Nehimaya 3:3 - FỊAFỊA BAỊBỤLỤ

³ Hazẹna owiapụ-awọmẹ ma sin Inji Ogigo-ḅọkọ mẹ namam; ini anị ḅẹ oluku koromam, tẹ anị ḅẹ ḅọkọ na, jụkoroma na, ẹngbẹsẹ na sụam.

Nehimaya 3:3 Iomraidhean Croise

2 Paka-aị 33:14

Mịẹ mẹ ḅọrọ tẹso, ọ̀ nwẹnị Devidi opu ama mẹ ḅẹ onu mẹ ḅio mẹnjị paka, Gihọnị ḅụ ịrụa-ideriarị-anga ḅẹ Tụndụ ogboku mẹ ḅụ, na Inji ogigo-ḅọkọ mẹ ḅụ na jen onu nama, tẹ nwẹnị anị nama Ofeli ikelema-koro, tẹ gburo-gburoma anị mịẹ gelema. Ọ̀ pịkị Juda ḅụ ọmụ-ogbo ḅẹ ḅẹrẹtọn-apụ kẹ in mịẹ kụrọma wararị opu ama mamgba ḅụ koromam.

Ẹzịra 2:35

Sẹnaha owiapụ-awọmẹ: kịnị esenia ẹndẹ, suei finji (3,630).

Nehimaya 12:39

mu “Iferemu Ogigo-Ḅọkọ” mẹ ḅẹ ọgọnọ-jụ “Elemu Ogigo-Ḅọkọ” mẹ na, “Inji Ogigo-Ḅọkọ” mẹ na ḅụ ḅọrọ mu “Hananẹlị Ḅẹ Gele-Warị” na, “Sọnọ asi Ḅẹ Gele-Warị” ḅụ ḅo “Anana Ogigo-Ḅọkọ” mẹ la, tẹ nwẹnị “Ye-yọ Ḍikiḍiki Ogigo-Ḅọkọ” mẹ ḅụ daasịẹ.

Nehimaya 2:8

pịkị gbọrụ ḍiri kẹẹ Asafụ, amadaḅọ ḅe piri ḍikiḍikiḅọ ḅe fịrịma mịẹtẹ ori opu sịn aḅiri kẹ ị̀ pịrịtẹ à kẹ oluku koroma ḅẹ ḅara ịn sime tẹ Tamụnọ-warị mẹ ḍikiḍikiarị warị mẹ ḅẹ ogigo-aḅọkọ ma na, opu ama mẹ ḅẹ onu mẹ na, à sime ḅarị warị mẹ na ḅụ.” Amadaḅọ ḅe nwẹnị à ḅii aị ma kẹ ị̀ pịrị, gbala ị̀ Tamụnọ ḅe iḅi ḅara mẹ ị̀ ọgọnọ emi ẹrẹsị.

Nehimaya 3:4

Ịn palị tẹ tẹlẹmaḅọ Mẹrẹmọtị, Uraya owiḅọtụḅọ, pịkị Hakọzị taa-owiḅọtụḅọ ḅe. Ọ̀ palị tẹ tẹlẹmaḅọ Mesulamu, anie Bẹrẹkaya owiḅọtụḅọ, pịkị Mesezabeli taa-owiḅọtụḅọ ḅe. Ọ̀ palị tẹ pịkị tẹlẹmaḅọ Zadọkụ, Bahana owiḅọtụḅọ ḅe.

Nehimaya 3:6

Johihada, Pasịya owiḅọtụḅọ ḅe na, Mesulamu, Besodeya owiḅọtụḅọ ḅe na Jesana Ogigo-ḅọkọ mẹ tẹlẹmam; ini anị ḅẹ oluku koromam, tẹ anị ḅẹ ḅọkọ na, jụkoroma na, ẹngbẹsẹ na sụam.

Nehimaya 6:1

Mịọkụ ini anị kẹ ịba-fị Sanịbalatị na, Tabaya na, Gisẹmụ, Arabụ ḅọ ḅe na, wamịnị na fịya-a kirikọn-apụ ma pịrị tẹ mịnẹ arị onu mẹ nama tẹ, tẹ anị ḅụ kọn anga ḅarị ofori tẹso, (ọkị-ḅo anị sakị mẹ la amụ àrị ogigo-aḅọkọ ma ḅụ ḅọkọ sụa-a ḅẹsọ)

Nehimaya 7:1

Onu mẹ nama tẹ, tẹ à ḅọkọ ma sụa tẹ ogigo-aḅọkọ ḍikiḍikiapụ ma na, nume-suapụ ma na, Livayị furo-ḅẹ-apụ ma na tọn tẹso,

Nehimaya 7:38

Sẹnaha owiapụ-awọmẹ, kịnị esenia ẹndẹ na jeia asi finji na kịnị asuei na (3, 930).

Devidi-Anume 147:13

Ori í ogigo-aḅọkọ ma wẹrị kụrọmarị; ori ị́ atomi bomarị.

Zẹfanaya 1:10

KỊNỊNYANAḄỌ ḅe ḅẹẹarị, “Anị ene mẹ ḅụ, Jeruselemu ḅụ Inji Ogigo-ḅọkọ mẹ ḅụ ọmịnị owu fiearị ye naa ḅa. Opu ama mẹ ḅẹ ịwọ-polo mẹ ḅụ ọ́ kịnị pee-peema owuarị ye naa ḅa, gbala tụndụ ma opu ama paịn-sararị tẹ anị fie ḅara.