Nehimaya 7:3 - FỊAFỊA BAỊBỤLỤ

³ À nwẹnị ịn ḅẹẹ, “Ó Jeruselemu ogigo-aḅọkọ ma finji ma nwenii ịrụa mẹ ọfịrị ịn paa sịẹsime tẹ ye-yọ ḍikiḍikiarị ogbo yee ḅọkọ ma ịkasị tẹ ẹngbẹsẹ arị ẹngbẹsẹ sime. Jeruselemu angarị apụ ḅụụ ó ye-yọ ḍikiḍikiapụ tọn, ja apụ ịn simearị anga ma ḍikiḍiki, ja apụ ịn soku-ḅẹ awarị na kpekitẹ ḍikiḍikii.”

Nehimaya 7:3 Iomraidhean Croise

Nehimaya 13:19

Tẹrẹmẹ Ịnyọsara-Ene mẹ la, Jeruselemu Ogigo-aḅọkọ ma saakị furu tẹso, à nwẹnị tọn mịnẹ ini Ogigo-aḅọkọ ma gbaịn, tẹ kuro pịrị mịnẹ arị finji ma nwenii Ịnyọsara-Ene mẹ ḅọrọ. À nwẹnị ị̀ afịrịmẹnjịapụ ḅẹ jen-apụ kẹ Ogigo-aḅọkọ ma ḅụ kuroma, mịẹtẹ Ịnyọsara-Ene mẹ ḅụ in gberie so dogi sọ ḅo ḅịa ḅara.

Nehimaya 3:23

Ịn ḅọrọ tẹso, Benijamịnị na, Asubu na ịna awarị na dama-dama anga tẹlẹmam. Ịn ḅọrọ tẹso, Azaraya, Masẹya owiḅọtụḅọ, pịkị Hananaya taa-owiḅọtụḅọ ḅe ò soku-ḅẹ warị akaka tẹlẹmam.

Nehimaya 7:2

à nwẹnị Jeruselemu ḍikiḍiki mẹ kẹ ì iyimbere Aneni na, Hananaya ama ḍikiḍiki kụrọtẹ gele warị mẹ ḅẹ ḅẹrẹtọnḅọ ḅe na pịrị, gbala ò minini nyanam tẹ Tamụnọ mangịma tọnwa tomi nẹngịm ẹrẹsị.

Nehimaya 7:4

Opu ama mẹ finjima tẹ ḍụḅa wararị kụma anị ḅio sime apụ ma boowa, tẹ warị amụ nama-a,

Devidi-Anume 127:1

KỊNỊNYANAḄỌ ḅe warị mẹ nama-a ḅẹḅẹ, warị nama apụ ma kọrịnama mẹ papaa faam; KỊNỊNYANAḄỌ ḅe ama mẹ gbaịn-a ḅẹḅẹ, ama-koruapụ ma sịẹsime tẹ koruarị ye mẹ papaa faam.

Devidi-Anume 147:13

Ori í ogigo-aḅọkọ ma wẹrị kụrọmarị; ori ị́ atomi bomarị.

Matiyo 10:16

“Ó pokii! À nwẹn kẹ ọ́ fịrịma pakamarị mẹ, à gbala ḅọrọ ọ́ kẹ anana kun pẹị-pẹị anama ogboku fịrịmarị ọkụ! Ọmịnị ododo aka tii tii ḅara kẹ aka tii tẹ olosịkịya ye kẹ kịnị lama lama-a ḅara mẹ simee, tẹ ye kẹ gbọrụḅọ-sọ lama ma.