Romu 1:3 - FỊAFỊA BAỊBỤLỤ

³ Mị Iḅi-Oku mẹ, Wanyanaḅọ Jizọsị Kịrayịsị ọ̀ Tụḅọ ḅe gbolomayee, anie tomḅọ ḅara ḅụ Devidi furo paka-ḅo ḅọ ḅe;

Romu 1:3 Iomraidhean Croise

Suku-saakị 3:15

À fịya-a kẹ ị́yẹrị na, ẹrẹḅọ ma na ogboku koroma ḅa, pịkị í furo-ḅẹ-ḅọ na, á furo-ḅẹ-ḅọ na; á furo-ḅẹ-ḅọ ị́ sịḅị fomu kọsịma ḅa, anịsakị ị́yẹrị mḅọ ḅụọ-tongu gbọn ḅa.”

Devidi-Anume 2:7

Amadaḅọ ḅe ḅẹẹm, “À KỊNỊNYANAḄỌ ḅe ḍuko ye mẹ ḍuko wasama ḅa. Ori ị̀ ḅẹm, ‘Ị́yẹrị ì owiḅọtụḅọ, mịmgba à ḅo ị́ ḍa sọ tẹẹ.

Jerimaya 33:26

Tẹ piki-pikiye-ofori ḅara ḅụ, à kẹ anie mịẹ gbọrụ ḅara mẹ mie à kẹ Jekọbụ furo-ḅẹ-apụ na ị̀ fịrịmẹnjịḅọ Devidi ḅe na fị wararị ọḅọkụ mẹ koko kpaịnma ḅarị ḅara. À Devidi furo ḅẹ gbọrụḅọ sẹlẹ pakama-ḅo tẹ ọ̀ ḅẹrẹtọn Ebira-amụ na, Ayịzịkị na Jekọbụ furo-ḅẹ-apụ ma pịrị ḅa. Àrị ọkụrụkụrụ nyana ị̀ atomi pịrị tẹ mịẹ tẹ in siin lọkọlọkọ ḅa.”

Emọsị 9:11

“Anị ene mẹ ḅụ, à siin Devidi ama-da yọ mẹ pakama-ḅo ḅarị sakị mẹ, anie kaan-sara tẹ warị kịkarị ye mẹ. À siin anị ḅẹ onu ma tẹlẹma tẹ anị tarị ḅara mẹ sime ḅa. À siin anị nama tẹ anị mịẹ tẹ anị iḅere-iḅerea kụra ḅio ḅara mẹ sime ḅa.

Matiyo 1:1

Nwẹn goo ḅarị apụ ma anie Jizọsị Kịrayịsị atẹngịapụ ma. Ori Jizọsị Kịrayịsị ḅe Devidi furo ọ̀ pakam, anie Ebira-amụ furo-ḅẹ-ḅọ ḅe.

Matiyo 1:6

Jese anie Amadaḅọ Devidi ḍa. Devidi anie Sọlọmọnị ḍa (ò iyingi anie tarị-tarị Yuraya na sime ẹrẹḅọ ma),

Matiyo 12:23

Tomina-ogbo-ogbo mamgba Jizọsị kọrị ye mẹ ẹrị tẹ ḅụụ-buam. Ịn nwẹnị gbela, “Ḅieḅe inetẹ Devidi Tụḅọ ḅe sọ ḅịa aro?”

Matiyo 15:22

Kenanị ḅẹ ẹrẹḅọ anịjụ anga simem. Á nwẹnị Jizọsị dama-ḅo tẹ oloku ḅụ ọ̀ ḅẹẹ, “Devidi Tụḅọ! Ọkụrụkụrụ nyana ị̀ pịrịị. Oru ḅalafama ḅara kẹ ị̀ ẹrẹḅọtụḅọ ọlọ koroma wararị.”

Matiyo 26:63

Kụma Jizọsị nwẹnị gbọsime. Sịḅịda-Agbamịẹḅọ ḅe nwẹnị siin ẹkwẹn ọ̀ pịrị, “Mịọkụ à ḍumo wararị Tamụnọ ḅe ẹrẹ kẹ ye kẹ ị́ karị tẹ: ḍuko wa pịrị, ị́yẹrị Mẹsaya, Tamụnọ Tụḅọ ḅe ḅẹḅẹ.”

Matiyo 27:43

Ọ̀ kọkọ Tamụnọ kẹ ḅiokpọma tẹ pịkị ọkị wararị mịnẹ ori Tamụnọ Tụḅọ. Anie ḅẹḅẹ, iḅim, ó yee wa ḍiki mịọkụ Tamụnọ ḅo ọ̀ ḅọrọma ḅarị ḅoto!”

Matiyo 3:17

Anịtẹso gbọrụ pọkọ nwẹnị So-ḅio sime tẹ ḅẹẹ, “Ḅie ì ḅẹlẹma Tụḅọ ḅee, ọ̀ ḅụụ à ḅioḅẹlẹ nyanam.”

Matiyo 9:27

Jizọsị anịanga so tẹ mẹnjị muarị ogbo tọrụngbọ-pụụntẹ maa owiapụ saakị ò ḍukamẹnjị mẹnjị tẹ olokum, “Devidi Tụḅọ, ọkụrụkụrụ nyana wa pịrịị.”

Luku 1:35

Enjẹlị ḅe nwẹnị pakịrị, “Fịafịa Tẹmẹ ḅe ị́ ḍọkụma-ḅo ḅa, tẹ Tamụnọ kụrọ mẹ ị́ ọgọnọ gbana ḅa. Ọkọẹrẹsị í iyi ḅarị fịafịa tụḅọ ḅe ini ọ̀ sịn ḅa Tamụnọ Tụḅọ.

Luku 1:69

Ori opu Ḅọrọmaḅọ kẹ wa pịrị tẹ, ọ̀ fịrịmẹnjịḅọ Devidi furo mẹ ḅụ paka-ḅo.

Jọnị 1:14

Ẹkwẹn ḅe ḅo tomḅọ sọm, tẹ wamịnị na angam, tẹ ḍiki-ḅụụjịrị na karakara na ọ̀ ḅụụ ḅio ḅinm. Wa ori ebube mẹ ẹrịm, anie Ḍaḅọ ḅe kpọkpọ gbọrụ Tụḅọ ḅara ḅụ ọ̀ nyana ebube mẹ.

Jọnị 1:34

Jọnị ḅẹẹm, “Àrị ọkọ kẹ anị ẹrị tẹ ḅẹ sakị à ḍuko ọ́ pịrịarị mịnẹ Ori anie Tamụnọ Tụḅọ ḅee.”

Jọnị 1:49

Natanịyẹlị nwẹnị pakịrị, “Ye-tolumaḅọ, ị́yẹrị anie Tamụnọ Tụḅọ ḅee; ị́yẹrị anie Izirẹlị Amadaḅọ ḅee.”

Jọnị 10:30

Ḍaḅọ ḅe na ị̀ na gberie.”

Jọnị 10:36

ndẹẹ mịọkụ ọmịnị inetẹ ḅẹẹ ḅẹ mịnẹ Ḍaḅọ ḅe sẹlẹ-ọkị tẹ kẹ tomikiri fịrịma ḅọ ḅe Tamụnọ fie-simarị à ḅẹẹm, ‘yẹrị Tamụnọ Tụḅọ’ gotẹ?

Jọnị 20:28

Tọmọsị nwẹnị ọ̀ pakịrị, “Ị́ nyanaḅọ, pịkị ị̀ Tamụnọ!”

Jọnị 20:31

Kụma nwẹn kẹẹ wararị aị ma gotẹ kẹẹ ye anie mịẹtẹ ó minini ḅẹ ḅara mịnẹ Jizọsị anie Mẹsaya, Tamụnọ Tụḅọ ḅee, anịsakị ọmịnị ọ̀ ḅụụ nyana minini ḅụ ọ́ ḅọrọtẹ ḍumo nyana ḅarị ḅara.

Jọnị 5:25

À karakara mẹ ḍuko ọ́ pịrịarị, sakị mẹ ḅoarị — mịọkụ sọ anị ḅo la tẹẹ — anie fịtẹ-apụ Tamụnọ Tụḅọ ḅe ẹkwẹn mẹ naa ḅẹ sakị mẹ, tẹ anị naa tẹ anị ḅẹẹ ḅara mịẹ apụ ḅo ḍumo ḅụ sọ ḅa.

Jọnị 7:42

Fịafịa Ḍiri mẹ ḅẹẹarị mịnẹ Mẹsaya ḅe Ama-da Devidi furo ḅụ mie ọ̀ paka-ḅo ḅarịye, tẹ Bẹtịlịhẹmụ ḅụ mie ọ̀ pịkị iyi ḅarịye, Devidi anga ama mẹ.”

Fịrịmẹnjịapụ 2:30

Ori ḅe ịkịankoroḅọọ, ọ̀ pịkị Tamụnọ minini ọ̀ pịrị ye nimim. Tamụnọ ye karị ḅara kẹ mininim mịnẹ ò Devidi furo ḅụ paka-ḅo kẹ ama-dama ḅa, ori Devidi ḅe sime-ḅara sime ḅọ.”

Fịrịmẹnjịapụ 3:13

Ebira-amụ na Ayịzịkị na pịkị Jekọbụ na sịḅị-tuu pịrị Tamụnọ ḅe, anie wamịna atẹngịapụ ma sịḅị-tuu pịrị Tamụnọ ḅe anie ebube kẹ ọ̀ Fịrịmẹnjịḅọ Jizọsị pịrị yee. Kụma ọmịnị ọ̀ saakị kụrọ-ḅara ḅụ simearị apụ ma pịrị, tẹ Payịleti tọrọkọ ọ̀ sịkịm, ori ḅioju sọ tọn-pẹlẹ tẹ ori ọ̀ ḅụụ ḅara-siin tẹ ò so ḅa.

Fịrịmẹnjịapụ 8:36

Ini etela mẹ ḅụ ideri koro mu minji sime anga la tẹso, Fịrịmẹnjị-opuḅọ ḅe nwẹnị ḅẹẹ, “Mịanga minji emi sakị, tiye pịkị ì kiki ḅẹ minji sara ḅụ.”

Fịrịmẹnjịapụ 9:20

anị gbọrụ sakị ḅụ ọ̀ nwẹnị Juu-ḅẹ-apụ ma ama-awarị ma mu, mu tẹ saakị ẹkwẹn ịn pịrị mịnẹ Jizọsị ḅe Tamụnọ Tụḅọọ.

Romu 1:9

Àrị ì ḅioḅẹngbọ mẹmgba kẹ fịrịmẹnjị pịrịarị Tamụnọ ḅe, ọ̀ Tụḅọ ḅe Iḅi Oku mẹ ḍuko wasama ḅụ, nimi wararị tẹ ḍuko ḅa mịnẹ à karakara ye ḍukoarị. Tamụnọ nimi wararị mịnẹ

Romu 4:1

Ó yee wa wamịna elemu ḍaḅọ Ebira-amụ kẹ tọnma, ọ̀ ḅụụ anị tọ-ḅara sime ḅoto.

Romu 9:3

ị̀ amịnapụ ma gotẹ, anie ị̀ na gbọrụ ịla ḅio paka-ḅo apụ ma. Ịna sịḅị ẹrẹsị Tamụnọ wori-nume ḅo ị̀ la tẹ, à Kịrayịsị ḅụ pẹlẹ-so sọ, à sịkị-a.

Romu 9:5

eresoarị Hiburu ḅẹ atẹngịapụ ma furo mie ịn paka ye; tẹ Kịrayịsị, tomḅọ ḅara ḅụ, pịkị ịna furo ḅụ paka-ḅom. Yee tomi, Tamụnọ, ḅẹrẹtọn tomikiri mẹmgba pịrịarị ḅọ ḅe, tokini gbamaso! Amẹnị.

1 Kọrịntị 1:9

Tamụnọ anie ḅioḅẹngbọ-kẹ-sịrẹrẹ-niḅi ḅọ, anị Tamụnọ ḅe tẹ ọ́ sịn ḅo ọ̀ Tụḅọ Jizọsị Kịrayịsị wa Nyanaḅọ ḅe na gboloma ḅọ ḅe.

1 Kọrịntị 10:18

Ọmịnị Izirẹlịapụ kẹ ḅiokoromaa. Agbamịẹ-aị ḅụ ḅẹ aị fịarị apụ ma, agbamịẹ-anga mẹ ọgọnọ ịn mẹnjị Tamụnọ pịrịarị fịrị mẹ ini sọ, sọ tẹ mẹnjị tẹ.

Galesiya 4:4

Kụma kunoma ḅụ karakara sakị mẹ ḅo la tẹso, Tamụnọ ọ̀ Tụḅọ kẹ fịrịmam. Tomikiri ḅẹ iyingiḅọ iyi tụḅọ ḅara mie ọ̀ kẹ ḅo tẹ Juu-ḅẹ-apụ Oloko mẹ suku-ḅio anga ye,

1 Tẹsalonịka 1:10

tẹ ọ́ pịkị kẹ ọ̀ Tụḅọ ḅe So-ḅio sime tẹ ḅo ḅẹ sakị mẹ koruarị ḅara mẹ na — ọ̀ Tụḅọ Jizọsị ḅe, tẹ ọ̀ fịị ḅụ saakịma ḅọ ḅe, tẹ Tamụnọ ịganị tẹ ḅoarị ye mẹ ḅio wa pụkọ-pakamaḅoarị ḅọ ḅe.

1 Timoti 2:5

Kẹ gotẹ ọkọ ḍukoarị, gbọrụ Tamụnọ ngẹrị emi, tẹ Tamụnọ na tomi na kẹ ḅo gbolomarị ḅọ pịkị gbọrụḅọ, anie Kịrayịsị Jizọsị Tomḅọ Ḅe,

1 Timoti 3:16

Gbọrụḅọ-sọ inetẹ pịkị ḅịa mịnẹ wamịna Tamụnọ etela mẹ ḅụ gbọrụ kikima wararị opu ye emi: Tomina sime-ḅara ḅụ ọ̀ paka-ḅom, Tẹmẹ ḅe ọ̀ karakara mẹ ḍie-pakamam, enjẹlị apụ Ori ẹrịm. Sịẹ-sịẹ ma ogboku ini ò ḍuko-pakamam, bebe tomikiri mẹ ḅụ tomi ò mininim, tẹ Tamụnọ ọ̀ kẹ iwo so mum.

2 Timoti 2:8

Jizọsị Kịrayịsị kẹ ḅiokoroma, Tamụnọ fịị ḅụ saakịma ḅọ ḅe, anie Devidi furo paka ḅọ ḅe, à ḍukoarị Iḅi Oku mẹ ḅụ à toluma ḅara ḅụ.

1 Jọnị 1:3

Wa ẹrị tẹ pịkị naa tẹ ye mẹ, wa ḍuko wasama ọmịnị sọ pịrịarị, mịẹtẹ ọ́ wamịnị na sọ tẹ wa Ḍaḅọ ḅe na ọ̀ Tụḅọ Jizọsị Kịrayịsị ḅe na nyanarị gbọrụ ḅụ sime mẹ nyana ḅẹ ḅara.

1 Jọnị 3:23

Ọ̀ sụa oloko mẹ anie, wa ọ̀ Tụḅọ Jizọsị Kịrayịsị ḅe minini tẹ jụmọ-jụmọ ḅẹlẹmaa, Kịrayịsị tọn wa pịrị gbọrụ ḅara mẹ.

1 Jọnị 3:8

Ḅẹḅọ-ḅẹḅọ tẹ paa si mịẹ ma tọrọkọ muarị ḅọ mẹ mḅọ sime Ekwesu ḅe pịrịm, kẹ gotẹ ọkọ ḍukoarị, Ekwesu ḅe ọ̀ saakị Tamụnọ ḅịḅị kan kụra-ḅio, ò si mịẹ ma ḅo mịọkụ lam. Mị gbọrụ ye mẹ mie Tamụnọ Tụḅọ ḅe gotẹ tolu-paka ye, ori Ekwesu ḅe kọrị tẹ kọrịnama mẹ guluguluma ḅẹm.

1 Jọnị 4:15

Ḅẹḅọ-ḅẹḅọ tẹ minini tẹ ḍuko pakamarị mịnẹ Jizọsị anie Tamụnọ Tụḅọ ḅẹḅẹ, mḅọ Tamụnọ na gbọrụ ḅụ angarị, tẹ Tamụnọ pịkị mḅọ na gbọrụ ḅụ angarị.

1 Jọnị 5:1

Jizọsị anie Mẹsaya ḅe, minini ḅọ, minini ḅọ, anie Tamụnọ tụḅọ; anịsakị ḍaḅọ ḅẹlẹmarịḅọ mẹ pịkị mḅọ tụḅọ sọ ḅẹlẹmarị.

1 Jọnị 5:20

Wa karakara ḅara kẹ Tamụnọ nimi ḅẹ ẹrẹsị Tamụnọ Tụḅọ ḅe ḅo tẹ ò gboloma nimi mẹ kẹ wa pịrịm. Mịọkụ wa Tamụnọ na pịkị ọ̀ Tụḅọ Jizọsị Kịrayịsị ḅe na gbọrụ ḅụ angarị. Mị karakara ḅara mẹ kẹ Tamụnọ nimi mẹ anie pịkị sime gbamaso ḍumo mẹ.

1 Jọnị 5:5

Tụḅọ inetẹ tomikiri mẹ nẹngịma ḅẹ? Anị ḅọ mẹ tẹ, mininiarị mịnẹ Jizọsị anie Tamụnọ Tụḅọ nwẹn ḅẹẹ ḅọ mẹ kịngẹ.

2 Jọnị 1:7

Oḅori-kẹ-kịnịsịn-arị tọnwa-apụ paka anga, anga mu tẹ, bebe tomikiri mẹ ḅụ; arị atomi ma anie Jizọsị Kịrayịsị ḅo tomḅọ sọm mẹ pikiarị apụ. Ọkọ sime tomḅọ mẹ anie oḅori kẹ kịnị sịn ḅọ, pịkị Kịrayịsị-na-tụḅụrụḅọ.

Mịẹfinji 2:18

“Mị ḍiri mẹ kẹẹ tẹ kẹ Tayatira ḅẹ sọsị mẹ ḅẹ enjẹlị ḅe fịrịmaa: “Ḅie Tamụnọ Tụḅọ ḅe, tẹ tọrụngbọ fịnị kọrị ḅara kọrịarịḅọ ḅe, ori aḅụọ pịkị sịkịrị vịọịmatẹ ojo ḅịya ḅara ḅịyarị ḅọ ḅe kẹ fịrịma oku mẹ.