Rufu 1:1 - FỊAFỊA BAỊBỤLỤ

¹ Alatẹ sakị ḅụ, Ḅẹrẹtọn-apụ ma Izirẹlị mẹ ḅio ḅẹrẹtọn-arị sakị, ama mẹ ḅio ịnụ pakam. Aniemẹ gotẹ, Juda ḅẹ Bẹtịlịhẹmụ ḅẹ gbọrụ owiḅọ ori na, ọ̀ ta na, ori maa owiapụ-awọmẹ na nwẹnị igoni ḅara kẹ so Mohabụ mu tẹ anịjụ anga.

Rufu 1:1 Iomraidhean Croise

Suku-saakị 12:10

Mịọkụ Kenanị ama mẹ ḅio ịnụ pakam. Mie ḅụ Ebiramụ ideri-so Ijiputi anịjụ sime ḅẹ ḅara, gbala ama mẹ ḅio ịnụ mẹ kụrọ ḅakam ẹrẹsị.

Suku-saakị 26:1

Ịnụ mẹ tẹ Ebira-amụ ene ma ḅụ paka ḅọrọ tẹ ye mẹ sikima, mị sakị mẹ ḅụ ịnụ pakam, tẹ Ayịzịkị so Gira mu tẹ Abimẹlẹkị, Filisiteniapụ ma amadaḅọ ḅe ḍọkụma-mum.

Suku-saakị 43:1

Mị sakị mẹ ịnụ mẹ ama mẹ ḅio kụrọ-gbaị wararị.

2 Samụẹlị 21:1

Mịọkụ Devidi Ama-daarị ene ma ḅụ sịḅị, sịḅị tẹra kụra ḅụ ịnụ ama mẹ ḅio simem, tẹ Devidi, KỊNỊNYANAḄỌ ḅe tọrụkuḅu ḍọkịm. KỊNỊNYANAḄỌ ḅe nwẹnị ḅẹẹ, “Ọmbie ọsụma ḅẹrẹ-ḅarasii Sọlụ na, ọ̀ warị na ọgọnọ emi, gbala ò Gibiyọnị ḅẹ apụ ma ḅaam ẹrẹsị.”

1 Amadapụ 18:2

Anieḅụ Ịlayịja nwẹnị ọ̀ ḅụụ kẹ Ehabụ ḍie ḅẹ mu. Mị sakị mẹ ḅụ kụrọ ịnụ Sameriya ḅụ emi.

1 Paka-aị 2:51

Salima Bẹtịlịhẹmụ ḍa ḅe na, Arẹfụ Bẹtị-gada ḍa ḅe na.

1 Paka-aị 2:54

Salima owiapụ-awọmẹ ma anie Bẹtịlịhẹmụ na, Nẹtofatayịtị apụ ma na, Atịrọtị-bẹtị-johabụ na, Manahatị apụ ma kẹ maa anga ḍiya ḅẹ gbọrụ pakịrị Zora apụ ma.

Devidi-Anume 105:16

KỊNỊNYANAḄỌ ḅe ḅuru-ḅa kẹ ịna sịẹ mẹ fịrịma tẹ ịna fịye mamgba ọkị-som.

Devidi-Anume 107:34

Ọ̀ mịẹ tẹ ye pakama-pakama kiri ḅo fụn-fụn-fụn simearị ịkpa sọm anị yọ anga apụ sụa si-sịḅịḅio gotẹ.

Jerimaya 14:1

Minji-kụrọ mẹ gboloma ye ḅụ KỊNỊNYANAḄỌ ḅe ị̀ ḅẹẹm,

Izikẹlị 14:13

Ori mẹẹ, “Fịị-fịị tomḅọ, gbọrụ sịẹ nwẹnị si mịẹarị tẹ ḅioḅẹngbọ kẹ ḅụụ ḅụ gbana na-iḅi ḅara sime ị̀ pịrị-a ḅẹḅẹ, àrị ị̀ ḅara sụn-pakama tẹ anị ḅẹ fịye ḅọkọ pụnma ḅa. À ḅuru-kụrọ kẹ anị fịrịma tẹ gbọrụ ḅara kẹ tomi na nama amẹẹ na ḅaa ḅa.

Izikẹlị 14:21

Mie anie Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹ ye, “À si-tẹịn inia fomu-ḅara ma fịrịma mu Jeruselemu ọgọnọ gbana ḅa — ọmụ, ḅuru-ḅa, piri-ḅio-ḅẹ si anama, na obi na — kẹ gbọrụ ḅara kẹ tomi na nama ma na ḅaa.

Lẹvitikọsị 26:19

Anịsakị arị ọmịna kụrọ mẹ ḅẹ opu amịẹaị ma anyịma siin ḅa, tẹ ọmịna aso ma kẹ ikulele kịkama mịẹ, tẹ ọmịna kiri mẹ kẹ ojo mẹ kịkama mịẹ ḅa;

Emọsị 4:6

“Yẹrị anie ḅuru-kụrọ kẹ ọmịna opu ama mamgba pịrị yee, anịsọ ọ́ pịkị ị̀ ḍọkụma-ḅoa.

Mayịka 5:2

KỊNỊNYANAḄỌ ḅe mẹẹ, “Kụma yei Ị́yẹrị Bẹtịlịhẹmụ, Ẹfịrata ḅẹ kala-ama, Juda opu sịẹ mẹ ḅụ ị́yẹrị ịrụ tẹịnm, kụma í ḅio mie gbọrụḅọ tẹ Izirẹlị ḅụ ḅẹrẹtọn ḅarị ḅọ ḅe paka-ḅo ị̀ pịrị ḅarịye; ori atẹngịapụ ma elemu aḍapụ ma ḅụụ saakịm elemu sakị ḅụ.”

Ditẹrọnọmị 28:38

“Ó gburo-gburoma sịnmgbọlị dogi piri mẹ ḅio sọ-mu ḅa, kụma ịrụtẹ kalịye mie ó kobiri ḅo suu ḅarịye; kẹ gotẹ ọkọ ḅẹẹarị, igurube anị fị fama ḅa.

Ḅẹrẹkọn-apụ 12:8

Jẹfụta ḅọrọ tẹso, Bẹtịlịhẹmụ ḅẹ Ibizanị ḅẹrẹkọn Izirẹlị pịrịm.

Ḅẹrẹkọn-apụ 17:7

Tẹ arị sakị mẹ ḅụ gbọrụ ene, Juda furo ḅụ, Livayị furo ḅẹ gbọrụ asambịrịma owiḅọ simem Bẹtịlịhẹmụ ḅụ; tẹ ori igoni kẹ anịjụ bịanm.

Ḅẹrẹkọn-apụ 17:8

Owiḅọ ḅe nwẹnị Juda ḅụ Bẹtịlịhẹmụ ama mẹ ḅụ so ori inetẹ sime ḅẹ gbọrụ ye-yọ ḍọkị-ẹrị ḅẹ anga mu, tẹ ori ọkọ kẹ igoni mẹ muarị ogbo, ọ̀ nwẹnị ḅo Iferemu tụndụ ọgọnọ ḅẹ opu sịẹ mẹ ḅio Mayịka warị bịan.