Nehimaya 2:3 - FỊAFỊA BAỊBỤLỤ

³ Anịtẹso à nwẹnị kpọma ḅalafa. À nwẹnị amadaḅọ ḅe ḅẹẹ, “Yee amadaḅọ ḅe ḍumo gbamaso! Ị̀ tọrụ tiegotẹ fụrụ ḅịa, opu ama mẹ, ị̀ aḍapụ aḍuḅu ma simearị anga mẹ fatẹ koro-simearị, tẹ fịnị pịkị anị ḅẹ ogigo-aḅọkọ ma dọkịma fama tẹ ḅẹ sakị?”

Nehimaya 2:3 Iomraidhean Croise

1 Amadapụ 1:31

Batisẹba nwẹnị á sịḅị-tuu iderima tẹ ḅẹẹ, “Yee ị̀ nyanaḅọ Amadaḅọ ḅe ḍumo gbamaso!”

2 Amadapụ 25:8

Sọnọ karama akalụ mẹ ḅẹ sọnọma ḍin karama eneḅaka anie Amadaḅọ Nebukadineza, Babịlọnị ḅẹ amadaḅọ ḅe sịḅị gbọrụ kụra fa si karama kụra ḅụ Babịlọnị ḅẹ amadaḅọ ḅe ḅụụ-ḍikiḍiki ọmụ-alaḅọ, ọ̀ fịrịmẹnjị gbọrụḅọ Nebuzaradanị Jeruselemu ḅom.

2 Paka-aị 21:20

Ọ̀ sakị ama-da sakị ọ̀ sịḅị kụra suei maa kụra finji ḅọrọ tẹ, tẹ ò nine akụra kẹ Jeruselemu ḅụ ama-dam. Gbọrụḅọ-sọ ọ̀ fịị tẹ so ye mẹ owu-a. Devidi opu ama mẹ ḅio ini ò ḍiḅim, kụma amadapụ ma aḍuḅu ma ḅio-a.

2 Paka-aị 28:27

Tẹ Ahazi fịịm, tẹ in Jeruselemu mẹ ḅio ò ḍiḅim, in gbala Izirẹlị ḅẹ amadapụ ma ḍiḅi-ḍiḅi aḍuḅu ma ḅio ò ḍiḅi-a ẹrẹsị. Ori owiḅọtụḅọ Hẹzịkaya nwẹnị ò kiri ḅụ ama-da.

2 Paka-aị 32:33

Hẹzịkaya nwẹnị fịị, tẹ ini ò ḍiḅim Devidi owiapụ-awọmẹ ma aḍuḅu ma ḅẹ kpọlị iwo anga ḅụ; tẹ Juda mẹmgba na, Jeruselemu ḅụ simearị apụ ma na nwẹnị ọ̀ fịị ḅụ kụn kẹ ọ̀ pịrị. Ori owiḅọtụḅọ Manasẹ nwẹnị ò kiri ọkị tẹ ama-da.

2 Paka-aị 36:19

In nwẹnị Tamụnọ warị mẹ dọkịma, tẹ Jeruselemu onu mẹ kan sara, tẹ fịnị kẹ anị ḅẹ amadapụ opu awarị ma dọkịma, tẹ anị ḅẹ yela ẹfẹrẹ mamgba ḅaa sara.

Nehimaya 1:3

Ịn nwẹnị ị̀ ḅẹẹ, “Anịanga itu mẹ ḅio ḍumo sime wararị tẹ omoni ḅara mẹ ḅio sọ-a apụ ma gburo-gburotẹ ḅụụ-fụka na, ḅụụ-jịrị na ḅio emi; Jeruselemu onu mẹ kaan-sara tẹẹ, tẹ fịnị pịkị anị ḅẹ ogigo-aḅọkọ ma dọkịma tẹẹ.”

Nehimaya 2:13

Ḍin ḅụ arị Tụndụ-ogboku Ogigo-ḅọkọ mẹ ḅụ paka-so mu Daragọnị Suḅe mẹ na Nama Pọkụ-muaị Ogigo-ḅọkọ na la, tẹ Jeruselemu onu ma ḅụ kan sara aị ma na, arị ḅẹ ogigo-aḅọkọ ma tẹ fịnị dọkịma aị ma na sime-ḅara ḍikim.

Ẹsịta 8:6

Kẹ gotẹ ọkọ ḅẹẹarị, à tọ-ḅara kẹ inetẹ ị̀ atomi ma la ḅẹ ḅoarị ḅụụ-fụka mẹ ẹrị tẹ inema ḅẹ? Anịanịa à tọ-ḅara kẹ inetẹ ì furo fịị mẹ ẹrị tẹ anị inema ḅẹ?”

Devidi-Anume 102:14

Ị́ afịrịmẹnjịapụ ma á ḅẹlẹmarị, karakaraye kịnị á kan guluguluma sara tẹ sọ; ini á ḍiki sịḅị-kụrụkụrụarị, á kaan-kọsị-sara tẹ sọ.

Devidi-Anume 102:15

Sịẹ-sịẹ ma KỊNỊNYANAḄỌ ḅe mangịma ḅa; tomikiri ḅẹ amadapụ mamgba ọ̀ kụrọ mangịma ḅa.

Devidi-Anume 137:6

Yee à ḅarị jen kẹ inetẹ nume-su ma àrị ị́ kẹ ḅiokoroma-a ḅẹḅẹ, àrị ị́ kẹ ì ḅioḅẹlẹma tẹịn ye sọma tẹ ị́ kẹ ì kuroma ḅụ suu-a ḅẹḅẹ!

Devidi-Anume 38:7

Akọm mịẹ tẹ gbala à fịnị ḅio dọkịarị: tẹ ịnyọ biin kịngẹ ị̀ ḅara kọnm.

Jerimaya 52:12

Ama-da Nebukadineza ḅe Babịlonịya da tẹ gbọrụ kụra fa si karama kụra mẹ ḅe sọnọ karama akalụ mẹ ḅụ oyia aḍin karama eneḅaka mẹ ḅụ mie Nebuzaradanị — ḅẹrẹ ḍuko amadaḅọ ḅe toluma-toluma ḅọ ḅe, pịkị ori ọmụ-ogbo kẹ sịḅịdaḅọ ḅe — Jeruselemu sọ-mu ye.

Kururu Owu-apọkọ 2:9

Árị ogigo-aḅọkọ jine kiri-ḅio sọ tẹẹ; arịḅẹ ẹngbẹsẹ-ikulele ma, ò ye kẹ lama tẹ arị anyịma tẹẹ; árị amadaḅọ na, amadaḅọ owiapụ-awọmẹ ma na, opu asịẹ ma ogbo ḅio emi; oloko mẹ ḅarị ofori, anịsakị arị ịkịankoroapụ sọ ḅarị KỊNỊNYANAḄỌ ḅe ḅụ ḅo ịkịan ẹrị-a.

Danẹlị 2:4

Ịn nwẹnị Aramayịkị ẹkwẹn-ḅịḅị ḅụ amadaḅọ ḅe pakịrị, “yei Gburo-gburo Opuḅọ, ḍumo mu ḅẹẹ-sakị ḅẹẹ-sakị laa! Ị́ ḍawọ mẹ ḍuko wa pịrị, tẹ wa anị puu-finji ị́ pịrị ḅa.”

Danẹlị 3:9

Ini Ama-da Nebukadineza ḅẹm, “Yee Í Opu ḅụ í ḍumo mu ḅẹẹ-sakị ḅẹẹ-sakị la!

Danẹlị 5:10

Amada-iyingiḅọ ma amadaḅọ ḅe na ori opu afịrịmẹnjịapụ ma na ye-yọ fiemarị ye mẹ naam, tẹ kopini fị warị mẹ ḅio so mum. Á ḅẹẹm, “Gburo-gburo Opuḅọ, ḍumo gbamasoo! Sisi ḅụụ ḅalaḅala nyana tẹ ị́ tọrụkuḅu epe ḅịa ma.

Danẹlị 6:21

Danẹlị nwẹnị pakịrị, “Yee Ị́yẹrị Amada-opu-nyanaḅọ ḍumo gbamaso!

Danẹlị 6:6

Mie ḅụ ini amadaḅọ ḅe dama-mu tẹ ḅẹẹm, “Ama-da Darịyọsị, Í Opu ḅụ, ḍumo mu ḅẹẹ-sakị ḅẹẹ-sakị la!

Lẹvitikọsị 26:31

Anịsakị arị ọmịna opu ama ma kẹ gulugulu fatẹ ye ayọ ḅara wẹrị ḅa, tẹ ọmịna fịafịa ayọ ma mịẹtẹ arị faa ḅa, anịsakị ọmịna ḅụụ-ḅẹlẹma akụnụ ḅarị ḅo ì nini la ḅịa.