Luku 9:41 - FỊAFỊA BAỊBỤLỤ

⁴¹ Jizọsị nwẹnị pakịrị, “Ọmịnị minini nyana-a tẹ pịkị karakara kuroma-a apụ! Ọ́ sịn-arị àrị ọmịnị na sime tọ sakị la ḅẹ? Ndẹẹ àrị ọmịna amịẹaị ma inema la ḅẹ sakị?” Anịtẹso ọ̀ nwẹnị tomḅọ ḅe ḅẹẹ, “Ị́ tụḅọ ḅe kẹ mịanga ḅoo.”

Luku 9:41 Iomraidhean Croise

2 Amadapụ 5:8

Kụma Ịlayịsa Tamụnọ tomḅọ ḅe naam mịnẹ Izirẹlị ḅe amadaḅọ ọ̀ kapa kan tẹ ḅẹ ye ḅụ, ọ̀ nwẹnị fịrịma tẹ amadaḅọ ḅe gbela, “Í tiegotẹ ị́ kapa kan? Yee ori ị̀ ḍọkụma-ḅo mịọkụ, mịẹtẹ ò nimi ḅẹ ḅara mịnẹ Izirẹlị ḅụ ịkịankoroḅọ emi!”

Devidi-Anume 78:8

Ini ịna elemu aḍapụ ma kịka ḅịa ḅara, anie kọngọ kụrọma na ḅịḅịpoki-a na atomi ma, gbala-gbala Tamụnọ kẹ ḅiokpọma kuroma-kuroma-a apụ ma, tẹ ḅioḅẹngbọ-kẹ-sịrẹrẹ-niḅi ḅara kẹ koro-sime ọ̀ pịrị-a apụ ma.

Paka-so 10:3

Mie ḅụ Mozizi na, Erọnị na mẹnjị sọ Fero dama-mu tẹ ọ̀ ḅẹẹm, “Mie KỊNỊNYANAḄỌ, Hiburu ḅẹ apụ ma Tamụnọ ḅe ḍuko yee, ‘Anị mu tọ sakị la tẹrẹmẹ ị́ ị̀ tọrọkọ ị́ ḅụụ iderima ḅẹ? Ị̀ atomi ma wẹrịsoo, in so, mịẹtẹ ịn fịrịmẹnjị ị̀ pịrị ḅarị ḅara.

Paka-so 16:28

KỊNỊNYANAḄỌ ḅe nwẹnị Mozizi ḅẹẹ, “Ọmịnị à tọn aị ma na, ì Oloko ma na sịkị mu tọ sakị la ḅẹ?

Jerimaya 4:14

Jeruselemu, í ḅioḅẹngbọ ḅụ si mẹ sịkịrị-siin, mịẹ tẹ ị́ ḅọrọma ḅarị ḅara. Í si-aị kuroma mu tọ sakị la ḅẹ?

Kịẹn-aḅịḅị 14:11

KỊNỊNYANAḄỌ ḅe nwẹnị Mozizi ḅẹẹ, “Mịna atomi ma ì ḍiki-sima mu tọ-sakị la ḅẹ? Yẹrị ini ogbo-ḅio ḅụ mịẹ tẹ ḅụụ-gbiripuma elekima mamgba ḅụ sọ, mu tọ-sakị la tẹrẹmẹ mịna atomi ma ì minini ḅẹ?

Kịẹn-aḅịḅị 14:27

“Mie si-sịḅịḅio-sụa tomina-ogbo sime tẹ mbụrụmbụrụ ị̀ pịrị mu tọ sakị la ḅẹ? Izirẹlịapụ ma kọn-arị mbụrụmbụrụ ma à nwẹn naa tẹ, arị mbụrụmbụrụ ma tẹ ịn kọn ị̀ pịrị aị ma.

Matiyo 11:28

“Ọmịnị ị̀ ḍọkụma-ḅoo, ọmịnị-mgba tẹ iku ye dogi nwenii tẹ ịnyọ-pọkọta tẹ apụ tẹ arị ịnyọsara kẹ ọ́ pịrị ḅa.

Matiyo 12:39

Jizọsị nwẹnị oloku pakama tẹ ḅẹẹ, “Ọmịnị mị sakị mẹ ḅẹ atomi ma kịngẹ kụma, ọmịnị papaa, lala-si atomi ḅara ḍikii! Ọ́ ḅụụ-buamaye ẹrị ḅẹ-ḅiiarị? Ọkọsime ye ọ́ nyana ḅịa. Ịn kẹ ọ́ pịrị ḅarịye anie ịkịankoro Jona ḅụụ-buamaye mẹ ngẹrị.

Matiyo 12:45

ọ̀ paka mu tẹ ja sii ọ̀ nẹngị sọnọma atẹmẹ ọkị amịna ḅụụ sụa tẹ ḅo anịjụ anga ḅa. Tẹ anị ọkọ sime fama tẹ ḅẹḅẹ, si-atẹmẹ ma ḅụụ ḅio sọ-mu tẹ tomḅọ ḅe sime-ḅara ḅo sii tarị ò sime-ḅara nẹngị tẹẹ. Mie anị paka mị sakị mẹ ḅẹ si-mịẹapụ ma pịrị ḅarị ḅara.”

Matiyo 16:4

Mị sakị mẹ ḅẹ atomi ma Tamụnọ nimi-a si-mịẹapụ ḅara ḍikii! Ọmịnị ị̀ ḅara ḅụụ-buamaye ḅiiarị aro? Ọmịnị ọkọ sime ye nyana ḅịa! Jona ḅụụ-buamaye mẹ kịngẹ mie ịn kẹ ọ́ pịrị ḅarịye.” Mie ḅụ ọ̀ nwẹnị in koroma tẹ mẹnjị so.

Matiyo 17:17

Jizọsị nwẹnị pakịrị, “Ọmịnị minini nyana-a tẹ pịkị kuraye mịẹ-a atomi ḅara ḍikii! Àrị ọmịnị na sime mu tọ sakị la ḅẹ? Àrị ọmịnị inema mu tọ sakị la ḅẹ? Tụḅọ ḅe kẹ mịanga ḅo ị̀ pịrịị!”

Matiyo 23:36

À gasịma ḍuko ọ́ pịrịarị: mịna ịn ḅaa apụ mamgba ḅẹ fomu-ḅara mẹ ḅo mịmgba mẹ ḅẹ atomi ma ọgọnọ gbana ḅa!

Matiyo 3:7

Tomi ma ọkọ kẹ gbii-gbiima ọ̀ dama-ḅoarị ogbo Jọnị nwẹnị ẹrị mịnẹ tọnwa Farịsiiapụ na Sadusiiapụ ma na sọ ọ̀ ḅara minji sara ḅẹ ḅo tẹ. Tẹ ọ̀ nwẹnị ịn ḅẹẹ, “Ọmịnị ododo amẹẹ, tụḅọ ḅọrọ ḍuko ọ́ pịrị mịnẹ ọmịnị inetẹ Tamụnọ ḅara ḅo ḅarị fomu-ḅara mẹ ḅụ so ḅẹ?

Makị 10:14

Jizọsị ḅo miemẹ nimi tẹso, ori ịganị tẹ ò ḍukamẹnjịapụ ma ḅẹẹm, “Awọmẹ ma wẹrịso ini ị̀ ḍọkụma-ḅo, ọmịnị in kiki ma; gbala Tamụnọ Ama-da mẹ sime ịn sime-ḅara sime apụ pịrịm ẹrẹsị.

Makị 10:49

Jizọsị nwẹnị daasịẹ tẹ ḅẹẹ, “Ọmịnị ọ̀ sịn.” Mie ḅụ ịn tọrụngbọ-pụụntẹ tomḅọ ḅe sịnm. Ini mẹẹ, “Ḅiokpọọ! Saakị sịẹ, ori ị́ sịn-arị.”

Makị 9:19

Jizọsị nwẹnị ịn ḅẹẹ, “Amụ ọ́ paa minini nyana-a ḅara ḍikii! À ḅọrọ ọmịnị na sime mu tọ-sakị la ḅẹ? À ḅọrọ ọmịna amịẹaị ma inema mu tọ-sakị la ḅẹ? Ọ́ tụḅọ ḅe ọkị-ḅo ị̀ pịrịị!”

Luku 8:25

Anịtẹso ori ò ḍukamẹnjịapụ ma ḅẹẹm, “Ndẹẹ ḅọrọ ọmịna minini mẹ sịẹ anga?” Anị sakị opu ḅalafa ịn gbaịn wararị tẹ ịn jụmọ-jụmọ gbelam, “Mie ḅọrọ ndẹndẹ sime tomḅọ, tẹ ḅẹrẹtọn fẹrụ na ọnụngọ na sọ pịrị tẹ arị ọ̀ ḅịḅị pokiarị!”

Luku 9:40

Àrị í ḍukamẹnjịapụ ma tẹkẹm ini ò dee sin, kụma ini ine-a.”

Luku 9:42

Tụḅọ ḅe ḅoarị ogbo, oru ḅe ò sukuruma kiri gbin tẹ ò fomum. Jizọsị nwẹnị tọn si-tẹmẹ ḅe pịrị tẹ tụḅọ ḅe gwọ, tẹ ọ̀ kẹ ọ̀ ḍa pịrị.

Jọnị 14:9

Jizọsị nwẹnị pakịrị, “Filipu, àrị ọmịnị-mgba na sime alama tẹ mẹ sọ ị́ paa ì nimi-a? Ị̀ ẹrị tẹ ḅọ, ẹrị tẹ ḅọ Ḍaḅọ ḅe ẹrị tẹ ḅẹ sakị, ị́ paa tiegotẹ pịkị ḅẹẹarị, ‘Ḍaḅọ ḅe kẹ wa ḍie’?

Jọnị 20:27

Anịtẹso ọ̀ nwẹnị Tọmọsị ḅẹẹ, “Ị́ ḅara-tụngbalị kẹ mịanga suu, tẹ pịkị ị̀ aḅara ma ḍikii; anie ḅọrọ tẹ ḅẹḅẹ pịkị ị́ ḅara sụn-pakama tẹ kẹ ị̀ agaga ḅụ suu. Ḅarị jen kẹ ḅio maaịn maaịn tọnma, tẹ minini nyana-a!”

Fịrịmẹnjịapụ 13:18

tẹ kụra amesi ọ̀ nwẹn kẹ ịna amịẹaị ma inemam ịkpa mẹ ḅio.

Fịrịmẹnjịapụ 2:40

Pita paa pịkị anị ịna ḅụụ sọ-mu ḅẹ ḅara kẹ ẹkwẹn kụrọma ịn pịrị tẹ ịn ḅẹẹm, “Si sịḅịḅio sụa apụ la ḅẹ ḅoarị fomu-ḅara mẹ, ọmịnị ọmịnị inetẹ ḅara, inetẹ ḅara mịẹ tẹ anị ọ́ lama.”

Romu 2:4

Anịanịa, ori iḅi-yemịẹ-ḅara na, ò kiri foofoma mẹ na, ò ye inema mẹ na ị́ tọrụ-ḅaarị ḅoto. Í nimi lama wararị, Tamụnọ amịna iḅi ḅụ ị́ mịẹ tẹ í si ḅụ pịkị ḅẹ ḅara kẹ í ḍiearị.

Ditẹrọnọmị 32:5

Ini ịn sime iḅi ḅara mẹ sima ḅara kẹ ori na mịẹ tẹ, ịna aḅụụ simearị ḅẹkụ gotẹ, ini ḅarị ori awọmẹ-a; ini anie karakaraye mịẹ-a, pịkị gbọrụ ḅụụ mu-a ḅụọ ḅẹ apụ.

Hiburu 3:19

Anị ḅara ḅụ, wa ẹrị tẹ mịnẹ ini inetẹ ịnyọsara anga mẹ sọ-mu-a, ịn Tamụnọ minini-a ẹrẹsị.

Hiburu 4:11

Ọkọ ẹrẹsị, ó yee wa inetẹ ḅara, inetẹ ḅara mịẹ, tẹ anị ịnyọsara mẹ wamịna ḅara la, mịẹtẹ wamịna ḅụ anị gbọrụḅọ-sọ gbarị ḅịa ḅara, anị in minini nyana-a ẹrẹsị ịn gbarị ḅara mẹ.

Hiburu 4:2

Kẹ gotẹ ọkọ ḍukoarị, ịn naa gbọrụ ḅara mẹ mie mịọkụ wamịnị sọ Iḅi-Oku mẹ naa tẹ ḅara. Ịn naa oku mẹ gbọrụ iḅi sọ kẹ ịn mịẹ-a, in minini nyana ḅara kẹ anị daa-ọkịa ẹrẹsị.

Hiburu 7:25

Tẹ anie ḅụ, ori inetẹ ọ̀ ḅụụ ḅọrọ Tamụnọ ḍọkụma-ḅoarị apụ ḅọrọmarị mịọkụ na, ḅẹẹ-sakị ḅẹẹ-sakị na ḅụ, ò ḍumo gbamasoarị tẹ sakị mamgba Tamụnọ tọrọkọ ịn ḍụarị ẹrẹsị.