Luku 9:44 - FỊAFỊA BAỊBỤLỤ

⁴⁴ “Ọmịnị à ḍuko ọ́ pịrị ḅẹ-yearị ye mẹ kẹ ḅioḅọrọma ma! In Tomḅọ Tụḅọ ḅe kẹ tomina kụrọ ḅara-ḅio suu ḅẹ tẹẹ.”

Luku 9:44 Iomraidhean Croise

2 Samụẹlị 24:14

Anịtẹso Devidi nwẹnị Gadi ḅẹẹ, “Arị opu ḅụụ-ḅalaḅala ḅụ emi; yee wa ḅịkị KỊNỊNYANAḄỌ ḅe ḅara-ḅio sọ; kẹ gotẹ ọkọ ḅẹẹarị, ọ̀ nyana ọkụrụkụrụ gburo-gburom; kụma yee tomi fomu-ḅara kẹ ị̀ pịrị ma.”

Matiyo 16:21

Anị sakị mẹ ḅụ saakị tọrọkọ mu Jizọsị saakị giregire ḅara kẹ ḍuko ò ḍukamẹnjịapụ ma pịrịm, “Mịẹ ḅara, mịẹ ḅara sọ à Jeruselemu mu ḅa, tẹ ama ḅẹ omongiapụ ma na, agbamịẹapụ ma na, Oloko Tolumapụ ma na ḅara ḅụ kpọma tọrụsiẹrị da ḅa. Ini ị̀ ḅaa ḅa, kụma tẹra aḍin karama ene ḅụ à saakị tẹ ḍumo ḅa.”

Matiyo 26:2

“Maa ḍin kọnm, ọmịnị sọ nimi ḅara ḅụ, Saḅa-ḅọrọ Alalị mẹ fị sakị mẹ la ḅa, tẹ Juu-ḅẹ-apụ ma Tomḅọ Tụḅọ ḅe saḅama igoniapụ ma pịrị tẹ ini ọ̀ kẹ ẹngbẹsẹ-sịn ḅụ ḅakụ ḅa.”

Makị 8:31

Anịtẹso Jizọsị saakị ò ḍukamẹnjịapụ ma tolumam: “Tomḅọ Tụḅọ ḅe kpọma tọrụsiẹrị ḅa, tẹ ama ḅẹ omongi apụ ma na, agbamịẹapụ ma na, Oloko Tolumapụ ma na ọ̀ sịkị ḅa. Ini ọ̀ ḅaa ḅa, kụma tẹra aḍin ḅọrọ tẹso, ọ̀ saakị tẹ ḍumo ḅa.”

Makị 9:31

ò ye kẹ ò ḍukamẹnjịapụ ma tolumarị ẹrẹsị: ori mẹẹ, “In Tomḅọ Tụḅọ ḅe saḅama ọ̀ ḅaa ḅẹ atomi pịrị ḅa. Anị sime-ḅara, sime-ḅara sọ, tẹra aḍin sakị ḅụ ọ̀ saakị tẹ ḍumo ḅa.”

Luku 1:66

Anị naa ḅọ naa ḅọ anị kẹ kuroma ḅụ suu tẹ gbelam, “Mịẹ ḅọrọ tọ-ḅara sime ḅẹ tụḅọ?” Tẹ anị inimgba ḅụụ korom mịnẹ KỊNỊNYANAḄỌ ḅe kụrọ ori ọgọnọ gbana tẹ.

Luku 18:31

Jizọsị nwẹnị ò Ḍukamẹnjị Oyi Maa apụ Finji ma sịn sikima tẹ ịn ḅẹẹ, “Ó pokii! Wa Jeruselemu muarị, anịanga ịkịankoro apụ ma Tomḅọ Tụḅọ ḅe ḅụ kẹẹ ye goyegoye paka fama ḅa.

Luku 2:19

Mịna aị mamgba ḅụ gberie-sọ Meri ḅioḅọrọ-a, á pịkị kpọma arị kẹ kuroma ḅụ suum.

Luku 2:51

Mie ḅụ Jizọsị ini na pịkịma so Nazarẹtị mu, tẹ ịna ḅịḅị poki ḅara kẹ ini na angam. Ò iyingi nwẹnị mịna aị mamgba kẹ á ḅioḅẹngbọ ḅụ suu wẹrị.

Luku 24:44

Anịtẹso ọ̀ nwẹnị ịn ḅẹẹ, “Ma ma anie àrị ọmịnị na simearị sakị à ḍuko ọ́ pịrị-pịrị aị ma, mịnẹ Mozizi Oloko mẹ na, ịkịankoroapụ ma na, Nume Ḍiri mẹ na, ị̀ ḅụụ ḅụ kẹẹ ye goyegoye paka fama ḅa.”

Luku 9:22

Ọ̀ pịkị ịn ḅẹẹm, “Tomḅọ Tụḅọ ḅe ẹrị ḅarị tọrụsiẹrị ḅakam, tẹ ama ḅẹ omongiapụ ma na, agbamịẹapụ ma na, Oloko Tolumapụ ma na ọ̀ sịkị ḅa. Ini ọ̀ ḅaa ḅa, kụma tẹra aḍin karama ene ḅụ Tamụnọ ọ̀ saakịma tẹ ò ḍumo ḅa.”

Jọnị 16:31

Jizọsị nwẹnị ịn pakịrị, “Mịọkụ ó minini tẹ?

Jọnị 16:4

Kụma à miemẹ ḍuko ọ́ pịrị tẹ, mịẹtẹ ịn mịna aị ma kẹ ọ́ mịẹ ḅẹ sakị mẹ ḅo la sakị ọ́ kẹ ḅiokoroma ḅa mịnẹ à tarị ḍuko ọ́ pịrị wẹrị tẹ. “Sukuyọ-saakị ḅụ à mịna aị ma ḍuko ọ́ pịrị-a, anị sakị àrị ọmịnị na emi ẹrẹsị.

Jọnị 19:11

Jizọsị nwẹnị pakịrị, “Tamụnọ kẹ í pịrị kụrọ mie ị́ kọn-arị ị̀ ḅụụ ḅụ. Mie ḅụ ị̀ kẹ ḅo ị́ ḅara-ḅio suu ḅọ ḅe si ḍụḅa tẹịnm.”

Fịrịmẹnjịapụ 2:23

Tamụnọ ḅarana anịngẹ-kụraḅio tọn koroma ḅara ḅụ, in Jizọsị ḅe saḅama ọ́ pịrị tẹ ọmịnị ọ̀ ḅaa ḅa, ọ̀ kẹ si-mịẹapụ pịrị tẹ ini ọ̀ kẹ ẹngbẹsẹ-sịn ḅụ ḅakụ ḅụ

Hiburu 2:1

Anie mẹ mie wa gotẹ wa naa tẹ akarakara mamgba fịnama sịẹma na-iḅi ye, ọkọ-a kụma tomikiri mẹ ḅofa minji anị ḅio tẹịn-arị ye fọnọ-so ḅara kẹ wa fọnọ-so.