Luku 9:5 - FỊAFỊA BAỊBỤLỤ

⁵ Kụma tomi ọ́ daa-ọkịa anga goyegoye ọmịnị ama mẹ koroma so, tẹ ọmịna aḅụọ oḅolo onwin sọ gugu sara, tẹ kẹ ḅeri-nụnụye sọma ịn pịrịị.”

Luku 9:5 Iomraidhean Croise

Nehimaya 5:13

À nwẹnị pịkị ị̀ kapa suku kporima tẹ gugu tẹ ḅẹẹ, “Yee Tamụnọ mị-ḅara kẹ ḅẹḅọ-ḅẹḅọ tẹ mị minini ye mẹ mịẹ-a ḅọ jike pakama mḅọ warị ḅio na, mḅọ kọrịnama na ḅụ. Yee mḅọ mị-ḅara kẹ gugu tẹ ye ḅio ofori ḅara sime.” Tẹ kobiri-ogbo mẹmgba nwẹnị ḅẹẹ, “Amẹnị” tẹ KỊNỊNYANAḄỌ ḅe tokini. Tẹ tomi ma nwẹnị minini ḅara mịẹ.

Matiyo 10:18

Ị̀ sịḅị ẹrẹsị ini ọ́ kẹ ḅẹrẹtọn apụ na, ama-da apụ na tọrọkọ ḅo ḅa, tẹ ọmịnị Iḅi Oku mẹ ḍuko ini na Ja asịẹ ḅẹ apụ ma na pịrị ḅa.

Makị 6:11

Ó ḅo gbọrụ ama la tẹ tomi ma ọ́ daa-ọkịa, anịanịa ó ḍuko ḅẹ ye poki ḅịa ḅẹḅẹ, ọmịnị ọmịna aḅụọ ḅẹ fọọn gugu sara tẹ soo. Anie mẹ ḅeri nụnụ ye sọ ịn pịrị ḅa!”

Makị 9:37

“Ḅẹḅọ-ḅẹḅọ tẹ ị̀ ẹrẹ ḅụ mịna kala awọmẹ ma ḅẹ gbọrụḅọ daa-ọkị ḅọ, ị̀ daa-ọkịm tẹ ḅẹḅọ-ḅẹḅọ tẹ ị̀ daa-ọkị ḅọ yẹrị ngẹrị daa-ọkịa, kụma mḅọ pịkị ị̀ kẹ fịrịmaḅọ ḅe sọ daa-ọkị tẹ.”

Luku 10:16

Jizọsị nwẹnị ò ḍukamẹnjịapụ ma ḅẹẹ, “Ó ḍuko ye naa ḅọ, naa ḅọ à ḍuko ye naa tẹ; ọ́ sịkị ḅọ, sịkị ḅọ ị̀ sịkị tẹ; ị̀ sịkị ḅọ, sịkị ḅọ pịkị ị̀ kẹ fịrịma ḅọ ḅe sịkị tẹ.”

Luku 5:14

Jizọsị nwẹnị tọn ọ̀ pịrị mịnẹ ò ḍuko kịnị pịrị ma, kụma ọ̀ da-da mu ḅụụ kẹ agbamịẹḅọ ḅe ḍie, tẹ ori ò pekele-ḍiki fama tẹ ḅẹḅẹ, ọ̀ nwẹnị Mozizi tọn koroma agba mẹ mịẹ, tẹ tomi nimi mịnẹ ọ̀ fịafịa tẹ.

Luku 9:4

Ó mu tẹ ini ọ́ daa-ọkị anga ḅẹḅẹ ọmịnị anị warị sime nwenii ọmịnị anị ama mẹ koroma so sakị la.

Luku 9:48

tẹ ịn ḅẹẹ, “Ị̀ ẹrẹ ḅụ ḅị tụḅọ ḅe daa-ọkị ḅọ ọkị ḅọ, ị̀ daa-ọkị tẹẹ; tẹ ị̀ daa-ọkị ḅọ ọkị ḅọ, pịkị ị̀ kẹ fịrịmaḅọ ḅe daa-ọkị tẹẹ. Ọmịna ḅụ iderima tẹịn ḅọ anie ọmịnị-mgba ḅụ tẹịn ḅọ.”

Fịrịmẹnjịapụ 13:51

Tẹ fịrịmẹnjịapụ ma nwẹnị ịna aḅụọ oḅolo onwin mẹ gugu sara, anị ini in dee ye ḅẹ elekima sọ ḅẹ ḅara, tẹ ịn nwẹnị ḅọrọ so Ikonịyọmụ mu.

Fịrịmẹnjịapụ 18:6

Ini ori na tụḅụrụ tẹ si ḅịḅị kẹ ọ̀ ḅẹẹ sakị, kẹ in ḍie mịnẹ ịn mịẹ ye mẹ ò gboloma-a ḅẹ ye ḅụ, ori ọ̀ kapa ḅẹ fọọn gugu sara tẹ ịn ḅẹẹm, “Ọ́ ḅọrọma-a ḅẹḅẹ, onyo mẹ ọmịna ọgọnọ emi. Yẹrị ị̀ ḅẹrẹ-a. Mịọkụ saakị tọrọkọ mu à so Ja asịẹ ḅẹ apụ ma dama-mu ḅa.”