Romu 1:1 - FỊAFỊA BAỊBỤLỤ

¹ Pọlụ, Kịrayịsị Jizọsị fịrịmẹnjịḅọ ḅe, anie Tamụnọ sẹlẹ-ọkịm mịnẹ ori Iḅi-Oku mẹ ḍuko wasama ḅẹ ḅọ ḅe, mie mị ḍiri mẹ kẹẹ tẹ kẹ ọ́ fịrịma ye.

Romu 1:1 Iomraidhean Croise

1 Paka-aị 23:13

Amịramụ owiapụ-awọmẹ anie Erọnị, Mozizi na. Erọnị ini ò sikima kẹ fịafịa tẹịn aị ma mịẹ fịafịa ma pịrịm, mịnẹ ori na ori owiapụ-awọmẹ na sime KỊNỊNYANAḄỌ ḅe tọrọkọ kụnụaị dọkịma pịrị gbamaso ḅa.

Ayịzaya 49:1

Sụma anga simearị asịẹ, ọmịnị ì pokii, ọmịnị iḅere-iḅerea jụ angarị apụ! Tẹrẹmẹ àrị iyi paka-ḅo, KỊNỊNYANAḄỌ ḅe ị̀ sẹlẹ ọkị tẹ tọn tẹ arị ọ̀ fịrịmẹnjịḅọ sọọ.

Jerimaya 1:5

“Tẹrẹmẹ à ḍumo kẹ ị́ pịrị, àrị ị́ sẹlẹ pakama-ḅom, tẹ tẹrẹmẹ í iyi paka-ḅo, àrị ị́ sẹlẹ tẹ mịnẹ ị́ ị̀ ịkịankoroḅọ sọ sịẹ-sịẹ ma pịrị.”

Makị 1:14

Ịn Jọnị kun ikoli suu tẹso, Jizọsị Galili mu tẹ Tamụnọ ḅara ḅo Iḅi-Oku mẹ ḍukom.

Jọnị 12:26

Fịrịmẹnjị ị̀ pịrị ḅẹ-ḅiiarị ḅọ, ḅiiarị ḅọ ì ḍukamẹnjị ḅa, mịẹtẹ ị̀ fịrịmẹnjịḅọ ḅe à sime anga sime ḅarị ḅara. Anịsakị ị̀ Ḍa ḅe fịrịmẹnjị ị̀ pịrịarị ḅọ, pịrịarị ḅọ kẹ kụn nyana kiri ḅụ wẹrị ḅa.

Jọnị 15:15

À ḅarị jen kẹ fịrịmẹnjịapụ kẹ ọ́ sịn ḅịa, gbala fịrịmẹnjịḅọ ọ̀ sịḅịdaḅọ mịẹarị ye nimi nimi-a. Anie nakara ikiapụ mie à kẹ ọ́ sịn ḅarị ye, ị̀ Ḍa ḅe ḍuko ị̀ pịrị ye tẹ à ḍuko ọ́ pịrị-a ye ofori ẹrẹsị.

Jọnị 15:20

À ḍuko ọ́ pịrị tẹ ye mẹ ọ́ nwẹn kẹ ḅiokoromaa. Gbọrụ omoniḅọ sọ amịna nyanaḅọ nẹngị nẹngị-a. Ịn ḅaa-ḅọkọ kẹ ị̀ ḍọkịm ḅẹḅẹ, ịn pịkị ḅaa-ḅọkọ kẹ ọmịnị sọ ḍọkị ḅa; ini ì tolumaye mẹ ḍuko ḅara mịẹm ḅẹḅẹ, ịn pịkị ọmịna nye ḍuko ḅara sọ mịẹ ḅa.

Fịrịmẹnjịapụ 13:9

Anịtẹso Sọlụ, Pọlụ sọ ori ẹrẹ, Fịafịa Tẹmẹ ḅe ọ̀ ḅụụ sọ ḅin ḅara ḅụ, nwẹnị da-da majịkị-mịẹḅọ ḅe ḍiki

Fịrịmẹnjịapụ 20:24

Kụma à nwẹnị paa inetẹ Tamụnọ ḍiki-ḅụụjịrị mẹ ḅẹ Iḅi Oku mẹ ḍuko mẹ, anie KỊNỊNYANAḄỌ Jizọsị ḅe kẹ ị̀ fịrịma fịrị mẹ mẹnjị fama kụma, ì ḍumo à kẹ gberie-sọ sịn-a.”

Fịrịmẹnjịapụ 21:40

Ọmụapụ sịḅịdaḅọ ḅe nwẹnị kụrọ kẹ ọ̀ pịrị; mie ḅụ Pọlụ nwẹnị kpọlị iwo anga mẹ ḅụ sịẹ tẹ ḅara kẹ tomi ma dedema, in gbọsime ḅẹ ḅara. Ịn yaụ-sime tẹso Pọlụ nwẹnị Hiburu ḅịḅị kẹ ẹkwẹn ịn pịrị:

Fịrịmẹnjịapụ 22:21

KỊNỊNYANAḄỌ ḅe nwẹnị ị̀ ḅẹẹ, ‘Muu, arị ị́ kẹ ala-jụ, Ja asịẹ ḅẹ apụ ma fịrịma ḅa!’ ”

Fịrịmẹnjịapụ 22:7

À nwẹnị fuku kiri koro tẹ pọkọ naa, ị̀ ḅẹẹarị, ‘Sọlụ, Sọlụ, í tiegotẹ ḅaa-ḅọkọ kẹ ị̀ ḍọkịarị?’

Fịrịmẹnjịapụ 26:1

Agiripa nwẹnị Pọlụ ḅẹẹ, “À minini ị́ pịrị tẹ, ị́ ḅịḅị ḍukoo.” Pọlụ ọ̀ ḅara saakị-gelema tẹ mị ḅara kẹ ọ̀ ḅụụ ḍụam:

Fịrịmẹnjịapụ 26:14

Tẹ wamịnị-mgba nwẹnị fuku kiri koro; tẹ gbọrụ pọkọ nwẹnị Hiburu ḅịḅị kẹ ị̀ ḅẹẹ, ‘Sọlụ, Sọlụ, í tiegotẹ ḅaa-ḅọkọ kẹ ị̀ ḍọkịarị? Ị́ papaa ye kẹ ị́ ḅụụ lamarị, ị́ ḅụọ kẹ sịn tẹịn-arị ye mẹ, gbala pootẹ-nambulo ḅụọ kẹ ọ̀ nyanaḅọ ọlọ wararị sịn tẹịn ḅara.’

Fịrịmẹnjịapụ 27:23

À kẹ gotẹ ọkọ ḍukoarị, mị ḍin ị̀ nyana tẹ à tẹkẹarị Tamụnọ ḅe enjẹlị ḅo

Fịrịmẹnjịapụ 9:15

KỊNỊNYANAḄỌ ḅe nwẹnị ọ̀ ḅẹẹ, “Muu, gbala yẹrị ọ̀ sẹlẹ ọkị tẹ mịnẹ ori ị̀ fịrịmẹnjịḅọ sọọ, tẹ mịẹtẹ Ja asịẹ ḅẹ apụ na, ịna amadapụ na, Izirẹlịapụ na ị̀ ẹrẹ naa tẹ ì nimi ḅẹ ḅara.

Romu 1:16

À kpọma iḅi-oku mẹ ḅụ ḅiokpọ nyana lama wararị; anị anie Tamụnọ kẹ minini nyana apụ mamgba ḅọrọmarị kụrọ mẹ, tarị apụ, Juu-ḅẹ-apụ, na pịkị Ja asịẹ ḅẹ apụ sọ.

Romu 1:5

Ori ḅe ḅụ anie, anị Tamụnọ ḅụụ-ḅẹlẹ ḅara ḅụ, à Kịrayịsị fịrịmẹnjịḅọ sọ ye, tẹ mu ama sịẹ, sịẹ ḅụ simearị atomi mamgba mịẹtẹ ịn Kịrayịsị minini tẹ pịkị ọ̀ ḅịḅị poki ḅẹ ḅara.

Romu 1:9

Àrị ì ḅioḅẹngbọ mẹmgba kẹ fịrịmẹnjị pịrịarị Tamụnọ ḅe, ọ̀ Tụḅọ ḅe Iḅi Oku mẹ ḍuko wasama ḅụ, nimi wararị tẹ ḍuko ḅa mịnẹ à karakara ye ḍukoarị. Tamụnọ nimi wararị mịnẹ

Romu 11:13

Mịọkụ ọmịnị Ja asịẹ ḅẹ apụ mie à mị ẹkwẹn mẹ kọn pịrịarị; Tamụnọ ị̀ kẹ ọmịnị Ja asịẹ ḅẹ apụ ma fịrịmẹnjịḅọ mịẹ ye mẹ ẹrẹsị arị ị̀ kọrịnama mẹ kẹ ḅụụ-tọn ḅa.

Romu 15:16

anie Jizọsị Kịrayịsị fịrịmẹnjịḅọ, tẹ kọrịnama kọrị Ja asịẹ ḅẹ apụ ma pịrịarị ḅọ ḅara ḅụ, à gbala ḅọrọ Tamụnọ agbamịẹḅọ sọ ọ́ pịrị tẹ, Tamụnọ Iḅi Oku mẹ ḍuko ḅụ, mịẹtẹ Fịafịa Tẹmẹ ḅe anị ḅụ ḅọrọ tẹ Ja asịẹ ḅẹ apụ ma tẹlẹma tẹ kẹ Tamụnọ ḅụụ-ḅẹlẹ ḅẹ ḅara wẹrị tẹ, in ḅo ọkị na-iḅi agba sọ Tamụnọ pịrị ḅarị ḅara.

Romu 15:29

À ḅo ọ́ la sakị, à nimi wararị à ḅin tẹ ḅara kẹ Kịrayịsị boma mẹ kẹ ọ́ pịrị ḅa.

Romu 16:18

Mịna aị ma mịẹarị apụ ma, ịn Wa Nyanaḅọ Kịrayịsị ḅe fịrịmẹnjị-a, ịna pọkọ-ḅẹngbọ ịna ḅụụ ḅẹrẹ tẹịnm. Ḅịḅị ḅẹlẹ ẹkwẹn mie ịn kẹ ye-nimia-apụ ma furuma, furuma tẹ in toluma irimarị.

Romu 16:25

Ó yee wa boma kẹ Tamụnọ pịrịị! Ori anie inetẹ mịẹtẹ à kẹ ḅo ọ́ pịrị Jizọsị Kịrayịsị gboloma Iḅi-Oku mẹ ḅụ ó nyana minini mẹ ḅụ ọ́ sịẹ kụrọ ḅarịye; anie iḅere-iḅerea kụra-ḅio kikima sime karakara mẹ, tẹ ọ̀ mịẹfinji ye mẹ sime-ḅara ḅụ.

1 Kọrịntị 1:1

Yẹrị Pọlụ, Tamụnọ ḅụụ-ḅẹlẹ tẹ tọnm Kịrayịsị Jizọsị fịrịmẹnjịḅọ sọọ ḅẹẹ ḅọ ḅe na, wamịna mịnaḅọ Sosịtinisi na:

1 Kọrịntị 9:1

Yẹrị ị̀ sịḅị nyana tomḅọ! Yẹrị Kịrayịsị fịrịmẹnjịḅọ! Wanyanaḅọ Jizọsị Kịrayịsị ḅe jen sakị àrị ori ẹrị tẹẹ! Anịsakị à kọrị KỊNỊNYANAḄỌ ḅe pịrị kọrịnama mẹ anị ḅụ paka-ḅo ye pịkị ọmịnị!

2 Kọrịntị 1:1

Yẹrị Pọlụ, Tamụnọ minini ḅara ḅụ, Kịrayịsị Jizọsị fịrịmẹnjịḅọ ḅe, na Timoti wamịna iyimbere ḅe na: Mị ḍiri mẹ kẹẹ tẹ kẹ Tamụnọ sọsị mẹ, tẹ Kọrịntị ḅụ simearị ye mẹ na, bebe Akaya ḅụ simearị Tamụnọ atomi mamgba na fịrịmarị:

2 Kọrịntị 11:5

À sịn-a mịnẹ ịrụ-tẹịn gbọrụ ḅọkọ tẹ yẹrị kẹ iderima nwẹn ḅẹẹ ọ́ kẹ “karakara opu fịrịmẹnjịapụ” sịn apụ ma nẹngị ye emi!

2 Kọrịntị 11:7

À Tamụnọ Iḅi Oku mẹ ḍuko ọ́ pịrị sakị, àrị ọmịna ḅara gbọrụ gbẹẹ-ye sọ ọkị-a; à ḅụụ iderima tẹ ọ́ kẹ karakara atomi ḅara ọkịm. Anie à mịẹ si ḅoto?

2 Kọrịntị 12:11

Àrị oḅori ḅara kẹ ye mịẹarị kụma ọmịnị anị dogi-ḅom. Ọmịnị mie ọmịnị ị̀ ọkịm mẹ kẹ ja apụ ḍie ḅarị ye. Kẹ gotẹ ọkọ ḍukoarị, yẹrị gberie-sọ gberie-a sọ, nwẹn ḅẹẹ ḅẹẹ, ọmịna karakara “fịrịmẹnjịapụ” ma ini iḅi ị̀ nẹngị-a.

2 Kọrịntị 2:12

À Torohasị jụ Kịrayịsị gboloma Iḅi-Oku mẹ ḍuko ḅẹ mu sakị, àrị ẹrịm KỊNỊNYANAḄỌ ḅe tarị à kẹ kọrịnama mẹ kọrị ḅẹ ḅọkọ finji tẹ anịanga.

2 Kọrịntị 4:5

Wa wamịna-aḅụụ ḍuko pakama-a; Jizọsị Kịrayịsị anie KỊNỊNYANAḄỌ ḅee mẹ mie wa ḍuko-pakamarị, tẹ wamịnị ma nwẹnị ọmịna afịrịmẹnjịapụ, Jizọsị Sịḅị ẹrẹsị.

Galesiya 1:1

Yẹrị Pọlụ, Jizọsị Kịrayịsị na Tamụnọ Ḍaḅọ ḅe tẹ fị ḅụ ọ̀ saakịma ḅọ ḅe na ḅarana sịn tẹ kẹ fịrịmẹnjịḅọ mịẹ ḅọ ḅe, tomina sịn-ḅịḅị ḅụ-a, pịkị tomi mịẹ ye ḅụ-a, mie mị ḍiri mẹ kẹẹ tẹ kẹ ọ́ fịrịmarị.

Ẹfisọsị 1:1

Pọlụ, Tamụnọ minini ḅara ḅụ, ḅo Kịrayịsị Jizọsị fịrịmẹnjịḅọ sọ ḅọ ḅe: Mị ḍiri mẹ kẹẹ tẹ kẹ Ẹfisọsị ḅụ Tamụnọ atomi ma, tẹ minini nyana ḍumo ḅụ Kịrayịsị Jizọsị na gbọrụ ḅụụ simearị apụ ma fịrịmarị.

Ẹfisọsị 1:13

Tẹ ọmịnị sọ kọkọ ḅo Tamụnọ atomi sọ, ọ́ karakara oku mẹ, anie ḅọrọma ọkị-ḅo ọ́ pịrị Iḅi-Oku mẹ naa sakị. Ọ́ Kịrayịsị mininim, tẹ Tamụnọ nwẹnị ori ọ́ nyana ye mẹ ḅẹ elekima kẹ ọmịna aḅụụ sụa, ò minini ori atomi pịrị Fịafịa Tẹmẹ ḅe kẹ ọ́ pịrị ḅụ.

Ẹfisọsị 4:11

Ori anie “ḍiepịrị-aị kẹ tomi pịrị ḅọ ḅe”; ọ̀ ja apụ tọnm ịn fịrịmẹnjịapụ sọọ, osi apụ ịkịankoroapụ, osi apụ iḅi-oku mẹ ḍuko wasama apụ, osi apụ Agbamịẹapụ na ye-tolumapụ na.

Ditẹrọnọmị 10:8

Anị sakị ḅụ mie KỊNỊNYANAḄỌ ḅe Livayị furo mẹ sikima KỊNỊNYANAḄỌ ḅe Ọḅọkụ-Igbe mẹ dogi pịrị ye, KỊNỊNYANAḄỌ ḅe tọrọkọ sịẹsime tẹ fịrịmẹnjị ọ̀ pịrị, tẹ ori ẹrẹ ḅụ ye boma ḅo mịmgba lam.

Filipayị 1:1

Pọlụ na Timoti na, Kịrayịsị Jizọsị fịrịmẹnjịapụ ḅara ḅụ ḅom; Tamụnọ atomi mamgba tẹ Filipayị ḅụ Kịrayịsị Jizọsị na gbọrụ ḅụ simearị apụ ma pịrị ḍiri, ịna sịḅịdapụ na ḅarasụa ịn pịrịarị apụ sọ anị ḅụ emi:

Filipayị 2:11

tẹ inimgba ḍuko pakama ḅa mịnẹ Jizọsị Kịrayịsị ḅe anie KỊNỊNYANAḄỌ, Tamụnọ Ḍaḅọ ḅe ebube ḅụ.

Kọlọsị 1:1

Pọlụ, Tamụnọ minini ḅara ḅụ, Kịrayịsị Jizọsị fịrịmẹnjịḅọ ḅe, na wamịna iyimbere Timoti na ḅara ḅo ḍiri:

Kọlọsị 1:25

Tẹ Tamụnọ ị̀ kẹ sọsị mẹ fịrịmẹnjịḅọ sọma tẹ, anie ọmịna iḅi gotẹ mị kọrịnama mẹ kẹ ị̀ pịrị kọrịarị ḅọ ḅe. Anị kọrịnama mẹ anie, ḅintẹ ḅara kẹ ori oku mẹ ḍuko wasama,

1 Tẹsalonịka 2:2

Tẹrẹmẹ wa ḅo Tẹsalonika la, ó nimi ḅara ḅụ, Filipayị ḅụ in si ḅara kẹ wamịnị na mịẹ tẹ wa guluguluma tẹ. Karakaraye tomi kpọma wamịnị na tụḅụrụ lamam ḅẹsọ, wamịna Tamụnọ ḅe ḅiokpọ kẹ wa pịrị tẹ wa kẹ ọ̀ ḅara ḅo Iḅi Oku mẹ ḍuko ọ́ pịrịm.

1 Tẹsalonịka 2:8

Wa nyana ọ́ pịrị ḅẹlẹma ẹrẹsị wa tẹlẹmam wa ọmịnị na Iḅi Oku mẹ ngẹrị nyana gboloma ma, kụma wamịna ḅara-kuḅu ḅẹ ḍumo mẹ sọ. Ọ́ wamịna ḅụ yela ye ḅakam!

1 Tẹsalonịka 2:9

Wamịna amịnapụ, piki-pikiye-ofori ḅara ḅụ, wa kẹ nụnụ tẹ kọrịnama kọrị ḅara mẹ ọmịna ḅioḅọrọ-a. Eneḅaka na ḍin na wa nwẹn kẹ kọrịnama kọrịm, mịẹtẹ wa Tamụnọ ḅara ḅo Iḅi Oku mẹ ḍuko ọ́ pịrịarị sakị mẹ ḅụ wa ọmịna ḅụụ-fụkama ḅịa ḅara.

1 Timoti 1:1

Pọlụ, Kịrayịsị Jizọsị fịrịmẹnjịḅọ ḅe, Tamụnọ wamịna Ḅọrọmaḅọ ḅe na Kịrayịsị Jizọsị wamịna ḅiokpọ ḅe na tọn ḅara ḅụ:

1 Timoti 2:7

tẹ anie mie in gotẹ ị̀ fịrịma ye, Ja asịẹ ḅẹ apụ ma fịrịmẹnjịḅọ na ye-tolumaḅọ na ḅara ḅụ, à mu minini na karakara na oku mẹ ḍuko wasama. Àrị iruo ye ḍuko-a; karakara mẹ mie à ḍukoarị!

2 Timoti 1:11

Tamụnọ ị̀ tọn tẹ à fịrịmẹnjịḅọ na ye-tolumaḅọ na sọ tẹ Iḅi Oku mẹ ḍuko wasama,

Tayịtọsị 1:1

Pọlụ, Tamụnọ omoniḅọ, pịkị Jizọsị Kịrayịsị fịrịmẹnjịḅọ. Tamụnọ ị̀ sẹlẹ tẹ ị̀ fịrịmam à mu Tamụnọ atomi ma minini mịẹ kụrọma, tẹ ịn kẹ mu wamịna Tamụnọ nimi etela mẹ tolumarị karakara mẹ lamaa,

Hiburu 5:4

Gbọrụḅọ-sọ ḅarana Sịḅịda-Agbamịẹḅọ kiri mẹ ḅẹ kụn mẹ sẹlẹ ḅụụ pịrị pịrị-a; Tamụnọ sịn-ḅịḅị ḅụ ngẹrị mie tomḅọ ḅọrọ tẹ Sịḅịda-Agbamịẹḅọ sọarị — anie anị sime Erọnị sọ pịrị ḅara.

Hiburu 7:26

Mie ḅụ, Jizọsị anie wamịna ḅụụ-fụka mịẹ pẹlẹarị Sịḅịda-Agbamịẹḅọ ḅee. Ọ̀ fịafịa wararị; ọ̀ ḅụụ ḅẹẹ-ḅẹẹye anịanịa si ofori; si-mịẹapụ ḅụ Tamụnọ ọ̀ saakị ḅelema wararị, tẹ ori iwoma mu So ma ḅọrọ tẹẹ.

Jemụsị 1:1

Jemusị, Tamụnọ na KỊNỊNYANAḄỌ Jizọsị Kịrayịsị na fịrịmẹnjịḅọ ḅe ḅara ḅo ḍiri mẹ: Ḅii-ḅịḅị sime Tamụnọ atomi ma tẹ bebe tomikiri mẹ ḅụ gala-gala wararị apụ mamgba pịrịị.

1 Pita 4:17

Ḅẹrẹkọn mẹ saakị ḅarị sakị mẹ laa tẹ, anịsakị Tamụnọ atomi ma mie in tarị kọn ḅarịye. Anị wa kẹ saakịarị ḅẹ kụma, ndẹẹ anị kẹ mu kunoma Tamụnọ ḅara ḅo Iḅi Oku mẹ minini-a apụ ma pịrị ḅẹ ḅara?

2 Pita 1:1

Sayịmọnị Pita, Jizọsị Kịrayịsị omoniḅọ, pịkị ọ̀ fịrịmẹnjịḅọ ḅe ḅara ḅo ḍiri ịn kẹ: Inima tẹ wamịna Tamụnọ pịkị wa Ḅọrọmaḅọ Jizọsị Kịrayịsị karakara mịẹ ḅụ ḅọrọ tẹ wa nyana yelatẹ minini ye mẹ nyana wararị apụ ma pịrị ḍiri mẹ:

Judu 1:1

Yẹrị Judu, Jizọsị Kịrayịsị fịrịmẹnjịḅọ, pịkị Jemusị iyimbere ḅe, ḅara mie mị ḍiri mẹ ḅo yee: À kẹẹ tẹ kẹ Tamụnọ sịn ọ̀ ḅụụ pịrị tẹ, Tamụnọ Ḍaḅọ ḅe ḅẹlẹma ḅụ angarị, tẹ Jizọsị Kịrayịsị ḍikiḍikiarị apụ ma fịrịmarị:

Mịẹfinji 1:1

Mị ḍiri mẹ ḅio kẹẹ wararị aị ma, anie paka ḅarị aị tẹ Jizọsị Kịrayịsị mịẹfinji aị ma. Tamụnọ arị mịẹfinji ọ̀ pịrịm, ọ̀ kẹ ori afịrịmẹnjịapụ ma ḍie ḅẹ ḅara, mịnẹ ala ḅịa arị paka ḅa. Kịrayịsị nwẹnị mịẹtẹ ọ̀ fịrịmẹnjịḅọ Jọnị arị nimi, ori enjẹlị kẹ ọ̀ fịrịma ḅụ,

Mịẹfinji 22:6

Anịtẹso enjẹlị ḅe nwẹnị ị̀ ḅẹẹ, “Mịna ẹkwẹn ma karakaram, pịkị kẹ ḅiokpọma na-iḅim, KỊNỊNYANA-TAMỤNỌ ḅe, tẹ amịna Tẹmẹ kẹ ịkịankoroapụ ma pịrịarị ḅọ ḅe, ori enjẹlị fịrịma tẹ ori ala-a sakị ḅụ paka ḅarị ye mẹ kẹ ori afịrịmẹnjịapụ ḍie tẹẹ.”

Mịẹfinji 22:9

Kụma ori ị̀ dasịẹma tẹ ḅẹẹm, “Ọkọ mịẹ ma! Yẹrị na ị́yẹrị na, ị́ amịnapụ ịkịankoroapụ ma na, inimgba tẹ mị ḍiri mẹ ḅio simearị ẹkwẹn ma minini tẹ mịẹarị apụ mamgba na, pembema fịrịmẹnjịḅọ. Sunsin Tamụnọ pịrịị!”