Romu 1:4 - FỊAFỊA BAỊBỤLỤ

⁴ kụma Tamụnọ kịka fịafịa sime-ḅara ḅụ, Tamụnọ fịị ḅụ ọ̀ saakịma tẹ opu kụrọ ḅụ ḍie-pakama tẹ mịnẹ ori Tamụnọ Tụḅọọ.

Romu 1:4 Iomraidhean Croise

Matiyo 4:3

Anịtẹso Ekwesu ḅe nwẹnị ọ̀ dama-ḅo tẹ ọ̀ ḅẹẹ, “Ị́yẹrị kọkọ Tamụnọ Tụḅọ. Tọn mịna ḍụḅarị apakịrị ma pịrị tẹ arị fịturu kpo kpo sọ.”

Fịrịmẹnjịapụ 17:31

Kẹ gotẹ ọkọ ḍukoarị, ori ene pẹlẹ wararị, ọ̀ karakara ḅụ bebe tomikiri mẹ kọn ḅẹ ene, ori sẹlẹ ọkị tẹ gbọrụ tomḅọ ḅe ḅara ḅụ. Ori anị ḅẹ elekima kẹ ọrụḅọ-ọrụḅọ ḍie tẹ, fịị ḅụ anị tomḅọ ḅe saakịma ḅụ!”

Fịrịmẹnjịapụ 2:24

Kụma Tamụnọ fịị ḅụ ọ̀ saakịma tẹ mịẹtẹ fịị ḅarị ọ̀ ḅụụ kụrọ nyana-a; gbala anị sime-ḅara ḅụ, fịị inetẹ ọ̀ ḅụụ kụrọ nyana tẹ ọ̀ kẹ ikoli suu wẹrị ḅịa.

Fịrịmẹnjịapụ 2:32

Ḅị gbọrụ Jizọsị ḅe mie Tamụnọ fịị ḅụ saakịma ḅọọ, tẹ wamịnị-mgba mị karakaraye mẹ nimi tẹ ḍuko ḅẹ apụ.

Fịrịmẹnjịapụ 3:15

Ọ́ nwẹnị ḍumo pịrị ḅọ ḅe rẹ ḅaa, kụma wamịnị-mgba kiri yọ sime tẹ ẹrị ḅara ḅụ, Tamụnọ fịị ḅụ ọ̀ saakịmam.

Romu 1:3

Mị Iḅi-Oku mẹ, Wanyanaḅọ Jizọsị Kịrayịsị ọ̀ Tụḅọ ḅe gbolomayee, anie tomḅọ ḅara ḅụ Devidi furo paka-ḅo ḅọ ḅe;

2 Kọrịntị 13:4

Kẹ gotẹ ọkọ ḍukoarị, karakaraye, ịnyọ ofori ḅụ ini ọ̀ kẹ ẹngbẹsẹ-sịn mẹ ḅụ ḅakụ ḅaam ḅẹsọ, Tamụnọ kụrọ ḅụ mie mịọkụ ò ḍumoarị. Wa ori na gbọrụ ḅụ emi tẹ ịnyọ nyana-a ḅara, kẹ emi; kụma wamịnị na ọmịnị na gboloma ḅụ wa Kịrayịsị ḍumo mẹ ḅụ ḅọrọ tẹ Tamụnọ kụrọ mẹ ḅụ ḍiekiri nyana ḅa.

Hiburu 9:14

Miemẹ karakara ye sakị goyegoye, Kịrayịsị ọmbie mẹ kpọma ọkọ nẹngị ḅara mịẹ tẹ! Sime gbamaso Tẹmẹ ḅe ḅụ mie ọ̀ ḅọrọ tẹ ọ̀ ḅụụ kẹ la tẹ agba mịẹ Tamụnọ pịrị ye. Ori ọmbie mẹ wamịna tẹmẹ aḅioḅẹngbọ ma sịkịrị fịafịama ḅa, ye ḅụ ofori amịẹaị ḅụ, mịẹtẹ wa fịrịmẹnjị ḍumo wararị Tamụnọ ḅe pịrị ḅẹ ḅara.

1 Pita 1:11

Ịn pịkị ḍọkị-nimi ḅẹm, sakị mẹ na, anị ḅo ḅẹ ḅara na. Mị sakị mẹ mie Kịrayịsị Tẹmẹ ḅe tẹ ịna ḅụụ ḅio sime ḅọ ḅe ḅara kẹ tọkịma sime ye, tẹ ịn nwẹnị Kịrayịsị ye-inema alama ḅụ ẹrị ḅẹ atọrụsiẹrị ma na arị ḍuka ma-ḅo ḅarị ebube mẹ na ḅẹ ịkịan kuro.

2 Pita 1:21

Kẹ gotẹ ọkọ ḍukoarị, gbọrụ ịkịankoro ẹkwẹn sọ amụ jene-jene tomḅọ kuroma ḅụ ḅo-a, kụma Fịafịa Tẹmẹ ḅe ḅẹrẹtọn tomina aḅioḅẹngbọ pịrịarị ogbo mie ịn Tamụnọ ḅara ḅo oku mẹ ḍuko ye.

Mịẹfinji 1:18

Yẹrị anie ḍumo wararị ḅọ ḅe! À fịịm, kụma mịọkụ à ḍumo wararị, mu ḅẹ sakị ḅẹ sakị la. À kụrọ nyana wararị fịị ḅụ, pịkị Ḍuḅu ḅio ḅụ.

Mịẹfinji 19:10

Àrị ọ̀ ḅụọ-suku ḅịkị koro tẹ ọ̀ tẹkẹ ḅẹ-yearị ogbo ori ị̀ ḅẹẹm, “Ọkọ mịẹ ma! Yẹrị sọ kọkọ, ị́yẹrị na ị́ amịnapụ ma na, inimgba tẹ Jizọsị kẹ tomi ḍie karakara mẹ minini tẹ ọlọ-sịẹma wararị apụ ma, pembema fịrịmẹnjịḅọ. Sunsin Tamụnọ pịrịị!” Gbala Jizọsị mịẹfinji karakara mẹ anie ịkịankoroapụ ma tẹmẹ jikearị ye.