Nehimaya 1:3 - FỊAFỊA BAỊBỤLỤ

³ Ịn nwẹnị ị̀ ḅẹẹ, “Anịanga itu mẹ ḅio ḍumo sime wararị tẹ omoni ḅara mẹ ḅio sọ-a apụ ma gburo-gburotẹ ḅụụ-fụka na, ḅụụ-jịrị na ḅio emi; Jeruselemu onu mẹ kaan-sara tẹẹ, tẹ fịnị pịkị anị ḅẹ ogigo-aḅọkọ ma dọkịma tẹẹ.”

Nehimaya 1:3 Iomraidhean Croise

1 Amadapụ 9:7

anịrẹ àrị ị̀ atomi Izirẹlịapụ ma ḅelema ḅa à kẹ ịn pịrị tẹ ama mẹ ḅụ. À pịkị mị Tẹkẹ-warị mẹ tẹ à tomi sunsin ị̀ pịrị ḅẹ anga wẹrị ḅara kẹ wẹrị fịafịama tẹ anga mẹ sọ kẹ gbin-koroma tẹ so ḅa. Anga-anga ḅụ simearị atomi mamgba Izirẹlị kẹ kpọọti ḅa tẹ ye-sịn-a ḅara kẹ arị na mịẹ ḅa.

2 Amadapụ 25:10

Babịlọnị ḅẹ ọmụ-ogbo mẹmgba tẹ ḅụụ-ḍikiḍiki ọmụ-alaḅọ ḅe na sime apụ mamgba Jeruselemu ikelema-koro onu ma kanm.

2 Paka-aị 36:19

In nwẹnị Tamụnọ warị mẹ dọkịma, tẹ Jeruselemu onu mẹ kan sara, tẹ fịnị kẹ anị ḅẹ amadapụ opu awarị ma dọkịma, tẹ anị ḅẹ yela ẹfẹrẹ mamgba ḅaa sara.

Ẹzịra 2:1

Mịna apụ ma mie mịọkụ ḅẹrẹtọn ḅara ḅẹ ḅụụ-sarasara gotẹ kẹ opu sịẹ mẹ ḍiema wararị itu-itu ma ḅụ kun ḅara mẹ ḅio paka-ḅo apụ Nebukadineza Babịlọnị ḅẹ amadaḅọ ḅe kun tẹ dogi-so omoni ḅara ḅụ Babịlonịya mu apụ ma ḅụụ; ịn pịkịma Jeruselemu na, Juda na ḅom, ọrụḅọ-ọrụḅọ mḅọ soku-ḅẹ ama mu.

Ẹzịra 5:8

Yee anị Amadaḅọ ḅe nimi ye sọ mịnẹ wa Juda ḅẹ itu mẹ mum, tẹ opu Tamụnọ ḅe warị mum. In ḍụḅa-ḍụḅatẹ aḍụḅarị kẹ anị namarị, tẹ warị-anga ma ḅụ oluku gbana tẹ. In sara-a sarama iḅiọkụ mị kọrịnama mẹ kọrịarị tẹ anị ḅio loloarị.

Nehimaya 11:3

Mịna apụ ma anie inima tẹ Jeruselemu ḅụ angarị apụ ma ḅẹ itu-itu ma ḅẹ sịḅịdapụ ma; kụma Juda ḅẹ ama ma ḅio simearị Izirẹlịapụ ma agbamịẹapụ ma-o, Livayị furo-ḅẹ-apụ ma-o, Tamụnọ warị ḅẹ afịrịmẹnjịapụ ma-o, Sọlọmọnị afịrịmẹnjịapụ ma ḅụụ paka-ḅo apụ ma-o, ọrụḅọ-ọrụḅọ mḅọ nyana ye kẹ amịna ḅụụ ḍikiḍikim ịna ama ma ḅio.

Nehimaya 2:13

Ḍin ḅụ arị Tụndụ-ogboku Ogigo-ḅọkọ mẹ ḅụ paka-so mu Daragọnị Suḅe mẹ na Nama Pọkụ-muaị Ogigo-ḅọkọ na la, tẹ Jeruselemu onu ma ḅụ kan sara aị ma na, arị ḅẹ ogigo-aḅọkọ ma tẹ fịnị dọkịma aị ma na sime-ḅara ḍikim.

Nehimaya 2:17

Anịtẹrẹmẹ à nwẹnị ịn ḅẹẹ, “Ọ́ wa sọ ḅụụ-fụka mẹ ẹrị wararị Jeruselemu fatẹ ḅara sime tẹ anị ḅẹ ogigo-aḅọkọ ma dọkị ḅara mẹ. Ó ḅo, yee wa sin Jeruselemu onu mẹ nama, mịẹtẹ wa ḅarị jen kẹ ḅụụ-jịrị nyana ḅịa ḅara.”

Nehimaya 2:3

Anịtẹso à nwẹnị kpọma ḅalafa. À nwẹnị amadaḅọ ḅe ḅẹẹ, “Yee amadaḅọ ḅe ḍumo gbamaso! Ị̀ tọrụ tiegotẹ fụrụ ḅịa, opu ama mẹ, ị̀ aḍapụ aḍuḅu ma simearị anga mẹ fatẹ koro-simearị, tẹ fịnị pịkị anị ḅẹ ogigo-aḅọkọ ma dọkịma fama tẹ ḅẹ sakị?”

Nehimaya 7:6

Mịna apụ ma anie itu mẹ ḅẹ apụ, inima tẹ Nebukadineza, Babịlọnị ḅẹ amadaḅọ ḅe kuntẹ dogi-so mu omoni ḅara-ḅio suu tẹ paka-ḅo apụ ma; ịn pịkịma Jeruselemu na, Juda na ḅom, ọrụḅọ-ọrụḅọ mḅọ ama mum.

Ẹsịta 1:1

Ayasụrọsị ḅe tẹ Indiya saakị mu Ẹtịyopịya la tẹra itu ofori itu sonioa si oyi finji ḅụ ama-da Ayasụrọsị ḅe ene ma;

Devidi-Anume 79:4

Wa gbori wararị asịẹ ma wa mịẹ-simarị; ịn wa ḍẹrịarị, pịkị wa komboarị.

Egberima-Ẹkwẹn 25:28

Ị́ inetẹ ị́ ịganị dasịẹma-a ḅẹḅẹ, anie ḅarasụa nyana-a onu gbori-a ama, finji owu kẹ anị paka ḅẹ apụ pịrị wararị ye.

Ayịzaya 43:28

tẹ ị́ ḅẹrẹtọn apụ ị̀ fịafịa-yọ pilemam. Mie ḅụ à ḅaa guluguluma ọkị-ḅo Izirẹlị ọgọnọ gbanam; À wẹrịso tẹ kịnị ḅo sime ị̀ pịrị apụ mịẹ-simam.

Ayịzaya 5:5

“Mie à kẹ ị̀ girepu-ḍụọ mẹ mịẹ ḅarị ḅara: àrị à ḍiḅi anị ikelema wararị asịn ma soku sin ḅa, anị wẹrị kpaịnmarị onu mẹ à sukuruma-gbin ḅa, tẹ piri-ḅio-ḅẹ anama anị ḅio ḍiḅi wararị aị ma fị tẹ nanga kiri pịrị ḅa.

Jerimaya 24:9

Arị ọkị-ḅo ịna ọgọnọ gbana ḅarị opu ḅụụ-fụka mẹ sime ḅarị ḅara gotẹ tomikiri ḅẹ asịẹ mamgba tẹmẹ-naịn-naịn ḅa. Kịnị in kombo tẹ ḅịḅịkpọ-kpọ ịn pịrị ḅa, ịn kẹ kpọọtii-tii tẹ ịna ẹrẹ kẹ siye karị kịnị pịrị ḅa, arị ịn gala-gala mu la ḅarị anga mamgba ḅụ.

Jerimaya 29:18

Àrị ọmụ na, ḅuru-ḅa na, obi na kẹ in ḍuka ḅa, tẹ tomikiri ḅẹ asịẹ mamgba ini ẹrị ye ḅụ ḅalafaa ḅa. Àrị ịn gala-gala mu anga mu anga kịnị ịna ḅụ paka tẹ ye gotẹ ḅụụ-gbiripu tẹ tẹmẹ-naịn-naịn ḅa. Kịnị in kombo tẹ ịna ẹrẹ kẹ ye gbo ḅa.

Jerimaya 39:8

Ma ma mịẹarị sakị Babịlonịya ḅẹ apụ ma ama-da opu warị mẹ na, tomi ma awarị ma na dọkịmarị, pịkị Jeruselemu onu mẹ kan-arị.

Jerimaya 42:18

“KỊNỊNYANAḄỌ ḅe, Izirẹlịapụ tẹkẹarị Tamụnọ ḅe mẹẹ, ‘Ị̀ ịganị na ì owi-ịganị na ọsụma Jeruselemu ḅẹ apụ ma ọgọnọ sara gbọrụ ḅara mẹ, mie ì owi-ịganị ọsụma ọmịnị Ijiputi muarị apụ ma ọgọnọ sara ḅarị ḅara. Ọ́ sịḅị-kanakanama ye sọ ọmịnị ẹrịḅọ-ẹrịḅọ pịrị ḅa, tomi ḍiki-iderima ḅara kẹ ọmịnị na mịẹ ḅa, tẹ ọmịna ẹrẹ kẹ ye karị ḅa. Ọ́ ḅarị jen kẹ mị yọ ẹrị ḅịa.’ ”

Jerimaya 5:10

Arị ini na fịya-a apụ kẹ fịrịma tẹ ini ịna kụrọ-asịn ma pẹlẹ-gbin ḅa, kụma ịn gbọrsịḅị arịmgba guluguluma fama ḅịa. Arị ịn ḅẹ tẹ ịn ḅara ma kọlị-kọlị siin ḅa, arị aḅara ma ìnye-a ẹrẹsị.

Jerimaya 52:14

Kalidi ọmụapụ mamgba tẹ Nebuzaradanị na simearị apụ ma nwẹnị Jeruselemu ikelema wararị onu ma kan-sara.

Kururu Owu-apọkọ 1:7

Jeruselemu á ḅụụ-fụka na árị akụ eneḅaka na ḅụ, á ḅụụ yela aị mamgba tẹ elemu sakị ḅụ á nyana aị ma kẹ ḅiokoromam. Árị atomi ḅịkị árị ọmụḅọ ḅe ḅara-ḅio sọ, tẹ ḅarasụa á pịrị ḅẹ gbọrụḅọ-sọ ofori sakị, ọmụḅọ ḅe á ḅụụ ḅioḅẹlẹ nyanam, á ḅịkị mẹ kombo ḅụ.

Kururu Owu-apọkọ 2:9

Árị ogigo-aḅọkọ jine kiri-ḅio sọ tẹẹ; arịḅẹ ẹngbẹsẹ-ikulele ma, ò ye kẹ lama tẹ arị anyịma tẹẹ; árị amadaḅọ na, amadaḅọ owiapụ-awọmẹ ma na, opu asịẹ ma ogbo ḅio emi; oloko mẹ ḅarị ofori, anịsakị arị ịkịankoroapụ sọ ḅarị KỊNỊNYANAḄỌ ḅe ḅụ ḅo ịkịan ẹrị-a.

Kururu Owu-apọkọ 3:61

Yei KỊNỊNYANAḄỌ, ịna wori-anume ma ị́ naa tẹ, ịn ḅiya ị̀ pịrị ḅẹrẹ mamgba sọ.

Kururu Owu-apọkọ 5:1

Yei KỊNỊNYANAḄỌ, wa la tẹ ye kẹ ḅiokoromaa; ḍikii, tẹ wamịna ḅụụ-jịrị mẹ ẹrịị!

Lẹvitikọsị 26:31

Anịsakị arị ọmịna opu ama ma kẹ gulugulu fatẹ ye ayọ ḅara wẹrị ḅa, tẹ ọmịna fịafịa ayọ ma mịẹtẹ arị faa ḅa, anịsakị ọmịna ḅụụ-ḅẹlẹma akụnụ ḅarị ḅo ì nini la ḅịa.

Lẹvitikọsị 26:33

Opu asịẹ ma ogbo-ḅio ḅụ arị ọ́ gala-galama ḅa, anịsakị arị okologie mẹ wọrọ tẹ kẹ ó ḍuka ḅa, tẹ ọmịna ama nwẹnị faa, tẹ ọmịna opu ama ma ḅo sara sọ ḅa.