Nimi Tolumaḅọ 2:5 - FỊAFỊA BAỊBỤLỤ

⁵ À warị akaka ḅẹ aḍụọ ḍiḅi, pịkị sara-sime na-iḅi anga pakama ị̀ ḅụụ pịrị tẹ arị ḅio tọrụ-kịrịkịrị mgbọlụ sụarị asịn ḍiḅim.

Nimi Tolumaḅọ 2:5 Iomraidhean Croise

Nehimaya 2:8

pịkị gbọrụ ḍiri kẹẹ Asafụ, amadaḅọ ḅe piri ḍikiḍikiḅọ ḅe fịrịma mịẹtẹ ori opu sịn aḅiri kẹ ị̀ pịrịtẹ à kẹ oluku koroma ḅẹ ḅara ịn sime tẹ Tamụnọ-warị mẹ ḍikiḍikiarị warị mẹ ḅẹ ogigo-aḅọkọ ma na, opu ama mẹ ḅẹ onu mẹ na, à sime ḅarị warị mẹ na ḅụ.” Amadaḅọ ḅe nwẹnị à ḅii aị ma kẹ ị̀ pịrị, gbala ị̀ Tamụnọ ḅe iḅi ḅara mẹ ị̀ ọgọnọ emi ẹrẹsị.

Sọlọmọnị Ḅẹlẹtẹịn Nume 4:12

Ì ḅioḅẹngbọ ḅẹlẹmarị tẹ, arị ịya-ḅẹ-ẹrẹḅọ ma anie ḅọị wararị ḍụọ, onu gbori pịrị wararị ḍụọ, sime ngẹrị ḅọ pịrị ngụngụḅa;

Sọlọmọnị Ḅẹlẹtẹịn Nume 4:13

anịanga ḍiḅi-aị ma kamarị. In so-pakarị ḅara pọmigireneti asịn kẹ ḍiḅi fị sịnmgbọlụ ḍụọ ḅara ọkụ tẹ nwẹnị iḅitẹịn fị sịnmgbọlụ sụarị. Anị anga hina na nadị na nwẹn-sịn aị ma kụrọ-a;

Sọlọmọnị Ḅẹlẹtẹịn Nume 4:16

Saakị, Ọgọnọ-jụ ḅẹ fẹrụ, Abajị fẹrụ, fie ḅoo! anị ḅẹ kụnụ mẹ ọ̀ ḍụọ la tẹ anị ḅẹ iḅitẹịn mgbọlụ mẹ fị.

Sọlọmọnị Ḅẹlẹtẹịn Nume 5:1

Àrị ị̀ ḍụọ sọ-ḅo tẹẹ, ì ḅioḅẹngbọ ḅẹlẹmarịḅọ, arị ịya-ḅẹ-ẹrẹḅọ. Àrị ị̀ kụnụaị na maha na kobiriarị; àrị ị̀ ḅẹm taḅa tẹ kpoo tẹ ye mẹ fịarị; àrị iru na ndo-minji na ḅuuarị. Ḅẹlẹmapụ, ọ́ fị-na-ḅuu-na, nwenii ḅẹlẹma ọmịna tọrụ-ḅaa!

Sọlọmọnị Ḅẹlẹtẹịn Nume 6:2

Ị̀ ḅẹlẹmaḅọ so ọ̀ ḍụọ mu tẹẹ, kụnụaị sụa-sụa asịn ma so-pakarị yọ mẹ. Ọ̀ mịẹ tẹ ori anana-ogbo mẹ ye fịarị ḍụọ mẹ ḅio ori pịkị lili nwẹn-sịn afịlawa kaịn-arị.

Jerimaya 39:4

Ama-da Zẹdẹkaya na ori ọmụapụ mamgba pakarị ye mẹ ẹrị sakị ịn ḅụụkụrọma tẹ opu ama ḅụ mangị-so ḅẹ ḅara mịẹm ḍin ḅụ. Ama-da warị mẹ ḅẹ kala ḍụọ mẹ etela mẹ ḅụ mie ịn pakaye, onu ma ḅẹ maa apakịrị ma gboloma ḅọkọ mẹ ḅụ ḅọrọ ḅụ, tẹ nwẹnị Jodanị tọrụ-akaka da-mu pakịrị mẹ ḅụ mangị-so.