pakamam; anịẹrẹsị wamịnị sọ fịrịmẹnjị KỊNỊNYANAḄỌ ḅe pịrị ḅa; kẹ gotẹ ọkọ ḅẹẹarị, ori anie wamịna Tamụnọ.”

Mịẹfinji 14:4

Ini ma anie owiapụ tẹ amụ ereme na gboloma-a, tẹ amịna ḅụụ wẹrị kpaịnma wararị apụ; ini anie fịafịa apụ. Anana Tụḅọ ḅe mu anga, mu anga ini ò ḍuka-muarị. Ini ma anie tomikiri ḅẹ atomi ma ḅụ kirikọn-apụ ma ogboku ḅụ ịn pakịrị ḅo tẹ kẹ tarị agba mịẹ Tamụnọ na Anana Tụḅọ ḅe na pịrị tẹ apụ.

Rufu 1:15

Nahomi nwẹnị Rufu ḅẹẹ, “Ḍikii, ị́ ịyịmbara ị̀ ma árị ọḅụ pịkị tẹ so árị atomi na árị oru-atamụnọ na ḍọkụma-mu tẹẹ, anịẹrẹsị ị́yẹrị sọ pịkịma ị́ ịyịmbara ma ḍuka-soo.”

Rufu 1:17

ị́ fịị anga, fịị anga ḅụ à fịị ḅa, anịsakị anịjụ ini ì ḍiḅi ḅa. Yee KỊNỊNYANAḄỌ ḅe ọkọ mịẹ ị̀ pịrị, pịkị ọkọ nẹngị ḅara sọ mịẹ, fịị nwẹnị ị́ ḅụụ ḅụ ì puu sikimam ḅẹsọ.”

Rufu 2:6

Fịrịmẹnjịḅọ ḅe tẹ fịye-sokuapụ ma ḍikiḍikiarị ḅọ ḅe nwẹnị pakịrị, “Árị anie Mohabụ ḅẹ ẹrẹḅọtụḅọ ma tẹ Nahomi ḅụụ sọ tẹ Mohabụ ḅẹ sịẹ mẹ ḅụ ọḅụ pịkị tẹ ḅo ḅọ ma.

Rufu 4:15

Yee ḅị tụḅọ ḅe í ḍumo kụrọma, pịkị í omongi sakị ḅụ í ḍikiḍiki ḅọ sọ, kẹ gotẹ ọkọ ḅẹẹarị, ị́ Owiḅọtụḅọ ta tẹ ị́ ḅẹlẹma tẹ í ḅụụ sọnọma owiapụ-awọmẹ nẹngị ḅọ ma árị iyi tẹẹ.”