Luku 9:51 - FỊAFỊA BAỊBỤLỤ

⁵¹ Tamụnọ Jizọsị ọkị iwo so mu ḅẹ sakị kpeki tẹso, ọ̀ nwẹnị tọn-pẹlẹ mịnẹ ò Jeruselemu mu ḅa, tẹ nwẹnị saakị mẹnjị.

Luku 9:51 Iomraidhean Croise

2 Amadapụ 2:11

Ịn paa mẹnjị-mẹnjị tẹ ẹkwẹn-arị ogbo, ḍikii, kọrị fịnị ọmụ-arụ na asụ na nwẹnị bẹkẹ-ḅara-ḅụ ḅo ini maa apụ ma ogbo puu. Ịlayịja nwẹnị kụrọ-fẹrụ ḅio ḅụụ so iwo.

Makị 16:19

KỊNỊNYANAḄỌ Jizọsị ḅe ini na ẹkwẹn fama tẹso, Tamụnọ ori ọkị iwo so mu tẹ ori ori ama-ḅara anga lẹgịm.

Luku 12:50

À sara ḅẹ ḅo minji ḅara emi; anị mịẹ-a sime-ogbo ị́ tẹmẹ ị́ ḅụụ ḅụ dein ḅịa.”

Luku 13:22

Jizọsị opu ama ma na kala-ama ma na ḅio ye toluma ma ḅọrọ so Jeruselemu muarị ogbo,

Luku 17:11

Jizọsị so Jeruselemu muarị sakị Sameriya na Galili na ogboku ḅẹ agara ḅụ mie ọ̀ ḅọrọ ye.

Luku 18:31

Jizọsị nwẹnị ò Ḍukamẹnjị Oyi Maa apụ Finji ma sịn sikima tẹ ịn ḅẹẹ, “Ó pokii! Wa Jeruselemu muarị, anịanga ịkịankoro apụ ma Tomḅọ Tụḅọ ḅe ḅụ kẹẹ ye goyegoye paka fama ḅa.

Luku 19:11

Tomi ma paa ò pokiarị ogbo Jizọsị jen egberi gbaa ịn pịrịm. Anị sakị ò Jeruselemu kpeki lama tẹ, tẹ tomi ma ọkịm mịnẹ Tamụnọ Ama-da mẹ tolu paka-ḅo ḅẹ tẹẹ.

Luku 19:28

Jizọsị miemẹ ḍuko tẹ nwẹnị ịn ḅọrọ tẹ tọrọkọ-tọrọkọ so Jeruselemu mu.

Luku 24:51

Ori in bomarị ogbo ori ịna ḅụ puu ḅele tẹ Tamụnọ ọ̀ kẹ iwo so mum.

Luku 9:57

Ịn mẹnjị ma-muarị ogbo gbọrụ owiḅọ nwẹnị Jizọsị ḅẹẹ, “Ị́ mu anga, mu anga àrị í ḍuka mu ḅa.”

Jọnị 13:1

Anị ene mẹ anie ḅaa kụma Saḅaḅọrọ-Alalị mẹ la ḅarị ene mẹ. Jizọsị nimi tẹ mịnẹ ọ̀ mị tomikiri mẹ koroma so Ḍaḅọ ḅe ḍọkụma-mu ḅẹ tẹ. Ọ̀ sakị mamgba ori atomi ma tẹ tomikiri sime apụ ma ḅẹlẹmam, tẹ anị ḅẹlẹma mẹ ọ̀ nyana ịn pịrị nwenii mu kunoma lam.

Jọnị 16:28

Ḍaḅọ ḅe ḅụ à sime tẹ mị tomikiri mẹ ḅom; tẹ mịọkụ à tomikiri mẹ koroma soarị, à so Ḍaḅọ ḅe ḍọkụma-muarị.”

Jọnị 16:5

Kụma mịọkụ à so ị̀ kẹ fịrịmaḅọ ḅe ḍọkụma-muarị, tẹ ọmịna ḅụ gbọrụḅọ-sọ à muarị anga tọ-anga mọ kẹ ì gbela-a.

Jọnị 17:11

Tẹ mịọkụ à so ị́ ḍọkụma-ḅoarị; à ḅarị tomikiri mẹ ḅio ofori, ini kụma in tomikiri mẹ ḅio emi. Fịafịa Ḍaḅọ! In koko kpaịnmaa ị́ ẹrẹ mẹ ḅẹ kụrọ mẹ ḅụ, anie kẹ ị̀ pịrị ẹrẹ mẹ, mịẹtẹ in gbọrụ ḅụ sime ḅarị ḅara, anie na ị̀ na simearị ḅara mẹ.

Jọnị 6:62

Ọkịị, mịnẹ ó Tomḅọ Tụḅọ ḅe ẹrịm ori iwo ò sime tẹ ḅo anga muarị kụma ndẹẹ anị sime ọ́ pịrị ḅẹ ḅara?

Fịrịmẹnjịapụ 1:2

ọkị mu Tamụnọ ori ọkị iwo so mu sakị la. Tẹrẹmẹ Tamụnọ ori ọkị iwo so mu, ọ̀ tarị Fịafịa Tẹmẹ ḅe kụrọ ḅụ ọ̀ sẹlẹ-ọkị afịrịmẹnjịapụ ma mịẹ ḅẹ aị tọn ịn pịrịm.

Fịrịmẹnjịapụ 1:9

Ò miemẹ ḍuko fama tẹso, Tamụnọ nwẹnị ori ọkị iwo so mu, tẹ oḅuto nwẹnị ḅo ọ̀ gbaịn-koro, tẹso, ịn ḅarị ori ẹrị-a.

Ẹfisọsị 1:20

tẹ ọ̀ kẹ Kịrayịsị saakịma ye mẹ fịị ḅụ, tẹ ọ̀ kẹ So-ḅio ḅụ ori ama aḅara anga lẹgịma ye mẹ.

Filipayị 3:14

Mie ḅụ, à mangị da-da kunoma mẹ muarị, mịẹtẹ à ḍiepịrịye mẹ nyana ḅẹ ḅara, anie Tamụnọ, Kịrayịsị ḅụ, ị̀ sịnm à ḅo So-ḅio kọn nwẹn ḅẹ ḍumo mẹ.

1 Timoti 3:16

Gbọrụḅọ-sọ inetẹ pịkị ḅịa mịnẹ wamịna Tamụnọ etela mẹ ḅụ gbọrụ kikima wararị opu ye emi: Tomina sime-ḅara ḅụ ọ̀ paka-ḅom, Tẹmẹ ḅe ọ̀ karakara mẹ ḍie-pakamam, enjẹlị apụ Ori ẹrịm. Sịẹ-sịẹ ma ogboku ini ò ḍuko-pakamam, bebe tomikiri mẹ ḅụ tomi ò mininim, tẹ Tamụnọ ọ̀ kẹ iwo so mum.

Hiburu 12:2

Ó yee wa tọrụ kẹ Jizọsị ọgọnọ gbana; ọ̀ ḅụụ mie wamịna minini mẹ saakị tẹ pịkị mu kunomaye. Ori, ori ẹngbẹsẹ-sịn mẹ gotẹ ọḅụ da-a! Anie nakara, tọrọkọ-jụ sime ọ̀ pịrị ḅioḅẹlẹ mẹ ẹrẹsị ẹngbẹsẹ-sịn ọgọnọ ḅẹ fịị ḅụụ-jịrị mẹ ọ̀ kẹ ye-sịn-a, tẹ mịọkụ Tamụnọ ọ̀ kẹ amịna emine mẹ ḅẹ ama-ḅara anga lẹgịma tẹ.

Hiburu 6:20

Jizọsị wa gotẹ tarị mu anịanga la tẹ, tẹ Sịḅịda-Agbamịẹḅọ sọ gbamaso tẹ, Mẹlịkizẹdẹkị agbamịẹ ọrụ sime-ḅara.

1 Pita 3:22

anie so So-ḅio mu tẹ Tamụnọ ama-ḅara anga emi ḅọ ḅe, ori anie ḅẹrẹtọn enjẹlị mamgba na, So-ḅio ḅụ kụrọ ḅara ḅụ simearị apụ na, kụrọ ma na pịrịarị ḅọ.