Romu 4:3 - FỊAFỊA BAỊBỤLỤ

³ Fịafịa Ḍiri mẹ ḅẹẹm, “Ebira-amụ Tamụnọ ḅụ nyana minini gotẹ Tamụnọ ọ̀ kẹ karakara mịẹḅọ ḅara ọkịm.”

Romu 4:3 Iomraidhean Croise

Suku-saakị 15:6

Tẹ ọ̀ nwẹnị KỊNỊNYANAḄỌ ḅe minini tẹ ori anị kẹ karakara kịẹn ọ̀ pịrịm.

Devidi-Anume 106:31

Miemẹ Anịngẹ-kụraḅio ini anị kẹ ḅiokoroma, kuroma tẹ iḅi kẹ ọ̀ kẹ gotẹ ḍukoarị, anie ịn pịkị anị gotẹ ḍuko mu ḅo ḅarị asakị mamgba la ḅarị ḅara.

Ayịzaya 8:20

Ị́ ịn pakịrị ḅa, “Ọ́ KỊNỊNYANAḄỌ ḅe kẹ ó tolumarị ye pokii — ọ́ ḍụẹịn ḅịḅị ḅiiarị apụ poki ma — in ḍuko ọ́ pịrị ḅarịye gbọrụ iḅi sọ kẹ ọ́ mịẹ ḅịa.”

Matiyo 20:9

Sọnọ aso ḅụ saakị kọrịnama kọrị apụ ma, gbọrụḅọ seleḅa igbigi mie ịn kẹ ịn gbẹẹ-ye.

Makị 12:10

Piki-pikiye-ofori ḅara ḅụ miemẹ ó goo tẹ Fịafịa Ḍiri mẹ ḅio: “Warị nama apụ kẹ mịẹye ḅụ sọ-a ḅẹẹ tẹ sịkị ḍụḅarị mẹ pịkị ḅo arịmgba ḅụ kụrọ nyana tẹịn ye sọ tẹ.

Romu 10:11

Fịafịa Ḍiri mẹ ḅẹẹm, “Tamụnọ minini ḅọ, minini ḅọ papaa ḅara ọlọ ḅịa.”

Romu 11:2

Tamụnọ sukuyọ-saakị ḅụ sẹlẹ-ọkị atomi ma ori ịn sịkị-a. Ịlayịja ịn kẹ mu Tamụnọ tọrọkọ ḍuko ye ḅụ Fịafịa Ḍiri mẹ ḅẹẹ ye ó nimi wararị:

Romu 4:11

Anie ḅọrọ tẹrẹmẹ ọ̀ tarị-ḅụụ siinm, tẹ ọ̀ tarị-ḅụụ sin mẹ nwẹnị amụ ọ̀ tarị-ḅụụ sin-a ogbo nyana tẹ Tamụnọ ọ̀ kẹ karakara mịẹ ḅọ ḅara ọkị ye mẹ ḅẹ elekima sọm. Mie ḅụ, tẹmẹ anga ḅụ, Ebira-amụ ḅo Tamụnọ ḅụ minini nyana apụ mamgba ḍaḅọ sọ tẹ, anie Tamụnọ kẹ karakaraye-mịẹapụ ḅara ọkị tẹ apụ ma, tomi-juḅẹye amụ ịn tarị-ḅụụ sin-a ḅẹ sọ.

Romu 4:5

Tomḅọ nwẹnị minini ḅụ sịrẹrẹ, tẹ kọrịnama kẹ ḅiokpọma-a, tẹ Tamụnọ minini kụma, ori ḅị Tamụnọ ḅe tẹ si-mịẹapụ kẹ iḅi kiri sịẹmarị ḅọ ḅe, mḅọ minini mẹ kẹ karakara mịẹ sọma tẹ mḅọ kẹ karakara ḅụ wẹrịarị ọ̀ ḅụụ ḅụ.

Romu 4:9

Devidi nwẹn ḅẹẹarị boma mẹ anị sime tarị-ḅụụ sin tẹ apụ kịngẹ pịrị? Gbala-gbala ọkọ-a. Anị sime tarị-ḅụụ sin-a apụ sọ pịrịm. Mie Fịafịa Ḍiri mẹ tẹ gotẹ tẹ ye mẹ: “Ebira-amụ Tamụnọ ḅụ nyana minini anie Tamụnọ gotẹ ọ̀ kẹ karakara mịẹḅọ ḅara ọkị ye.”

Romu 9:17

Kẹ gotẹ ọkọ ḅẹẹarị, Fịafịa Ḍiri mẹ Ijiputi ḅẹ amadaḅọ ḅe ḅẹẹm, “À gotẹ ị́ kẹ ama-dama ye tomi ị́ ḅụụ ḅọrọ tẹ ị̀ kụrọ ẹrị, tẹ ị̀ ereso tomikiri mẹ ikelema ḅẹ ẹrẹsị.”

Jemụsị 2:23

Tẹ Fịafịa Ḍiri mẹ ḍuko ye mẹ ḅo mịẹ tẹ ye sọ tẹ, “Ebira-amụ Tamụnọ mininim, tẹ ò minini nyana ye mẹ ẹrẹsị Tamụnọ karakaraye-mịẹḅọ ḅara kẹ ori ọkịm.” Tẹ mie ḅụ ini Ebira-amụ kẹ Tamụnọ ikiaḅọ sịnm.

Jemụsị 4:5

Ó kuroma ma mịnẹ Fịafịa Ḍiri mẹ ḍukoarị ye mẹ karakara anị ḅụ ofori, “Tamụnọ kẹ wamịna ḅụụ ḅio suu wararị tẹmẹ mẹ kụrọma ye ịgbanịarị.”