Luku 9:45 - FỊAFỊA BAỊBỤLỤ

⁴⁵ Kụma ò ḍukamẹnjịapụ ma miemẹ fie ye naa-a. Mịẹtẹ ịn naa-a ye, anị ịna ḅụụ kikima ye sọm, tẹ ye mẹ kẹ ò gbela pịkị ịna ḅalafamam.

Luku 9:45 Iomraidhean Croise

Matiyo 16:22

Pita nwẹnị ọ̀ kpọmbị sikima tẹ saakị ò ḍiki ịganị, tẹ ḅẹẹ, “KỊNỊNYANAḄỌ, Tamụnọ ọkọsime ye ḍụkụ ma! Ọkọsime ye gotẹ ị́ ḅụ paka, paka ye ofori!”

Matiyo 17:22

Gbọrụ sakị Jizọsị ḍukamẹnjịapụ mamgba mu Galili ḅụ kobiri wararị ogbo ori ịn ḅẹẹm, “In Tomḅọ Tụḅọ ḅe kẹ mu tomina ḅara-ḅio suu ḅẹ-yearị;

Makị 9:10

Ịn nwẹnị ọ̀ ḅịḅị poki, kụma ini-ini-ini ogboku ḅụ ịn saakị ḅẹrẹ mẹ kẹ ẹkwẹnma-ẹkwẹnmarị, “Mie ‘fị-ḅụ-saakị’ mẹ ḅọrọ tiye fiearị?”

Makị 9:32

Kụma mị tolumaye mẹ fieye ịn naa-a, tẹ ò gbela pịkị ịna ḅalafamam.

Luku 18:34

Kụma mịna aị ma ḅẹ gberie fie ye sọ ò ḍukamẹnjịapụ ma naa-a; ẹkwẹn ma fie ye ịna ḅụ kikimam, tẹ Jizọsị ḍuko ye mẹ ini anị nimi-a.

Luku 2:50

Kụma ọ̀ kẹ ịn pakịrị ye mẹ fie ye in nimi-a.

Luku 9:46

Jizọsị ḍukamẹnjịapụ ma nwẹnị ini-ini-ini ogboku gburo-gburo tẹịn ḅọ nụnụa.

Jọnị 12:16

Ò ḍukamẹnjịapụ ma miemẹ fiearị ye naa ḍin-a anị sakị mẹ ḅụ, kụma Tamụnọ fịị ḅụ Jizọsị saakịma tẹ ori ebube ḅio sọ tẹso, mie ịn kẹ ḅiokoroma ye, mịnẹ Fịafịa Ḍiri mẹ miemẹ tẹ ịn mịẹ Jizọsị pịrị ye mẹ ḍuko tẹ ọ̀ ḅụụ ḅụ.

Jọnị 12:34

Tomina-ogbo mẹ nwẹnị pakịrị, “Wamịna Fịafịa Ḍiri ḍuko wa pịrịm mịnẹ Mẹsaya ḅe ọ̀ fịị ḅịa gbamaso ḅa. Ndẹẹ ị́yẹrị pịkị inetẹ ḅẹẹ ḅẹ ḅara mịnẹ ịn Tomḅọ Tụḅọ ḅe saakị-gelema ḅẹ? Ị́yẹrị ḅẹẹarị Tomḅọ Tụḅọ ḅe ḅọrọ tụḅọ?”

Jọnị 14:5

Tọmọsị nwẹnị ọ̀ ḅẹẹ, “KỊNỊNYANAḄỌ, wa í muarị anga nimi-a sakị ndẹẹ wa inetẹ mu anị la ḅẹ etela mẹ nimi ḅẹ ḅara?”

Jọnị 4:33

Mie ḅụ ò ḍukamẹnjịapụ ma nwẹnị saakị jụmọ-jụmọ gbela, “Kịnị inetẹ fịye ọkị-ḅo ọ̀ pịrị fị ḅẹ?”