Luku 9:43 - FỊAFỊA BAỊBỤLỤ

⁴³ Tamụnọ opu kụrọ mẹ nwẹnị inweni-mgba ḅụụ-buama. Jizọsị ḍuko aị ma paa tomi ma ḅụụ-buamarị ogbo ori ò ḍukamẹnjịapụ ma ḅẹẹm,

Luku 9:43 Iomraidhean Croise

Devidi-Anume 139:14

Àrị ị́ tokiniarị, í mangịma na-iḅim ẹrẹsị; ị́ mịẹarị aị mamgba kịrịm, pịkị ḅụụ-buamam. Àrị ì ḅioḅẹngbọ mamgba kẹ nimi wararị.

Zẹkaraya 8:6

“Miemẹ mịọkụ kirikọn-apụ ma ḅụụ inetẹ mịẹ ḅịa ye kịka ḅa, kụma ị̀ ḅụụ anị inetẹ mịẹ ḅịa ye sọ-a.

Matiyo 17:22

Gbọrụ sakị Jizọsị ḍukamẹnjịapụ mamgba mu Galili ḅụ kobiri wararị ogbo ori ịn ḅẹẹm, “In Tomḅọ Tụḅọ ḅe kẹ mu tomina ḅara-ḅio suu ḅẹ-yearị;

Makị 6:51

Anịtẹso ori arụ mẹ ḅụkụlọ tẹ ịna ḅụụ sọ, tẹ fẹrụ mẹ biin yaụm. Ò ḍukamẹnjịapụ ma kpọma ḅaka ḅara kẹ ḅụụ-gbiripu lamam,

Luku 18:43

Anị gbọrụ sakị ḅụ ọ̀ nwẹnị inetẹ ye ẹrị, tẹ Jizọsị ḍukamẹnjị, tẹ ịmịẹtẹ kẹ Tamụnọ ḅẹẹ. Tomina-ogbo mẹ anị ẹrị sakị inimgba Tamụnọ tokinim.

Luku 4:36

Anịanga sime apụ mamgba nwẹnị ḅụụ-bua tẹ jụmọ-jụmọ ḅẹẹ, “Mịna ẹkwẹn ma ḅọrọ tọ-ḅara sime ẹkwẹn? Opu kụrọ ḅụ mie ḅị tomḅọ ḅe tọn si-atẹmẹ ma pịrị tẹ ịn paka-soarị!”

Luku 5:26

Inimgba kpọma ḅụụ-buam. Ḅalafa pịkị ịna ḅụụ sọ ḅin tẹ ịn Tamụnọ tokini tẹ ḅẹẹm, “Mịmgba wa ḅụụ-buama-aị ẹrị tẹ.”

Luku 5:9

Ịn kun inji ma kịẹn-ḅịḅị ḍụḅa la ḅara nwẹnị Sayịmọnị na ori na sime apụ ma na ḅụụ-buama.

Luku 8:25

Anịtẹso ori ò ḍukamẹnjịapụ ma ḅẹẹm, “Ndẹẹ ḅọrọ ọmịna minini mẹ sịẹ anga?” Anị sakị opu ḅalafa ịn gbaịn wararị tẹ ịn jụmọ-jụmọ gbelam, “Mie ḅọrọ ndẹndẹ sime tomḅọ, tẹ ḅẹrẹtọn fẹrụ na ọnụngọ na sọ pịrị tẹ arị ọ̀ ḅịḅị pokiarị!”

Luku 9:42

Tụḅọ ḅe ḅoarị ogbo, oru ḅe ò sukuruma kiri gbin tẹ ò fomum. Jizọsị nwẹnị tọn si-tẹmẹ ḅe pịrị tẹ tụḅọ ḅe gwọ, tẹ ọ̀ kẹ ọ̀ ḍa pịrị.

2 Pita 1:16

Wa tomi ḅarana kuroma ḅo ịlụkụ ḅụ sịrẹrẹ tẹ wa Nyanaḅọ Jizọsị Kịrayịsị opu ḅo mẹ ḍuko ọ́ pịrị-a. Wamịnị ḅarana tọrụngbọ kẹ ori opu mẹ ẹrịm.