Rufu 1:12 - FỊAFỊA BAỊBỤLỤ

¹² Ọmịnị ọḅụ pịkị tẹ so ọmịna etela daa, ì eremịna-awọmẹ, kẹ gotẹ ọkọ ḅẹẹarị, àrị omongi ḅaka tẹ owiḅọ sime ḅụ. À nwẹnị ḅẹẹm à ḅiokpọ wararị, tẹ mị ḍin mẹ ḅụ owiḅọ sime tẹ owiapụ-awọmẹ iyi sọ,

Rufu 1:12 Iomraidhean Croise

Suku-saakị 17:17

Anịtẹso Ebira-amụ nwẹnị ọ̀ tọrụkuḅu kẹ ḅịkị kiri-ḅio koro tẹ ḍẹrị, tẹ amịna ḅụụ ḅẹẹ, “Owiḅọ tẹ kụra sọnọa si sịḅị ḅụ ḅọrọtẹ owiḅọ ịn pịkị tụḅọ iyi ọ̀ pịrị ḅẹ? Sera ma tẹ kụra inia si oyi finji sịḅị ḅụ ḅọrọtẹ ẹrẹḅọ ma pịkị fura ḅẹ?”

Suku-saakị 38:11

Anịtẹso Juda nwẹnị ori owiḅọtụḅọ koroma fịị ẹrẹḅọ ma ḅẹẹ, “Diḅọ-fịtẹ-ẹrẹḅọ ḅara ḅụ pịkịma-so ị́ ḍa warị muu, nwenii ì owiḅọtụḅọ Sẹla ḍụḅa sakị la” gbala ọ̀ ḅala faam mịnẹ ori sọ ori amịnapụ owiapụ fịị ḅara fịị ḅa. Mie ḅụ Tama so mu á ḍa warị angam.

1 Timoti 5:9

Kụra atesi sịḅị ḅụ ḅọrọtẹ diḅọ-fịtẹ-ẹrẹḅọ mie ị́ kẹ diapụ-fịtẹ-ereme ma ḅụ sụa kịẹn ḅarịye. Anị ḅụ simearị jen ye anie, á gbọrụ sakị ngẹrị kẹ owiḅọ sime tẹ ḅọ sọ ḅa,

Rufu 1:11

Kụma Nahomi nwẹnị ḅẹẹ, “Ọmịnị ọḅụ pịkịị, ì eremịna-awọmẹ, ó tiegotẹ ị̀ ḅụụ sọ tẹ ị̀ na so ḅẹ? À paa pịkị inetẹ siin owiapụ-awọmẹ iyi tẹ ịn ḅo ọmịna adiapụ sọ ḅẹ?

Rufu 1:13

ọ́ ḅọrọ anịẹrẹsị koru nwenii ịn ḍụḅa tẹ ḅo ó sime ḅẹ? Ọ́ ḅọrọ anịẹrẹsị owiapụ kụnma ḅẹ? Ẹn-ẹn, ì eremịna-awọmẹ, anị akụ ị̀ pịrị ọ́ nẹngịm, kẹ gotẹ ọkọ ḅẹẹarị, KỊNỊNYANAḄỌ ḅe anie mị fomu-ḅara mẹ kẹ ị̀ pịrị yee.”