Luku 9:52 - FỊAFỊA BAỊBỤLỤ

⁵² Ọ̀ nwẹnị kịnị kẹ tarị fịrịma, mịnẹ in mu Sameriya ḅẹ gbọrụ kala-ama ḅụ ye goyegoye tẹlẹma ọ̀ wẹrịmaa.

Luku 9:52 Iomraidhean Croise

Malakayị 3:1

Kụrọmamgba nyana KỊNỊNYANAḄỌ ḅe pakịrịm, “Àrị ì oku-mẹnjịḅọ kẹ fịrịma tẹ ori ì etela tẹlẹma ị̀ pịrị ḅa. Anịtẹso KỊNỊNYANAḄỌ ḅe tẹ ọ́ ḍọkịarị ḅọ ḅe ḅiotọn-a ḅara kẹ ọ̀ fịafịa-warị mẹ sọ-ḅo ḅa. Ọmịnị ẹrị ḅẹ tẹ ḅio-sẹsẹarị oku-mẹnjịḅọ ḅe ḅo ḅa, tẹ ị̀ ọḅọkụ mẹ ḍuko wasama ḅa.”

Matiyo 10:5

Jizọsị mịna oyi maa fịrịmẹnjịapụ finji ma fịrịma pakamam, ọ̀ mị oloko mẹ sụa ịn pịrị tẹso: “Ja asịẹ ḅẹ apụ na Sameriya ḅẹ apụ na ama ma ọ́ laa ma.

Luku 10:1

Anịtẹso Jizọsị nwẹnị jen kịnị atesi oyi finji na maa apụ na sẹlẹ-ọkị, tẹ maa apụ, maa apụ kẹ tọrọkọ tarị ò mu ḅẹ ama, ama na, ọ̀ la ḅẹ anga, anga na fịrịma.

Luku 10:33

Kụma Sameriya ḅẹ gbọrụḅọ anị etela mẹ ḅụ ḅọrọ ye muarị ogbo nwẹnị ḅọ tomḅọ ḅe na kura. Ò tomḅọ ḅe ẹrị sakị, ọ̀ kpọma ọkụrụkụrụ nyana ọ̀ pịrịm.

Luku 17:11

Jizọsị so Jeruselemu muarị sakị Sameriya na Galili na ogboku ḅẹ agara ḅụ mie ọ̀ ḅọrọ ye.

Luku 17:16

Ọ̀ nwẹnị Jizọsị ḅụọ-suku amịna ḅụụ sẹma-kiri-gbin, tẹ ịmịẹtẹ kẹ ọ̀ ḅẹẹ. Tomḅọ ḅe Sameriya ḅẹ ḅọ.

Luku 7:27

Kẹ gotẹ ọkọ ḍukoarị, Jọnị anie Fịafịa Ḍiri mẹ ḅẹẹ ḅọ ḅe: ‘Tamụnọ nwẹnị ḅẹẹ àrị ị̀ oku-mẹnjịḅọ kẹ ị́ tọrọkọ tarị fịrịma ḅa, tẹ ori etela mẹ finji ị́ pịrị ḅa.’ ”

Jọnị 4:4

Ò muarị sakị, Sameriya sịẹ ḅio mie ọ̀ mẹnjị ḅọrọ ḅẹ ye.

Jọnị 4:5

Sameriya ḅụ ò ḅo ịn kẹ Sayịka sịn gbọrụ ama lam, anị ama mẹ na Jekọbụ kẹ ọ̀ tụḅọ Josẹfụ pịrị kiri na kpekim.

Jọnị 4:9

Ẹrẹḅọ ma nwẹnị pakịrị, “Ị́yẹrị Juu-ḅẹ-ḅọ, yẹrị Sameriya ḅẹ ḅọ ḅẹ sakị, ndẹẹ í inetẹ ị̀ ḅara minji ḅii ḅuu ḅẹ ḅara?” (Juu-ḅẹ-apụ Sameriya ḅẹ apụ kẹ minji ḅuu tẹ so tẹ kọpụ na bọlị na kẹ ḅuu ḅuu-a.)

Jọnị 8:48

Ịn nwẹnị Jizọsị gbela, mịnẹ Sameriya ḅẹ ḅọọ, tẹ oru pịkị ị́ ḅụụ ḅio emi mẹ “Wa karakaraye ḍuko-a?”