Romu 3:2 - FỊAFỊA BAỊBỤLỤ

² Karakara-ḅara-ḅụ ḅọkọ, ḅọkọ ḅụ anị nyana iḅi ḅakam. Tarị ye, Tamụnọ ori oku mẹ kẹ Juu-ḅẹ-apụ ma ḅara sụam.

Romu 3:2 Iomraidhean Croise

Devidi-Anume 119:140

Í mininiye mẹ kpọma sịẹ-kụrọ ḅara ḍikii! Àrị anị ḅẹlẹma la ḅara ḍikii!

Ayịzaya 8:20

Ị́ ịn pakịrị ḅa, “Ọ́ KỊNỊNYANAḄỌ ḅe kẹ ó tolumarị ye pokii — ọ́ ḍụẹịn ḅịḅị ḅiiarị apụ poki ma — in ḍuko ọ́ pịrị ḅarịye gbọrụ iḅi sọ kẹ ọ́ mịẹ ḅịa.”

Danẹlị 10:21

Kụma tarị yee, à karakara Ḍiri mẹ ḅio kẹẹ wararị ye mẹ ḍuko ị́ pịrị ḅa. Gbọrụḅọ sọ ḅarasụa ị̀ pịrị-a à nwẹn sọarị owu mẹ ḅụ Mayịkẹlị sikima tẹ, Izirẹlị ḍikiḍikiarị enjẹlị ḅe.”

Jọnị 5:39

Ọ́ Fịafịa Ḍiri mẹ ḍawọarị, ọmịnị anị ḅio ḅụ sime gbamaso ḍumo ḍọkị nyana ḅarị ḅoto, tẹ mị Fịafịa Ḍiri mẹ mie ì gboloma aị ḍukoarị!

Fịrịmẹnjịapụ 7:38

Ori anie Izirẹlị ḅẹ awọmẹ ma kobiri-ogbo mẹ na sime ḅọ ḅe ịkpa mẹ ḅio ḅụ; ori anie wamịna atẹngịapụ ma na enjẹlị ḅe na sime ḅọ ḅe, anie Sayịnayị Tụndụ ọgọnọ ẹkwẹn ọ̀ pịrị enjẹlị ḅe, tẹ ori anie pịkị Tamụnọ ḅịḅị paka-ḅo ḍumo wararị oku mẹ daḅọrọma wa pịrị ḅọ ḅee.”

Romu 1:2

Iḅere-iḅerea kụra-ḅio mie Tamụnọ, ịkịankoroapụ ma, ḅụụ ḅọrọ tẹ mị Iḅi-Oku mẹ minini tomi pịrị tẹ ini anị kẹ fịafịa ḍiri mẹ ḅio kẹẹ koroma ye.

Romu 2:18

Tamụnọ ị́ ḅẹẹm mịẹ ḅẹ ye í nimi wararịị; tẹ Oloko mẹ pịkị karakara mịẹ-mịẹ ḅara kẹ í toluma tẹẹ,

Romu 3:1

Juu-ḅẹ-apụ sikima fịarị sọye tẹ Ja asịẹ ḅẹ apụ la-a ye emi? Anịanịa, tarị-ḅụụ sin tọ iḅi mịẹarị?

Romu 3:3

Kụma ini ḅẹ ja apụ nwẹnị Tamụnọ ḅii ḅara mịẹ-a, kụma ọ́ sịn-arị Tamụnọ sọ anị gotẹ amịna ḅịḅị sima ḅẹ?

Romu 9:4

Ini anie Tamụnọ atomi ma; ori ḅarana ịn kẹ ori awọmẹ sọma, tẹ ori ebube kẹ in ḍiem; ori ini na ọḅọkụ fị tẹ Oloko mẹ kẹ ịn pịrịm; ini anie karakara Tamụnọ tẹkẹ mẹ nyana ye; Tamụnọ minini ịn pịrị aị ịn nyana tẹ;

1 Kọrịntị 9:17

À nwẹnị ì ḅiotọn kọrịnama kọrịarị ḅẹ kụma, à gbẹẹ-ye nyana ḅa; kụma kọrị ị̀ gbarị ḅịa kọrịnama ḅara mie à kẹ anị kọrịarị; kẹ gotẹ ọkọ ḍukoarị, Tamụnọ mị fịrị mẹ saakị ị̀ pịrịm à mẹnjịị.

2 Kọrịntị 5:19

Wa kẹ ḅo oku anie, Tamụnọ Kịrayịsị ḅụ ḅọrọtẹ tomikiri ḅẹ atomi mamgba kẹ ori ikiapụ sọma ḅẹm. Tamụnọ wamịna asi kịẹn wamịna ọgọnọ gbana-a, tẹ ọ̀ mịẹtẹ in ḅo ori ikiapụ sọarị ḅara mẹ ḅẹ oku mẹ kẹ wa pịrị tẹ wa mu ḍukoo.

Galesiya 2:7

Anie nakara, ini ẹrịm mịnẹ Tamụnọ iḅi-oku mẹ ḍuko Ja asịẹ ḅẹ apụ ma pịrị fịrị mẹ kẹ ị̀ pịrị tẹ, ori iḅi oku mẹ ḍuko Juu-ḅẹ-apụ ma pịrị fịrị mẹ kẹ Pita pịrị gbọrụ ḅara mẹ.

1 Timoti 6:20

Timoti, ịn kẹ ị́ ḅarasụa wararị ye mẹ wẹrị kpaịnmaa. Ofori-ofori ẹkwẹn na oḅori ye anụnụa, tẹ ja atomi kura-a ḅara kẹ “Nimi” sịn-arị ye mẹ ḍiki ḅụụ kịẹn.

Hiburu 5:12

Ọ́ sakị nyana lamam, ọ́ kẹ ye kẹ ja apụ toluma ḅẹ apụ sọ — anịsọ ọ́ paa ḅiiarị kịnị Tamụnọ oku mẹ ḅẹ Suku-saakị aị ma kẹ ó tolumaa, mịọkụ mẹ ḅụ sọ. Ọ́ kụrọtẹ fịye fị ḅẹ nakara, ọ́ paa ndo-ndoarị.

1 Pita 4:11

Ḅẹḅọ-ḅẹḅọ tẹ Tamụnọ ẹkwẹn kọn-arị ḅọ, mḅọ Tamụnọ oku ma ḍukoo; ḅẹḅọ-ḅẹḅọ tẹ fịrịmẹnjịarị ḅọ mḅọ Tamụnọ kẹ mḅọ pịrịarị ịnyọ ḅụ mẹnjịị, mịẹtẹ ye mamgba ḅụ tomi Jizọsị Kịrayịsị ḅụ ḅọrọ tẹ Tamụnọ tokini ḅẹ ḅara, anie ebube na kụrọ na sime pịrị ḅọ ḅe, mu ḅẹ sakị, ḅẹ sakị la. Amẹnị.

Mịẹfinji 19:10

Àrị ọ̀ ḅụọ-suku ḅịkị koro tẹ ọ̀ tẹkẹ ḅẹ-yearị ogbo ori ị̀ ḅẹẹm, “Ọkọ mịẹ ma! Yẹrị sọ kọkọ, ị́yẹrị na ị́ amịnapụ ma na, inimgba tẹ Jizọsị kẹ tomi ḍie karakara mẹ minini tẹ ọlọ-sịẹma wararị apụ ma, pembema fịrịmẹnjịḅọ. Sunsin Tamụnọ pịrịị!” Gbala Jizọsị mịẹfinji karakara mẹ anie ịkịankoroapụ ma tẹmẹ jikearị ye.

Mịẹfinji 22:6

Anịtẹso enjẹlị ḅe nwẹnị ị̀ ḅẹẹ, “Mịna ẹkwẹn ma karakaram, pịkị kẹ ḅiokpọma na-iḅim, KỊNỊNYANA-TAMỤNỌ ḅe, tẹ amịna Tẹmẹ kẹ ịkịankoroapụ ma pịrịarị ḅọ ḅe, ori enjẹlị fịrịma tẹ ori ala-a sakị ḅụ paka ḅarị ye mẹ kẹ ori afịrịmẹnjịapụ ḍie tẹẹ.”