Romu 10:3 - FỊAFỊA BAỊBỤLỤ

³ Tamụnọ ḅọrọ tẹ tomi kẹ ọ̀ ḅụụ karakara ḅụ wẹrịarị ḅọkọ mẹ in nimi-a; anie nakara ini ḅarana ḅụụkụrọma tẹ ḅọkọ ḍọkị amịna ḅụụ pịrịarị; miemẹ ẹrẹsị in ḍụkụ tẹ sịḅị-tuu Tamụnọ kẹ tomi kẹ karakara ḅụ wẹrịarị ḅọkọ mẹ pịrị-a.

Romu 10:3 Iomraidhean Croise

Nehimaya 9:33

Anịsọ ị́ karakaram, wamịna ọgọnọ gbana ye mamgba ḅụ; kẹ gotẹ ọkọ ḅẹẹarị, ị́ ị́ minini ye kokom, wamịnị masi si-sịḅịḅio-sụam.

Jobu 33:27

tẹ tomina tọrọkọ nume-suu tẹ ḅẹẹ, ‘À si mịẹm, tẹ kuraye mẹ pịkị iḅom, tẹ ini anị kẹ ị̀ gbẹẹ-a;

Devidi-Anume 71:19

Tamụnọ, ị́ karakara mịẹ mẹ iwo mu So-tọrụ laarị. Í opu akọrịnama kọrị tẹ; ị́ kịka gbọrụḅọ-sọ ofori.

Ayịzaya 51:1

KỊNỊNYANAḄỌ ḅe mẹẹ: Ḅọrọma ḅẹ-ḅiiarị apụ, ọmịnị ì pokii, ọmịnị ḅarasụa gotẹ ị̀ ḍọkụma-ḅoarị apụ. Ọmịnị ini ó puu-pakama-ḅo ịkụ mẹ kẹ ḅiokoromaa, olulu mẹ tẹ ini ó soku-pakamaḅo anga mẹ.

Ayịzaya 51:6

Ọ́ tọrụ saakị So ḍikii; ó kiri mẹ ḍikii! Kịnị ḅarị So mẹ ẹrị ḅịa, onwin kaan so ye ọkụ. Kiri mẹ elemutẹ kapa kịka tẹ sịkịrị-faa ḅa, tẹ tomi mamgba ọmọmọ kịka tẹ fịị sara ḅa. Kụma arị ọkị-ḅoarị ḍụa-ḅọrọma mẹ sime gbamaso ḅa; ì owu-ḅara-iḅi mẹ kunoma ye sọ ḅa.

Ayịzaya 51:8

ini ịmaịn ḅarị ḅara akarakaraḅa pẹị siin tẹ ḅịtẹ kịka ḅa! Kụma àrị ọkị-ḅoarị ḍụa-ḅọrọma mẹ sime gbamaso ḅa; ì owu-ḅara-iḅi mẹ sime mu ḅẹẹ-sakị ḅẹẹ-sakị la ḅa.”

Ayịzaya 56:1

KỊNỊNYANAḄỌ ḅe ori atomi ḅẹẹarị: “Kịnị-inoma ofori ye na kuraye na mịẹẹ, kẹ gotẹ ọkọ ḍukoarị, ala-a àrị ọ́ ḅọrọma ḅa.”

Ayịzaya 57:12

Ó kuromarị ọ́ mịẹarị aị ma kura-aị, kụma à mịẹ tẹ kịnị ọmịna ye-mịẹ-ḅara mẹ nimi ḅa, anịsakị ọmịna oru-afụḅara ma inetẹ ḅarasụa ọ́ pịrị ḅịa.

Ayịzaya 64:6

Wamịnị-mgba si-mịẹapụ sọ tẹ, wa mịẹ tẹ kẹ iḅi tẹịn ye sịn-arị aị ma ḅụrụtẹ aị famam; wamịna asi ma ẹrẹsị wa ḅo samụnọtẹ ịnyịnya tẹ fẹrụ kẹ fiin soarị aị kịkarị.

Kururu Owu-apọkọ 3:22

KỊNỊNYANAḄỌ ḅe jike-a ḅẹlẹma mẹ gbala-gbala daasịẹ-sịẹ-a, ori ọkụrụkụrụ mẹ gbala-gbala kunoma kunoma-a.

Danẹlị 9:24

“Kụra atesi oyi finji-finji sọnọma akiri anie Tamụnọ tọn-pẹlẹm ọ̀ kẹ ị́ atomi ma na ị́ fịafịa ama mẹ na pakama-ḅo si na siye na ḅio. Ò si-wẹrịso tẹ tomi karakara mịẹ gbamaso ḅa, mịẹtẹ ị́ ẹrị ịkịan mẹ na í koro-ịkịan mẹ na ḅo karakara ye sọ tẹ in siin fịafịa Tamụnọ-warị mẹ wẹrị fịafịama ọ̀ pịrị ḅa.

Lẹvitikọsị 26:41

anie mịẹtẹ arị ini na tụḅụrụ ḅara mẹnjị tẹ ini ọkị-ḅo ini na fịya-a apụ ama ḅio suu ye; anị sakị rẹ ịn nwẹnị ịna ḅụụ-pẹlẹa ḅioḅẹngbọ mẹ ḅụụ iderima, tẹ ini ịna mịẹ-irima ḅụ ịna ḅụụ mịẹ tẹlẹma ḅẹḅẹ.

Luku 10:29

Kụma Oloko tolumaḅọ ḅe paa amịna ḅụụ kẹ iḅi kiri sịẹma ḍọkị ḅụ nwẹnị Jizọsị ḅii, “Ị̀ na kpeki tẹ anga ḅọ ḅọrọ tụḅọ?”

Luku 16:15

Jizọsị nwẹnị ịn ḅẹẹ, “Ọmịnị anie tomina tọrụ iḅi ọkị ḅẹ ḅara kẹ ye mịẹarị apụ, kụma Tamụnọ ọmịna ḅioḅẹngbọ sime ye nimi wararị. Tomi kẹ opu ye sịn-arị ye Tamụnọ tọrọkọ gberie-sọ gberie-a.

Romu 1:17

Kẹ gotẹ ọkọ ḍukoarị, iḅi-oku mẹ anie ḍie-pakamarị Tamụnọ mịẹtẹ tomi ori na ḅẹrẹ famarị ḅara; minini nyana ḅụ mie anị saakịarị ye, pịkị mu kunomarị ye. Anie pịkị fịafịa ḍiri mẹ ḅẹẹ ḅara, “Minini ḅụ ḅọrọ tẹ Tamụnọ na ḅẹrẹ-fama tẹ ḅọ mẹ anie ḍumo ḅarị ḅọ.”

Romu 10:2

Àrị àrị ine-ḅara, ine-ḅara mịẹ tẹ ó nimi ḅẹ ḅara mịnẹ ini ma ịn tẹmẹ-la ḅara kẹ Tamụnọ ḅụụ sịrẹrẹ wararị, kụma ịn kẹ ọ̀ ḅụụ sịrẹrẹ ḅara mẹ karakara nimi anị ḅụ ofori.

Romu 10:20

Ayịzaya gbọrsịḅị ye kikima-a ḅara kẹ ḅẹẹarị, “Ị̀ ḍọkị sime-a apụ rẹ ị̀ ḍọkị ẹrịm; àrị ị̀ ḅụụ pakama ì gbela sime-a apụ rẹ pịrịm.”

Romu 11:7

Anịtẹso sakị tiye paka? Izirẹlịapụ ma ịn ḍọkị sime ye mẹ ini ẹrị-a. Tamụnọ sẹlẹ-ọkị kala apụ ma anie anị ẹrị ye; kirikọn-apụ ḅeri-iningima Tamụnọ sịn-ḅịḅị mẹ pịrịm.

Romu 3:22

Jizọsị Kịrayịsị ḅụụ minini nyana anie Tamụnọ kẹ kịnị kẹ karakara ḅụ wẹrịarị. Kịrayịsị minini apụ mamgba Tamụnọ ọkọ mịẹ ịn pịrịarị, gbala-gbala ọ̀ kịrị pakama-a.

Romu 3:26

Ò gotẹ miemẹ mịẹ ye, kẹ ọ̀ karakara mịẹ mẹ ḍie-pakama mị sakị mẹ ḅụ, mie ḅụ ọ̀ karakara mịẹḅọ sọ tẹ, ọ̀ pịkị Jizọsị ḅụụ minini nyana tomḅọ mẹ sọ kẹ karakara mịẹ ḅọ sọma tẹ.

Romu 5:19

Anie anị pịkị sime-ḅara, gbọrụ tomḅọ ḅịḅị poki-a inweni-mgba kẹ si-mịẹapụ sọma ḅara anie gbọrụḅọ ḅịḅị poki pịkị Tamụnọ tọrọkọ inweni-mgba kẹ karakara kiri ḅụ sịẹma ḅarị ḅara.

2 Kọrịntị 5:21

Kịrayịsị ḅụụ gbọrụ si sọ ofori, kụma wamịna sịḅị gotẹ Tamụnọ mịẹtẹ ọ̀ wamịna si ḅụ ḍiekiri nyanam, mịẹ tẹ wamịnị sọ, ori na gbọrụ ḅụ sime ḅụ, Tamụnọ karakara mịẹ mẹ ḅụ ḍiekiri nyana ḅẹ ḅara.

Ditẹrọnọmị 6:25

Anịsakị anị karakara ye sọ wa pịrị ḅa KỊNỊNYANAḄỌ wamịna Tamụnọ ḅe tọrọkọ, wa nwẹnị ḅụụ ẹbị tẹ ọ̀ tọn wa pịrị tẹ ḅara ḅụ ma oloko mamgba koko tẹ mịẹ kụma.

Filipayị 3:9

tẹ ḅo busunutẹ ḅara kẹ ori na gbọrụ ḅụ sime ḅa. À ḅarị jen kẹ ị̀ ḅara-kuḅu ḅẹ karakara mịẹ nyana-a, anie tomḅọ Oloko koko ḅụ nyana ḅarịye mẹ. Mịọkụ à Kịrayịsị ḅụ minini ḅụ nyana, nyana karakara mịẹ mẹ nyana tẹ, Tamụnọ ḅara ḅo karakara mịẹ mẹ, tẹ minini ḅụ sịrẹrẹ wararị ye mẹ.

2 Pita 1:1

Sayịmọnị Pita, Jizọsị Kịrayịsị omoniḅọ, pịkị ọ̀ fịrịmẹnjịḅọ ḅe ḅara ḅo ḍiri ịn kẹ: Inima tẹ wamịna Tamụnọ pịkị wa Ḅọrọmaḅọ Jizọsị Kịrayịsị karakara mịẹ ḅụ ḅọrọ tẹ wa nyana yelatẹ minini ye mẹ nyana wararị apụ ma pịrị ḍiri mẹ: