Luku 9:47 - FỊAFỊA BAỊBỤLỤ

⁴⁷ Tẹ Jizọsị in kuromarị ye nimi tẹso, ọ̀ nwẹnị gbọrụ tụḅọ ọkị tẹ ọ̀ kẹ ori akaka sịẹma,

Luku 9:47 Iomraidhean Croise

Devidi-Anume 139:2

À mịẹarị ye goyegoye í nimi wararị; iḅere-iḅerea anga ḅụ í sime tẹ à kuromarị aị mamgba fiearị ye nimiarị.

Devidi-Anume 139:23

Yei Tamụnọ, ì pekele-ḍiki tẹ ì kuroma nimii; ị̀ daaḍiki tẹ ì ḅioḅẹngbọ sime aị ḍọkị-ẹrị.

Jerimaya 17:10

Yẹrị, KỊNỊNYANAḄỌ ḅe, anie kuroma ma sọkịrịarị ḅọ, pịkị tomina aḅioḅẹngbọ daaḍikiarị. Ọrụḅọ-ọrụḅọ kẹ ḍumo kọn-arị ḅara mie à ḍiki tẹ mḅọ na mịẹarị, mḅọ mịẹarị ye sime-ḅara.”

Matiyo 12:15

Jizọsị tomi ma ọ́ ḅaa ḅẹ ḅẹrẹ-ḅiya ye mẹ nimi tẹso, ọ̀ nwẹnị anịanga ḅụ so. Tẹ opu tomina-ogbo ò ḍuka mu tẹ ori ịna ḅụụ obiapụ mamgba gwọm,

Matiyo 9:4

Jizọsị in kuromarị ye mẹ nimi tẹ ḅẹẹm, “Ó tiegotẹ nwẹn sime asi-aị kẹ ḅiokoromarị?

Luku 5:22

Jizọsị ịna akuroma nimim ẹrẹsị ori ịn ḅẹẹm, “Ó tiegotẹ nwẹn sime aị kuromarị?

Jọnị 16:30

Mịọkụ wa nimi tẹ mịnẹ ye goyegoye í nimi fama wararị. Kịnị ye kẹ í gbela tẹrẹmẹ í ye ḍuko na-iḅi-a. Miemẹ mie wa gotẹ mininiarị ye mịnẹ Tamụnọ ḅụ í sime tẹ ḅom.”

Jọnị 2:25

Kịnị pịkị gotẹ in gboloma ye ḍuko ọ̀ pịrị-pịrị ye ofori, tomina aḅioḅẹngbọ sime ye ò nimi famam ẹrẹsị.

Jọnị 21:17

Jizọsị tẹra sakị karama ye kẹ ḅẹẹm, “Sayịmọnị, Jọnị tụḅọ ị́ ị̀ ḅẹlẹmarị, ọkọ-a?” Pita nwẹnị kururu. Jizọsị tẹra asakị karama ye kẹ ó gbela ye ẹrẹsị, “Ị́ ị̀ ḅẹlẹmarị, ọkọ-a?” Mie ḅụ ori ọ̀ ḅẹẹm, “KỊNỊNYANAḄỌ, í nimi kọnma ye ofori, í nimi wararị mịnẹ àrị ị́ ḅẹlẹmarị.” Jizọsị nwẹnị ọ̀ ḅẹẹ, “Tọrụ kẹ ị̀ anana ma ḅụụ wẹrịị.

1 Kọrịntị 14:20

Ị̀ amịnapụ, ọmịna kuroma ḅụ ọ́ kala awọmẹ kịkama; siye mịẹ ngẹrị ḅụ ọ́ kala awọmẹ sọọ; kụma ọmịna kuroma ḅụ ọ́ ḍụḅa paka-ḅo tẹ apụ sọọ.

Hiburu 4:13

Tamụnọ ḅụ inetẹ kikima ḅarị gberie-sọ ofori, ori tẹmẹ ye goyegoye ọ̀ tọrọkọ finji sara wararị. Anịsakị ori mie wa pịkị kọn-arị mẹnjị kọn-arị mẹnjị ḍuko pịrị ḅarị ḅọ.

Mịẹfinji 2:23

À pịkị á ḍukamẹnjịarị apụ ma ḅaa ḅa, anịsakị sọsị mamgba nimi ḅa mịnẹ yẹrị anie ọrụḅọ-ọrụḅọ sime-ḅara nimi ḅọ. Ọmịna ḅụ ọrụḅọ-ọrụḅọ mịẹye à nwẹn ḍiki tẹ mḅọ gbẹẹ ḅa.