Romu 3:3 - FỊAFỊA BAỊBỤLỤ

³ Kụma ini ḅẹ ja apụ nwẹnị Tamụnọ ḅii ḅara mịẹ-a, kụma ọ́ sịn-arị Tamụnọ sọ anị gotẹ amịna ḅịḅị sima ḅẹ?

Romu 3:3 Iomraidhean Croise

Devidi-Anume 84:7

In muarị sakị in kụrọ tọrọkọ, tọrọkọ muarị; Zayọnị tụndụ mẹ ọgọnọ ịn Tamụnọ ma Tamụnọ ḅẹ ẹrị ḅa.

Ayịzaya 55:11

Anị ḅara mie à kọn-arị ẹkwẹn mẹ sọ sime ḅarị ḅara anị à tọn tẹ anị mịẹ ḅẹ ye gbarị ḅịa; à gotẹ anị kẹ fịrịma ye goyegoye anị mịẹ ḅa.

Kịẹn-aḅịḅị 23:19

Tamụnọ anie tomḅọ-a, mịnẹ ori iruo na-iḅim, anịanịa tomḅọ iyi tụḅọ, mịnẹ ọ̀ ḅịḅị ḍima na-iḅim, Jene ò ye ḍuko tẹ amụ anị mịẹ-a? Anịanịa, ò ye ẹkwẹn tẹ ori anị mịẹ ḅinma ḅịa?

Matiyo 24:35

So na Kiri na ḅọrọ so ḅa, kụma ị̀ ẹkwẹn ma gbala-gbala ḅọrọ so ḅịa gbamasom.

Jọnị 1:16

Ò ḍiki-ḅụụjịrị ḅin la ḅara ḅụ ọ̀ wamịnị-mgba boma, boma, bomarị.

Romu 10:16

Kụma inweni-mgba amụ Iḅi Oku mẹ daa-ọkịa. Ayịzaya ḅioju sọ ḅẹẹm, “KỊNỊNYANAḄỌ, ndẹẹ wa kẹ ḅo oku mẹ daa-ọkị apụ?”

Romu 11:29

Kẹ gotẹ ọkọ ḅẹẹarị, Tamụnọ sẹlẹ-ọkị tẹ boma tẹ ye ḅụ, ọ̀ ḅịḅị ḍima ḍima-a.

Romu 9:6

À ḅẹẹ-a mịnẹ Tamụnọ ḅarị ò minini ye mịẹ ḅịa-o; gbala Izirẹlị ẹrẹ fị apụ mamgba Tamụnọ atomi-a.

2 Kọrịntị 3:18

Ọkọẹrẹsị, wamịnị-mgba, ye tọrụ kikima-a ḅara ḅụ, KỊNỊNYANAḄỌ ḅe ebube mẹ ḅịya wa saramarị; tẹ anị gbọrụ ebube mẹ tẹ KỊNỊNYANAḄỌ ḅe ḅụ sime tẹ ḅoarị ye mẹ, anie Tẹmẹ ḅe tẹ wa ḍima tẹ wa ḅo ọ̀ kịka tẹ mu ḅaka-ḅaka-ḅakarị ebube ḅụ sọarị.

2 Tẹsalonịka 1:3

Wamịna amịnapụ, sakị mamgba wa ó gotẹ ịmịẹtẹ kẹ Tamụnọ ḅẹẹ nyanam. Wa ọkọ mịẹ mẹ kuram, kẹ gotẹ ọkọ ḍukoarị, ọmịna minini mẹ ḍụḅa tọrọkọ-tọrọkọ muarị, anịsakị ọ́ nyana jụmọ-jụmọ pịrị ḅẹlẹma mẹ pịkị kụrọ tarị ḅara nẹngị tẹ.

2 Timoti 2:13

Wa ḅarị ḅioḅẹngbọ-kẹ-sịrẹrẹ-niḅi ḅara sime-a sọ, ori ọ̀ paa ḅioḅẹngbọ-kẹ-sịrẹrẹ-niḅi ḅara sime wararị, ori oḅori kẹ amịna ḅụụ sịn ḅịa ẹrẹsị.”

Hiburu 4:2

Kẹ gotẹ ọkọ ḍukoarị, ịn naa gbọrụ ḅara mẹ mie mịọkụ wamịnị sọ Iḅi-Oku mẹ naa tẹ ḅara. Ịn naa oku mẹ gbọrụ iḅi sọ kẹ ịn mịẹ-a, in minini nyana ḅara kẹ anị daa-ọkịa ẹrẹsị.

1 Samụẹlị 15:29

Anịsakị Izirẹlị ḅẹ Ebube ḅe sọ iruo anịanịa ḅioḅẹngbọ ḍima ḅịa, kẹ gotẹ ọkọ ḅẹẹarị, ori tomḅọ tẹ amịna ḅioḅẹngbọ ḍimarị ḅọ-a.”